ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បរទេស៖ អ្នកស្រី Jill Biden ភរិយារបស់លោកប្រធានាធិបតីអាមេរិក Joe Biden ត្រូវបានសេតវិមានចាត់ទុកជាស្ត្រីទីមួយរបស់អាមេរិក (First Lady) ដែលមានប្រវត្តិសិក្សានិងការងារមិនធម្មតា។ អ្នកស្រីក៏ធ្លាប់មានឈ្មោះជាស្ត្រីទីពីររបស់អាមេរិកក្នុងអាណត្តិដែលលោក Joe Biden នៅជាអនុប្រធានាធិបតីនៅឆ្នាំ 2009 ដល់ឆ្នាំ 2017។ ក្នុងពេលស្វាមីបំពេញការងារជាអនុប្រធានាធិបតី អ្នកស្រី Jill Biden បានធ្វើកិច្ចការសំខាន់ៗជាច្រើនជួយជ្រោមជ្រែងស្វាមី។ ជាក់ស្តែងអ្នកស្រី Jill បានថ្លែងសុន្ទរកថាលើកតម្កើងចរិតនិងសមត្ថភាពរបស់លោក Joe ដើម្បីជួយស្តារប្រទេសដែលកំពុងប្រយុទ្ធប្រឆាំងនឹងមេរោគកូរ៉ូណា ព្រមទាំងវិបត្តិនយោបាយអាមេរិកកន្លងទៅ។
អ្នកស្រី Jill Biden មានឈ្មោះដើមហៅថា Jill Tracy Jacobs Biden កើតនៅថ្ងៃទី03 ខែមិថុនា ឆ្នាំ1951 នៅរដ្ឋ New Jersey ។ អ្នកស្រីមានឪពុកឈ្មោះ Donald Carl Jacobs និងម្តាយឈ្មោះ Bonny Jean Godfrey Jacobs ជាកូនច្បងក្នុងចំណោមបងប្អូនទាំងប្រាំនាក់ ។ អ្នកស្រីធំធាត់ឡើងនៅ Pennsylvania ហើយបានបញ្ចប់ការសិក្សាពីវិទ្យាល័យ Upper Moreland នៅឆ្នាំ1969 និងបានបញ្ចប់ថ្នាក់បរិញ្ញាបត្រខាងផ្នែកអក្សរសាស្រ្តអង់គ្លេសនៅឆ្នាំ1975 ។
ក្រោយបញ្ចប់ការសិក្សាបានមួយឆ្នាំ អ្នកស្រី Jill ចាប់ផ្ដើមធ្វើជាគ្រូបង្រៀនភាសាអង់គ្លេសនៅវិទ្យាល័យ St. Mark’s High School នៃរដ្ឋ Wilmington ។ ក្រោយមកគាត់ក៏ក្លាយជាអ្នកជំនាញផ្នែកអំណានវិទ្យាល័យ Claymont ស្របពេលដែលគាត់បន្តការសិក្សាថ្នាក់អនុបណ្ខិតខាងផ្នែកអំណានពីសាកលវិទ្យាល័យ West Chester នៅឆ្នាំ1981។
អ្នកស្រី Jill បានជួបសមាជិកព្រឹទ្ធសភាអាមេរិក Joe Biden ដំបូងនៅឆ្នាំ 1975 ហើយក៏រៀបការ។ រយៈពេលពីរឆ្នាំចំណងដៃអាពាហ៍ពិពាហ៍អ្នកទាំងពីរបានកូនស្រីឈ្មោះ Ashley នៅឆ្នាំ1981 ។ មុនពេលរៀបការជាមួយនឹងលោក Joe Biden អ្នកស្រីធ្លាប់រៀបការម្តងរួចហើយជាមួយអតីតកីឡាករបាល់ទាត់របស់អាមេរិក Bill Stevenson ប៉ុន្តែបានចែកផ្លូវគ្នា។ រឿងរ៉ាវស្នេហានេះ អ្នកស្រី Jill បានស្គាល់លោក Joe តាមរយៈប្អូនប្រុស (ក្រោយពេលបីឆ្នាំ) បន្ទាប់ពីលោក Joe បានបាត់បង់ជីវិតប្រពន្ធនិងកូនស្រីរបស់គាត់នៅក្នុងឧប្បទ្ទវហេតុគ្រោះថ្នាក់ចរាចរណ៍មួយកាលពីឆ្នាំ1972 ។
អ្នកស្រី Jill Biden បានគ្រូបង្រៀនភាសាអង់គ្លេសនៅមន្ទីរពេទ្យចិត្តសាស្ត្រ Rockford Center ខណៈពេលដែលគាត់កំពុងបន្តការសិក្សាថ្នាក់អនុបណ្ឌិតផ្នែកសិល្បៈភាសាអង់គ្លេសពីសាកលវិទ្យាល័យ Villanova ។ ក្នុងឆ្នាំ 1993 អ្នកស្រីបានបម្រើការងារមហាវិទ្យាល័យ Delaware Technical Community College និងបញ្ចប់ការសិក្សាបណ្ឌិតផ្នែកវិទ្យាសាស្ត្រអប់រំ និងភាពជាអ្នកដឹកនាំ (Ed.D.) នៅសាកលវិទ្យាល័យ Delaware នេះតែម្តង។
បណ្ឌិត Jill Biden នៅតែបន្តកិច្ចការមួយចំនួនក្នុងមានជាភរិយារបស់ប្រធានាធិបតីអាមេរិក។ ទន្ទឹមគ្នានេះអ្នកស្រី បន្តការងារលើកកម្ពស់គុណភាពអប់រំកម្រិតមហាវិទ្យាល័យ ធ្វើការងារតស៊ូមតិសម្រាប់គ្រួសារយោធា និងលើកកម្ពស់ការយល់ដឹងពីបញ្ហាមហារីកសុដនទៅក្មេងស្រី និងស្រ្តីជុំវិញពិភពលោកថែមទៀតផងដែរ។ ស្ត្រីដែលមានសញ្ញាបត្រអនុបណ្ឌិតចំនួនពីរ និងសញ្ញាបត្របណ្ឌិតវិទ្យាសាស្ត្រអប់រំរូបនេះ នៅតែបន្តធ្វើជាសាស្ត្រាចារ្យផ្នែកសំណេរនៅមហាវិទ្យាល័យ Northern Virginia Community College រហូតមកដល់សព្វថ្ងៃ។ ក្នុងនាមជាអ្នកអប់រំ បណ្ឌិត Jill Biden បានបង្ហើរពាក្យផ្ទាល់មួយឃ្លាថា
“Teaching isn’t just what I do, it’s who I am.”៕
– អ្នកស្រី Jill Biden
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
និស្សិតជិត ៣០០នាក់ ចូលរួមសិក្ខាសាលាតម្រង់ទិសនៃកម្មវិធី Next-Gen Engagement Program – Batch III
រដ្ឋមន្ត្រីអប់រំ ផ្តល់អនុសាសន៍ ៤ ចំណុចសំខាន់ៗ ដើម្បីលើកកម្ពស់គុណភាពអប់រំនៅកម្រិតឧត្តមសិក្សា
រដ្ឋមន្ត្រីអប់រំ ៖ លក្ខន្តិកៈ នៃអង្គគ្រូបង្រៀន ឆ្លើយតបយ៉ាងប្រសើរ ក្នុងការកសាងសមត្ថភាព និងយន្តការស្ថាប័នរឹងមាំ
ក្រសួងអប់រំបង្កើតសារអប់រំបង្ការជំងឺ H5N1 សម្រាប់សិស្សនៅតាមសាលារៀន ខណៈកុមារនៅតែជាក្រុមប្រឈមហានិភ័យខ្ពស់
ស្វែងយល់ពីអត្ថប្រយោជន៍ និងគ្រោះថ្នាក់ របស់ ផ្លែប៉ិកួៈ
ឱកាសយុវជនកម្ពុជាបង្ហាញសមត្ថភាពផ្នែកបច្ចេកវិទ្យា តាមរយៈការប្រកួតសរសេរកូដបញ្ជារ៉ូបូតនៅលើស្ថានីយលំហអាកាសអន្តរជាតិ
ត្រឹមអាយុ៩ឆ្នាំ កុមារី មិញជូ ចេះសរសេរកូដ និងបង្កើតហ្គេមបង្ហាញពីសក្តានុពលអនាគតក្មេងស្រីក្នុងវិស័យឌីជីថល
អតីតសិស្សនិទ្ទេស A ២០១៩ សាន គឹមស័ង ចែករំលែកគន្លឹះ ២សប្ដាហ៍មុនប្រឡងបាក់ឌុប
បារាំងក្លាយជាប្រទេសដំបូងនៅសហភាពអឺរ៉ុប ហាមកុមារអាយុក្រោម ១៥ឆ្នាំ ប្រើប្រាស់បណ្តាញសង្គម
៤ គន្លឹះពីសៀវភៅ «Show Your Work!» ៖ ធ្វើដូចម្តេចឱ្យគេស្គាល់សមត្ថភាព និងស្នាដៃរបស់អ្នក?
កម្មវិធីពិសេសរបស់ AMS EDUCATION
ព័ត៌មានសង្ខេប
