ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ ADB កំពុងបើកទទួលសិស្សសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យហុងកុង សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាដល់និស្សិតអន្តរជាតិជាច្រើនប្រទេស រួមទាំងកម្ពុជាផងដែរ។
កម្មវិធីសិក្សាដែលអាហារូបករណ៍ផ្ដល់ជូនរួមមាន ថ្នាក់បរិញ្ញាបត្រជាន់ខ្ពស់រចនាទីក្រុង (Master of Urban Design Program) និងថ្នាក់បរិញ្ញាបត្រជាន់ខ្ពស់វិទ្យាសាស្ត្រកម្មវិធីផែនការទីក្រុង (Master of Science in Urban Planning Program) ។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមភ្ជាប់ឯកសារចាំបាច់មួយចំនួនដែលអាហារូបករណ៍តម្រូវ រួមមាន ៖ ទម្រង់ពាក្យស្នើសុំអាហារូបករណ៍ Online ( Online Application form) ទម្រង់ពាក្យអាហារូបករណ៍ ADB ផែនការស្រាវជ្រាវ ( Field of Study and Research Plan) ប្រតិចារឹកសិក្សា សញ្ញាបត្រថ្នាក់បរិញ្ញាបត្រ (មានបញ្ជាក់) លិខិតណែនាំចំនួន២។
លក្ខខណ្ឌជ្រើសរើស ៖ បេក្ខជនត្រូវតែជាជនជាតិ នៃប្រទេសសមាជិក ADB និងបំពេញតាមតម្រូវការទូទៅរបស់សាកលវិទ្យាល័យ។ បេក្ខជនត្រូវមានសញ្ញាបត្របរិញ្ញាបត្រ ដើម្បីដាក់ពាក្យចូលរៀនថ្នាក់បរិញ្ញាបត្រជាន់ខ្ពស់ និងត្រូវមានបទពិសោធន៍ការងារពេញម៉ោងយ៉ាងតិចពីរឆ្នាំ និងមានអាយុមិនលើសពី៣៥ឆ្នាំនៅពេលដាក់ពាក្យ។ ជាមួយគ្នានេះ និស្សិតត្រូវត្រឡប់មកធ្វើការនៅប្រទេសកំណើតរបស់ពួកគេយ៉ាងហោចណាស់ពីរឆ្នាំបន្ទាប់ពីបញ្ចប់ការសិក្សាថ្នាក់បរិញ្ញាបត្រជាន់ខ្ពស់។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://www.adb.org/work-with-us/careers/japan-scholarship-program ។ សម្រាប់ព័ត៌មានបន្ថែមអំពីថ្នាក់បរិញ្ញាបត្រជាន់ខ្ពស់រចនាទីក្រុង សូមចូលទៅកាន់ https://www.arch.hku.hk/programmes/upad/master-of-urban-design/scholarship/ និងថ្នាក់បរិញ្ញាបត្រជាន់ខ្ពស់ផែនការគ្រប់គ្រងទីក្រុង សូមចូលទៅកាន់ https://www.arch.hku.hk/programmes/upad/master-of-science-in-urban-planning/admissions/ ។
អាហារូបករណ៍នឹងបើកទទួលពាក្យថ្ងៃទី៥ ខែមករា ឆ្នាំ២០២៥ និងថ្ងៃទី២៨ ខែកុម្ភៈ ឆ្នាំ២០២៥៕
