បេក្ខជនជាប់បម្រុងគ្រូកិច្ចព្រមព្រៀងការងារកម្រិតវិទ្យាល័យជាង ១ពាន់នាក់ ចូលរួមចាប់ប៉ុស្តិ៍ការងារ, ក្រសួងផ្តល់​ “ឱកាសទីពីរ” សម្រាប់បេក្ខជនមិនទទួលបានប៉ុស្តិ៍ ទៅកម្រិតអនុវិទ្យាល័យ

នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ​ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ ១ ៧៦៤នាក់ បានចូលរួមបែងចែកកន្លែងការងារ ឬចាប់ប៉ុស្តិ៍ នៅតាមវិទ្យាល័យក្នុងភូមិសាស្ត្រខេត្ត-ស្រុក នៅវិទ្យាស្ថានជាតិអប់រំ។ ជាមួយគ្នានេះ ក្រសួងមុខងារសាធារណៈ ក៏​បានផ្តល់សិទ្ធិអាទិភាពជូនបេក្ខជនជាប់បម្រុង កម្រិតវិទ្យាល័យ ដែលពុំទាន់ទទួលបានប៉ុស្តិ៍ ឱ្យមានឱកាសជ្រើសរើសប៉ុស្តិ៍ការងារ ដែលនៅទំនេរនៅកម្រិតអនុវិទ្យាល័យ ផ្អែកលើលក្ខខណ្ឌស្ម័គ្រចិត្ត។

កញ្ញា សន ពិសី ជាបេក្ខជនប្រឡងជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ ឯកទេសគណិតវិទ្យា ក្នុងស្រុកអង្គស្នួល ខេត្តកណ្ដាល លើកឡើងថា ការមកចូលរួមចាប់ប៉ុស្តិ៍កន្លែងការងារដែលនៅទំនេរនេះ​ គឺដោយសារចង់ពិនិត្យមើលផ្ទាល់ភ្នែកខ្លួនឯង។

កញ្ញា សន ពិសី បន្ថែមថា ដោយសារប៉ុស្តិ៍កន្លែងការងារក្នុងភូមិសាស្ត្ររដ្ឋបាលស្រុក-ខេត្តគោលដៅ ដែលខ្លួនដាក់ពាក្យពេញអស់ ដូច្នេះកញ្ញាសម្រេចចិត្តបោះបង់ប៉ុស្តិ៍នេះ និងត្រៀមចូលរៀនវគ្គបណ្ដុះបណ្ដាលគរុនិស្សិតកម្រិតឧត្តម (បរិញ្ញាបត្រ+២) ផ្អែកលើកិច្ចព្រមព្រៀងការងារជំនាន់ទី១ នៅវិទ្យាស្ថានជាតិអប់រំ ចាប់ពីថ្ងៃទី០៤ ដល់ថ្ងៃទី២០ ខែវិច្ឆិកា ឆ្នាំ២០២៦។

កញ្ញា ពិសី លើកឡើងថា កញ្ញាយល់ស្របចំពោះការរៀបចំដំណើរការរើសប៉ុស្តិ៍កន្លែងការងារសម្រាប់បេក្ខជនជាប់បម្រុង ដែលផ្ដល់នូវភាពស្មើគ្នា។ កញ្ញា ពិសី បន្តថា ​ក្រោយបញ្ចប់វគ្គបណ្ដុះបណ្ដាល ប្រសិនបើមានឱកាសប៉ុស្តិ៍ទំនេរ កញ្ញានឹងស្ម័គ្រចិត្តទៅបង្រៀនតាមលទ្ធភាពជាក់ស្ដែង។

ជាមួយគ្នានេះ លោក ភាក់ ចាន់នេត ដែល​បានប្រឡងជាប់បម្រុង គ្រូបង្រៀនផ្អែកកិច្ចព្រមព្រៀងការងារកម្រិតវិទ្យាល័យ ឯកទេសភាសាខ្មែរ ក្នុងស្រុកសន្ធរកណ្ដាល ខេត្តព្រៃវែង បន្ថែមថា​ ដោយសារការជ្រើសរើសប៉ុស្តិ៍កន្លែងការងារនៅកម្រិតវិទ្យាល័យពេញ ទើបលោកសម្រេចចិត្តជ្រើសរើសប៉ុស្តិ៍កន្លែងការងារដែលនៅទំនេរ នៅកម្រិតអនុវិទ្យាល័យវិញ គឺស្ថិតក្នុងវិទ្យាល័យព្រែកសណ្ដែក ខេត្តព្រៃវែង។ លោក ចាន់នេត បន្តថា ការផ្លាស់ប្ដូរពីកម្រិតវិទ្យាល័យ ទៅកម្រិតអនុវិទ្យាល័យនេះ លោកពេញចិត្ត ព្រោះជាគោលដៅតែមួយដែលលោកមានបំណងទៅបង្រៀនសិស្សនៅកម្រិតមធ្យមសិក្សាដូចគ្នាដែរ។

បើតាម​ក្រសួងមុខងារសាធារណៈ បន្ទាប់ពីបានបញ្ចប់ដំណើរការបែងចែកកន្លែងការងារយ៉ាងសកម្មនាពេលព្រឹក គណៈកម្មការអន្តរក្រសួងនៃក្រសួងមុខងារសាធារណៈ និងក្រសួងអប់រំ យុវជន និងកីឡា បានបន្តដឹកនាំអនុវត្តនីតិវិធីលម្អិតនាពេលរសៀល។ នៅក្នុងដំណើរការវគ្គរសៀល គណៈកម្មការ បានប្រមូលផ្ដុំបេក្ខជនជាប់បម្រុងកម្រិតវិទ្យាល័យ មកពីបណ្តាខេត្តក្រុងនានាទូទាំងប្រទេស ដែលមិនទាន់ទទួលបានកន្លែងការងារ ដើម្បីបន្តនីតិវិធីបែងចែកទីកន្លែងបំពេញការងារ (ចាប់ប៉ុស្តិ៍) សម្រាប់ឆ្នាំសិក្សា២០២៦-២០២៧។ នីតិវិធីនេះ គឺត្រូវបានអនុវត្តជាពិសេសសម្រាប់តែមុខវិជ្ជាឯកទេសទាំងឡាយណា ដែលនៅមានតម្រូវការជាក់ស្តែង និងមានប៉ុស្តិ៍ទំនេរនៅតាមគ្រឹះស្ថានសិក្សាសាធារណៈប៉ុណ្ណោះ។

ឯកឧត្តម យក់ ប៊ុនណា រដ្ឋមន្ត្រីស្ដីទី នៃក្រសួងមុខងារសាធារណៈ គូសបញ្ជាក់ថា គណៈកម្មការអន្តរក្រសួង តែងតែប្រឹងប្រែងស្វែងរកគ្រប់មធ្យោបាយ និងលទ្ធភាព ដើម្បីសម្របសម្រួល និងបង្កើនលក្ខខណ្ឌអនុគ្រោះនានា ក្នុងការផ្ដល់ឱកាសការងារ ជូនដល់លោកគ្រូ-អ្នកគ្រូ។ “…យើងមានឱកាសរហូតដល់ទៅពីរដង ដែលនេះឆ្លុះបញ្ចាំងពីការគិតគូរខ្ពស់របស់រាជរដ្ឋាភិបាល ព្រោះកន្លងមក យើងធ្លាប់មានឱកាសត្រឹមតែម្តងប៉ុណ្ណោះ ប៉ុន្តែពេលនេះបេក្ខជន ទទួលបានឱកាសមួយបន្ថែមទៀត។ ទោះបីជាឱកាសទាំងពីរនេះកន្លងហួសទៅក្តី ក៏បងប្អូននៅតែមានឱកាសក្នុងការបន្តការសិក្សា និងការបណ្តុះបណ្តាលបន្ថែមទៀតដែរ ឱ្យតែយើងមានការតាំងចិត្តខិតខំរៀនសូត្រ នៅពេលដែលមានតម្រូវការជាក់ស្តែងនាពេលខាងមុខ យើងនឹងទទួលបានសិទ្ធិអាទិភាពក្នុងការបំពេញការងារមុនគេ”៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ TVET ១២៣០កន្លែង នៅវិទ្យាស្ថានពហុបច្ចេកទេស​ខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 10/10/2025

វិទ្យាស្ថានពហុបច្ចេកទេសខេត្តព្រះសីហនុ នៃក្រសួងការងារ និងបណ្តុះបណ្តាលវិជ្ជាជីវៈ ប្រកាស​ផ្តល់អាហារូបករណ៍ចំនួន ១២៣០កន្លែង លើ ១៤មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ...

កម្មវិធី Kemitraan Negara Berkembang ប្រកាស​ផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 27/01/2023

ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...

អាហារូបករណ៍ទេពកោសល្យឌីជីថលតេជោ ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 11/08/2025

ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

ឱកាសសិក្សា​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅ​សាកលវិទ្យាល័យលីមកុកវីង ពីកម្មវិធីអាហារូបករណ៍ អ.ម.ត.

ព័ត៌មានអាហារូបករណ៍, ព្រឹត្តិការណ៍

• 10/12/2025

គណៈកម្មាធិការ​អាហារូបករណ៍​សិស្ស-និស្សិត​ក្រីក្រ សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត បានប្រកាស​ផ្តល់អាហារូបករណ៍តាមរយៈ​សម្តេចមហាបវរធិបតី ហ៊ុន ម៉ាណែត និង​លោកជំទាវ​បណ្ឌិត ពេជ ចន្ទមុន្នី សិក្សា​នៅ...

ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​ផ្តល់​អាហារូបករណ៍​ ១០០​%​ ​និង​ឱកាស​ការងារ​ចំនួន​ ​១០​កន្លែង​ សិក្សា​នៅ​សាកលវិទ្យាល័យ​បូណា​ម៉ារី ​(​BMU​)​

ព័ត៌មានអាហារូបករណ៍, ព្រឹត្តិការណ៍

• 09/09/2026

ជា​ឱកាស​សម្រាប់​យុវជន​សិស្សានុសិស្ស​ដែល​ទើប​បញ្ចប់​ការ​សិក្សា​ថ្នាក់​មធ្យមសិក្សា​ទុតិយ​ភូមិ​,​ ​ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​

អាហារូបករណ៍សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 23/10/2024

ឱកាសសិក្សាអាហារូបករណ៍ចំនួន២០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍សម្រាប់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រចំនួន១០កន្លែង និងកម្រិតសញ្ញាបត្រជាន់ខ្ពស់បច្ចេកទេស...

អាហារូបករណ៍ Chevening របស់រាជរដ្ឋាភិបាលអង់គ្លេស ចាប់ផ្តើមទទួលពាក្យ

ព័ត៌មានអាហារូបករណ៍, ព្រឹត្តិការណ៍

• 08/08/2024

អាហារូបករណ៍ Chevening របស់រាជរដ្ឋាភិបាលអង់គ្លេស បានបើកទទួលពាក្យសម្រាប់អ្នកដែលចង់ទៅបន្តការសិក្សានៅចក្រភពអង់គ្លេសហើយ ដោយការដាក់ពាក្យ​អាចធ្វើឡើងពីពេលនេះ...