ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសផ្តល់អាហាររូបករណ៍សិក្សាជំនាញវិជ្ជាជីវៈ ចំនួន៥១០កន្លែង សម្រាប់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ ដោយសិក្សាលើជំនាញឯកទេសចំនួនប្រាំមួយ។
ជំនាញឯកទេសដែលអាហារូបករណ៍ផ្ដល់ជូនរួមមាន ៖ ជំនាញសេវាកម្មកុំព្យូទ័រ១២០កន្លែង, ជំនាញការរចនាក្រាហ្វិចដោយកុំព្យូរទ័រ ១២០កន្លែង, ជំនាញការដំឡើងបណ្ដាញអគ្គិសនីក្នុងអគារ៦០កន្លែង, ជំនាញការថែទាំ និងជួសជុលរថយន្ត៦០កន្លែង, ជំនាញការកែច្នៃបន្លែ និងផ្លែឈើ២១០កន្លែង និងជំនាញសេវាកម្មបរិក្ខាត្រជាក់ក្នុងគេហដ្ឋាន ៦០កន្លែង។
លក្ខខណ្ឌជ្រើសរើស ៖ បេក្ខជនដែលមកពីគ្រួសារក្រីក្រ (បណ្ណសមធម៌ក្រីក្រ១ ឬក្រីក្រ២) និងគ្រួសារដែលងាយរងហានិភ័យត្រូវភ្ជាប់ជាមួយឯកសារចាំបាច់ដូចជា អត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លង១ច្បាប់ បណ្ណសមធម៌ ឬបណ្ណសម្គាល់គ្រួសារងាយរងហានិភ័យ (មានសុពលភាព) ថតចម្លងចំនួន១ច្បាប់ រូបថតផ្ទៃពណ៌ខៀវ៤x៦ ចំនួន៤សន្លឹក។
សម្រាប់បេក្ខជនមកពីគ្រួសារមានបណ្ណសម្គាល់ពិការភាព/បណ្ណមូលនិធិសមធម៌សុខាភិបាល (បសស) ត្រូវភ្ជាប់ជាមួយអត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លងចំនួន១ច្បាប់ បណ្ណសម្គាល់ពិការភាព/ប័ណ្ណមូលនិធិសមធម៌សុខាភិបាល (បសស) រូបថតផ្ទៃពណ៌ខៀវ៤x៦ ចំនួន៤សន្លឹក។
សម្រាប់បេក្ខជនដែលមានលិខិតឧទ្ទេសនាមដោយរដ្ឋបាលខេត្ត ក្រុង ស្រុក ឃុំ សង្កាត់ ត្រូវភ្ជាប់ជាមួយ អត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លងចំនួន១ច្បាប់ លិខិតឧទ្ទេសនាមដោយរដ្ឋបាលខេត្ត ក្រុង ស្រុក ឃុំ សង្កាត់ និងរូបថតផ្ទៃពណ៌ខៀវ ៤x៦ ចំនួន៤សន្លឹក។
គួរបញ្ជាក់ថា បេក្ខជន បេក្ខនារីដែលស្ថិតនៅក្នុងគ្រួសារមានបណ្ណសមធម៌ ឬបណ្ណសម្គាល់គ្រួសារងាយរងហានិភ័យទូទាំងប្រទេស នឹងទទួលបានប្រាក់ឧបត្ថម្ភចំនួន២៨ម៉ឺនរៀលក្នុងមួយខែ។ ចំណែកបេក្ខជន-បេក្ខនារីដែលមកពីគ្រួសារមានបណ្ណសម្គាល់ពិការភាព ឬបណ្ណមូលនិធិសមធ៌សុខាភិបាល (បសស) និងបេក្ខជនដែលមានលិខិតឧទ្ទេសនាមដោយរដ្ឋបាលខេត្ត អាចសិក្សាដោយឥតបង់ថ្លៃ និងមិនទទួលបានប្រាក់ឧបត្ថម្ភប្រចាំខែឡើយ។
បេក្ខជន បេក្ខនារីដែលមានចំណាប់អារម្មណ៍ក្នុងការសិក្សាអាចចុះឈ្មោះតាមរយៈ https://scholarship.tvet.gov.kh/home ឬអាចទៅកាន់វិទ្យាស្ថានពហុបច្ចេកទេសភូមិភាគតេជោសែនបាត់ដំបងដែលមានអាសយដ្ឋានតាមបណ្ដោយផ្លូវជាតិលេខ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាប់ខាងជើងអនុវិទ្យាល័យសោហឺ ទល់មុខវេទិកាអុំទូក ខេត្តបាត់ដំបង។
សម្រាប់ព័ត៌មានបន្ថែមអាចទាក់ទងទៅកាន់ ០១៥ ៥៤ ០០ ៦៣/ ០៨៦ ៨៧ ៩២ ៩២/ ០១៧ ៣៨ ៧៨ ៦៥/ ០៩៧ ៥០ ៦៤ ៣៤៣ ។
ទទួលពាក្យពីថ្ងៃផ្សាយដំណឹងរហូតគ្រប់ចំនួន និងចូលរៀននៅថ្ងៃទី០១ ខែមេសា ឆ្នាំ២០២៤៕
