ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការជ្រើសរើសយុវជនឱ្យចូលរៀនជំនាញបច្ចេកទេស និងវិជ្ជាជីវៈ១ ក្រោមគម្រោងកម្មវិធី ១,៥លាននាក់របស់រាជរដ្ឋាភិបាល រហូតដល់ទៅចំនួន ១៦៨០នាក់ ក្នុងឆ្នាំ២០២៥នេះ។
មុខជំនាញដែលវិទ្យាស្ថាននឹងធ្វើការបណ្តុះបណ្តាលមានចំនួន១៤ រួមមាន ៖ ការងារកំបោរ, ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលអគ្គិសនីរថយន្ត, សេវាកម្មបរិក្ខារត្រជាក់ក្នុងគេហដ្ឋាន, សេវាកម្មសម្អាងកាយ, ការរចនាក្រាហ្វិកដោយកុំព្យូទ័រ, ការផ្សារអគ្គិសនី, ការថែទាំ និងជួសជុលបរិក្ខារអេឡិចត្រូនិក, ការដំឡើង និងថែទាំកាមេរ៉ាសុវត្ថិភាព, សេវាកម្មរដ្ឋបាល, ការថែទាំ និងជួសជុលម៉ាស៊ីនធុនតូច, សេវាកម្មម្ហូបអាហារ និងភេសជ្ជៈ។
លក្ខខណ្ឌនៃការចុះឈ្មោះចូលរៀន ៖ ក្រុមគោលដៅអាទិភាពទី១ ជាយុវជន យុវនារី មកពីគ្រួសារក្រីក្រ មាន បណ្ណក្រ១ និងក្រ២, យុវជនយុវនារី មកពីគ្រួសារងាយរងហានិភ័យមាន បណ្ណសម្គាល់គ្រួសារងាយរងហានិភ័យ (ក្រុមគោលដៅនេះទទួលបានប្រាក់ឧបត្ថម្ភពីរាជរដ្ឋាភិបាលចំនួន២៨ម៉ឺនរៀលក្នុងមួយខែ)។ ក្រុមគោលដៅជាអាទិភាពទី២ (ទទួលបានការបណ្តុះបណ្តាល តែមិនទទួលបានប្រាក់ឧបត្ថម្ភប្រចាំខែ) ជាយុវជន យុវនារី មកពីគ្រួសារដែលមានសមាជិកមាន បណ្ណសម្គាល់ពិការភាព និងបណ្ណមូលនិធិសមធម៌សុខាភិបាល, យុវជន យុវនារី ដែលឧទ្ទេសនាមដោយ រដ្ឋបាលរាជធានី ខេត្ត ក្រុង ស្រុក ខណ្ឌ។
សម្រាប់យុវជន យុវនារី ឬសាធារណជនដែលមានចំណាប់អារម្មណ៍ អាចចុះឈ្មោះចាប់ពីថ្ងៃផ្សាយដំណឹងនេះ ហើយកាលបរិច្ឆេទចូលរៀន គឺរៀងរាល់ដើមខែនីមួយៗ។
សម្រាប់ព័ត៌មានបន្ថែម និងការដាក់ពាក្យ សូមទំនាក់ទំនងទៅកាន់វិទ្យាស្ថានផ្ទាល់ដែលមានអាស័យដ្ឋាន ភូមិ៣ សង្កាត់រកាក្នុង ក្រុងដូនកែវ ខេត្តតាកែវ ឬតាមទូរស័ព្ទលេខ ០១១ ៩៥៩ ៧៩៨៕
