ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។
លក្ខខណ្ឌបេក្ខជនក្នុងការដាក់ពាក្យ ៖ បេក្ខជនទាំងពីរភេទមានសញ្ជាតិខ្មែរ មានប្រវត្តិសិក្សាល្អ និងកំណត់ត្រាសិក្សាល្អ មានចំណេះដឹងភាសាអង់គ្លេស (ពិន្ទុអប្បបរមា 570 នៅលើ TOEFL ឬ TOEFL ITP ឬ 230 នៅលើ TOEFL ផ្អែកលើកុំព្យូទ័រ ឬ 88 លើអ៊ីនធឺណិតផ្អែកលើ TOEFL ឬ 7.0 នៅលើ IELTS) មានឆន្ទៈក្នុងការសិក្សា មានភាពឆ្លាតវៃក្នុងការបត់បែនគ្រប់ស្ថានការណ៍ មានសុខភាពល្អទាំងកម្លាំងកាយ និងស្មារតី មិនមានបទពិសោធន៍ច្រើនក្នុងការរស់នៅបរទេស ឬសិក្សានៅសហរដ្ខអាមេរិក។ ជាមួយគ្នានេះ បេក្ខជន បេក្ខនារី ដែលស្នើពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រ ចំពោះការស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមបំពេញទម្រង់ពាក្យសុំតាមរយៈ Online និងភ្ជាប់ជាមួយឯកសារចាំបាច់មួយចំនួនដូចជា តែងសេចក្ដី Study objective/Plan (មិនលើស៥០០ពាក្យ) តែងសេចក្ដី Personal Statement (មិនលើស៥០០ពាក្យ) វិញ្ញាបនបត្រសិក្សា (ថ្នាក់បរិញ្ញាបត្រ ឬថ្នាក់បរិញ្ញាបត្រជាន់ខ្ពស់) ប្រតិចារិក របាយការណ៍ពិន្ទុតេស្តភាសាអង់គ្លេស និងលិខិតយោងដូចជា អត្តសញ្ញាណប័ណ្ណ ឬលិខិតឆ្លងដែន ។
សម្រាប់ព័ត៌មានបន្ថែមទាក់ទងនឹងអាហារូបករណ៍ និងការចុះឈ្មោះអាចចូលទៅកាន់ https://kh.usembassy.gov/fulbright-student-fellowship/ និងអាចទំនាក់ទំនងទៅកាន់ ០២៣ ៧២៨ ២៤៨ ឬ Email: PDSExchanges@state.gov ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៨ ខែឧសភា ឆ្នាំ២០២៥៕
