ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
លោកអ្នកឧកញ៉ា លាង ឃុន សហស្ថាបនិក ក្រុមហ៊ុន ជីប ម៉ុង បាននាំយក Samsung Galaxy Tab A9 Plus ចំនួន២២៣០គ្រឿង ប្រគល់ជូនសម្តេចមហាបវរធិបតី ហ៊ុន ម៉ាណែត សម្រាប់ឧបត្ថម្ភដល់សិស្សានុសិស្សនិទ្ទេស A ទូទាំងប្រទេស ក្នុងឆ្នាំ២០២៤។ ពិធីប្រគល់នេះ បានធ្វើឡើងកាលពីល្ងាចថ្ងៃព្រហស្បតិ៍ ទី១២ ខែធ្នូ ឆ្នាំ២០២៤ នៅវិមានសន្តិភាព ក្រោមអធិបតីភាព ឯកឧត្តម សេង ទៀង។
ការចូលរួមឧបត្ថម្ភរបស់ក្រុមហ៊ុន ជីប ម៉ុង នេះ គឺដើម្បីលើកទឹកចិត្តដល់ការខិតខំប្រឹងប្រែងរបស់សិស្សានុសិស្ស រហូតបានលទ្ធផលយ៉ាងគាប់ប្រសើរ។ លើសពីនេះទៅទៀត គឺដើម្បីចូលរួមជាមួយរាជរដ្ឋាភិបាលក្នុងការអភិវឌ្ឍធនធានមនុស្ស ដែលជាធនធានដ៏មានតម្លៃ ចូលរួមជាកាតាលីករក្នុងការអភិវឌ្ឍប្រទេសជាតិទាំងមូល។
នេះជាលើកទី៤ហើយដែលក្រុមហ៊ុន ជីប ម៉ុង បានចូលរួមជាមួយរាជរដ្ឋាភិបាលក្នុងការផ្តល់រង្វាន់ដល់សិស្សនិទ្ទេស A។ ជីប ម៉ុង បានឧបត្ថម្ភ ថេបប្ល៊ែត សរុបចំនួន ៦១១៧គ្រឿងហើយដល់សិស្សនិទ្ទេស A ទូទាំងប្រទេសចាប់តាំងពីឆ្នាំ២០១៩មកដល់ឆ្នាំ២០២៤នេះ។
Samsung Galaxy Tab A9 Plus ស័ក្តិសមសម្រាប់បំពេញការងារសិក្សា និងការកំសាន្តនានា ជាមួយនឹងមុខងារល្អៗដូចជា អេក្រង់ធំ 8.7” អាចធ្វើការស្វ័យសិក្សា ស្វែងរកព័ត៌មានទូទៅ ឬកម្សាន្តបានងាយស្រួល ទំហំថ្ម 7,040mAh ដែលអាចផ្តល់ជូននូវការប្រើប្រាស់បានយូរដោយមិនមានការព្រួយបារម្ភ និងកម្រិតសាកថ្មល្បឿនលឿន 15W កាមេរ៉ាក្រោយ 8MP និង មុខ 5MP ប្រើប្រាស់មុខងារ Samsung DeX ដែលអាចប្រែក្លាយ Tablet ទៅជាកូនកាត់កុំព្យូទ័រ៕
