ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។
ជំនាញដែលអាហារូបករណ៍ផ្ដល់ជូនរួមមាន ការដំឡើងបណ្ដាញអគ្គិសនីក្នុងអគារ៣០នាក់, ការផ្សារអគ្គិសនី៣០នាក់, ការថែទាំ និងជួសជុលរថយន្ត៣០នាក់, សេវាកម្មកុំព្យូទ័រ៣០នាក់, សេវាកម្មសម្អាងកាយ៣០នាក់, សេវាកម្មបរិក្ខារត្រជាក់ក្នុងគេហដ្ឋាន៣០នាក់, ការធ្វើម្ហូបខ្មែរ៣០នាក់, ការកែច្នៃបន្លែ និងផ្លែឈើ៣០នាក់ និងជំនាញធុរកិច្ចភេសជ្ជៈ(ឆុងកាហ្វេ និងភេសជ្ជៈគ្រប់មុខ)៣០នាក់។ គួរបញ្ជាក់ថា វគ្គសិក្សានឹងផ្ដល់ជូនការសិក្សាចំនួន៣វេនដោយ វេនចន្ទ-សុក្រ(ព្រឹក-ល្ងាច)សិក្សារយៈពេល៤ខែ, វេនចន្ទ-សុក្រ(យប់) សិក្សារយៈពេល៨ខែ និងវេនសៅរ៍-អាទិត្យ(ព្រឹក-ល្ងាច)សិក្សារយៈពេល៨ខែ។
លក្ខខណ្ឌចុះឈ្មោះសិក្សាសម្រាប់ក្រុមគោលដៅ ៖ សម្រាប់ក្រុមគោលដៅអាទិភាពទី១ ជាយុវជនដែលមានអាយុចាប់ពី១៥ឆ្នាំឡើង មកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេស ទទួលបានការសិក្សាឥតគិតថ្លៃ ទទួលបានប្រាក់ឧបត្ថម្ភ២៨ម៉ឺនរៀលក្នុងមួយខែ (ដោយសិក្សាពេញម៉ោង) និងទទួលបានសញ្ញាបត្របច្ចេកទេស និងវិជ្ជាជីវៈ១ពីក្រសួងការងារ និងឱកាសបន្តការសិក្សាផ្សេងៗ។ សម្រាប់ក្រុមគោលដៅទី២ ជាយុវជនដែលមានអាយុ១៥ឆ្នាំឡើង មានប័ណ្ណសម្គាល់ពិការភាព ប័ណ្ណមូលនិធិសមធម៌សុខាភិបាល និងយុវជនដែលឧទ្ទេសនាមដោយរដ្ឋបាលរាជធានី ខេត្ត ក្រុង ស្រុក ខណ្ឌ ឃុំ សង្កាត់ និងទទួលបានការសិក្សាដោយឥតគិតថ្លៃប៉ុន្តែមិនទទួលបានប្រាក់ឧបត្ថម្ភប្រចាំខែ និងទទួលបានសញ្ញាបត្របច្ចេកទេស និងវិជ្ជាជីវៈ១ពីក្រសួងការងារ និងឱកាសបន្តការសិក្សាផ្សេងៗ។
សម្រាប់ព័ត៌មានបន្ថែមទាក់ទងនឹងការចុះឈ្មោះសិក្សា អាចទៅកាន់វិទ្យាស្ថានដែលមានអាស័យដ្ឋាននៅខាងត្បូង មន្ទីរអប់រំ យុវជន និងកីឡាខេត្តព្រៃវែង (អតីតសាលាបំពេញវិជ្ជារៀបរយខេត្ត) រៀងរាល់ម៉ោងធ្វើការ ឬអាចទំនាក់ទំនងទៅកាន់ ០១២ ៧៧២ ០៣៧/ ០៨៨ ៥៦០០ ៦០៦/ ០៩៣ ៤១៦ ៣៤៣។
ចាប់ទទួលពាក្យពីថ្ងៃផ្សាយដំណឹង និងវគ្គសិក្សាចូលរៀនរៀងរាល់ដើមខែនីមួយៗ៕
