ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានជាតិវិជ្ជាជីវៈបាត់ដំបង ចំនួន៥០០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១៥មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាដោយឥតគិតថ្លៃ។

ជំនាញដែលវិទ្យាស្ថានផ្ដល់ជូនសិក្សារួមមាន ការតម្លើងបណ្ដាញអគ្គិសនីក្នុងអគារ៣០នាក់ ការថែទាំ និងជួសជុលរថយន្ត៣០នាក់ សេវាកម្មរដ្ឋបាល៣០នាក់ សេវាកម្មសម្អាងកាយ៣០នាក់ ការផ្សារអគ្គិសនី៣០នាក់ ការងារកំបោរ៣០នាក់ ការផលិតនំ៣០នាក់ ការចិញ្ចឹមនិងថែទាំត្រីប្រា៣០នាក់ ការច្នៃបន្លៃ និងផ្លែឈើ៣០នាក់ សេវាកម្មបរិក្ខាត្រជាក់ក្នុងគេហដ្ឋាន៣០នាក់ ការរចនាក្រាហ្វិកដោយកុំព្យូទ័រ៣០នាក់ ការដំឡើងសរសៃដែក៣០នាក់ ការដំឡើងដំបូល៣០នាក់ ការថែទាំ និងជួសជុលទោចក្រយានយន្ត៣០នាក់ និងជំនាញការថែទាំ និងជួសជុលម៉ាស៊ីនធុនតូច៣០នាក់។

គួរបញ្ជាក់ថា វគ្គសិក្សាមាន៧វេនសម្រាប់ជ្រើសរើស និងសិក្សារួមមាន ៖ វេនចន្ទ-សុក្រ (ព្រឹក-រសៀល) សិក្សារយៈពេល៤ខែ, វេនចន្ទ-សុក្រ (ព្រឹក) សិក្សារយៈពេល៦ខែ, វេនចន្ទ-សុក្រ (រៀនយប់២ម៉ោងក្នុង១ថ្ងៃ) សិក្សារយៈពេល១១ខែ, វេនចន្ទ-សុក្រ (រៀនយប់៣ម៉ោងក្នុង១ថ្ងៃ) សិក្សារយៈពេល៨ខែ, វេនសៅរ៍-អាទិត្យ (ព្រឹក-រសៀល) សិក្សារយៈពេល១០ខែ និងវេនសៅរ៍-អាទិត្យ (ព្រឹក-រសៀល) សិក្សារយៈពេល១២ខែ។

លក្ខខណ្ឌក្នុងការជ្រើសរើស ៖ សម្រាប់សាធារណៈជនទាំងអស់ និងជាយុវជន យុវនារីដែលមកពីគ្រួសារក្រីក្រមានបណ្ណក្រ១ និងក្រ២ និងបណ្ណសំគាល់គ្រួសារងាយរងហានិភ័យ។ ជាមួយគ្នានេះ យុវជនមកពីគ្រួសារដែលមានសមាជិកមានបណ្ណសំគាល់មានពិការភាព និងបណ្ណមូលនិធិសមធម៌សុខាភិបាល និងជាយុវជនដែលឧទ្ទេសនាមដោយរដ្ឋបាលរាជធានី ខេត្ត ក្រុង ស្រុក ខណ្ឌ។

សម្រាប់ព័ត៌មានលម្អិតអំពីការចុះឈ្មោះសិក្សាអាចចូលទៅកាន់ https://t.me/tvetpiktkampongthom2024  ឬអាចទំនាក់នងទៅកាន់ ០៨៦ ៤០៣ ១០៤, ០៩៩ ៧៥៩ ៩៩០, ០៧១ ៣៦៨៣ ៣៦០, ០៧០ ២០០ ០០២, ០១២ ៨២២ ៤៩៥ ឬ facebook Page៖ វិទ្យាស្ថានជាតិវិជ្ជាជីវៈបាត់ដំបង National Vocation Institute of Battambang ។ និងអាចទៅកាន់វិទ្យាស្ថានផ្ទាល់ដែលមានអាសយដ្ឋាននៅ ផ្លូវជាតិលេខ៥៧ ភូមិអណ្ដូងព្រីង សង្កាត់អូរម៉ាល់ ក្រុងបាត់ដំបង ខេត្តបាត់់ដំបង(ខាងលិចរង្វង់មូលនាងរំសាយសក់ចំងាយ ១៥០០ម៉ែត្រ)។

ចាប់ផ្ដើមទទួលពាក្យចាប់ពីថ្ងៃផ្សាយដំណឹងនេះតទៅ៕