ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការអប់រំផ្លូវចិត្ត ផ្លូវកាយ សីលធម៌ គុណធម៌ ត្រូវបានចាត់ទុកថា គឺជាការអប់រំដ៏សំខាន់ ដែលជួយទៅដល់ការថែរក្សាសុខសន្តិភាព ស្ថិរភាពក្នុងសង្គម តាមរយៈការធ្វើឱ្យមនុស្សមានសន្តិភាពផ្លូវចិត្ត។
ក្នុងពិធីសំណេះសំណាលជាមួយអាចារ្យ អាចារិនី ចំនួន១ពាន់នាក់ នាព្រឹកថ្ងៃទី១៥ ខែសីហា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា លើកឡើងថា វិធានការអប់រំសីលធម៌ គុណធម៌ គឺជារឿងសំខាន់ ក្នុងការអប់រំតម្លៃនៅក្នុងខ្លួនរបស់មនុស្ស ដែលគេអាចហៅថា ជាការប្រើអំណាចទន់ (Soft Power)។
ក្នុងនោះ សម្តេចធិបតីក៏បានបង្ហាញពីតួនាទីសំខាន់របស់អាចារ្យ អាចារិនី ក្នុងការអប់រំសីលធម៌ គុណធម៌ទៅដល់យុវជន ដោយថា ក្រៅពីមានតួនាទីក្នុងការដឹកនាំពិធីកម្មផ្សេងៗ អាចារ្យ អាចារិនី ក៏អាចចូលរួមយ៉ាងសកម្មជួយដល់សង្គមតាមរយៈការផ្តល់ការអប់រំ ជូនប្រជាពលរដ្ឋ កូនចៅរបស់ប្រជាពលរដ្ឋ ឱ្យវាចាកពីទុច្ចរិត និងអំពើអប្បាយមុខផ្សេងៗ ក៏ដូចជាគ្រឿងញៀន ក្មេងទំនើង ល្បែងស៊ីសង អំពើហិង្សា និងការជួញដូរមនុស្សជាដើម ហើយសកម្មភាពនេះ នឹងចូលរួមចំណែកដល់ប្រសិទ្ធភាព នៃការអនុវត្តគោលដៅភូមិឃុំសង្កាត់មានសុវត្ថិភាព របស់រាជរដ្ឋាភិបាល។
សម្តេចនាយករដ្ឋមន្រ្តីបញ្ជាក់ថា នៅក្នុងសង្គម ខ្មែរផ្តល់អាទិភាពតាមឋានានុក្រម ហើយក្នុងនោះនៅក្នុងសាសនា ព្រះសង្ឃ និងអាចារ្យ គឺមានការគោរពពីប្រជាពលរដ្ឋ ហើយប្រជាពលរដ្ឋ គឺជាអ្នកដែលមានឥទ្ធិពលទៅកូនចៅរបស់គាត់ផងដែរ។ ដូចនេះ អាចារ្យ អាចារិនី មានតួនាទីសំខាន់នៅក្នុងការងប់រំ បណ្តុះបណ្តាល គុណធម៌ សីលធម៌ ដែលចូលរួមយ៉ាងសំខាន់ក្នុងការថែរក្សាសុសខន្តិភាព ស្ថិរភាព ព្រោះធ្វើឱ្យមនុស្សមានសន្តិភាពផ្លូវចិត្ត។
“ន័យសំខាន់ក្នុងការអប់រំបណ្តុះបណ្តាលគុណធម៌ សីលធម៌ គឺជួយចូលរួមខ្លាំងណាស់នៅក្នុងការថែរក្សាសុខសន្តិភាព ស្ថិរភាព…”
សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា
សម្តេចធិបតិ ក៏បានមានប្រសាសន៍ដែរថា នៅពេលណាដែលយុវជនរបស់យើង ប្រជាពលរដ្ឋរបស់យើងរស់នៅដោយក្រមសីលធម៌ យល់ពីតម្លៃនៃសង្គមជាតិ និងវប្បធម៌ នោះពួកគេនឹងក្លាយជាបុគ្គលសំខាន់ មិនត្រឹមតែមានចំណេះដឹងសមត្ថភាពទេ តែថែមទាំងយល់ដឹងអំពីគុណធម៌ សីលធម៌ និងតម្លៃឥរិយាបទសង្គម៕
