ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប្រធានគណៈកម្មាធិការកំណែទម្រង់ នៃវិទ្យាស្ថានជាតិអប់រំ ឯកឧត្តម ឌី ខាំបូលី មានប្រសាសន៍ថា ពិព័រណ៌អប់រំលើស្នាដៃស្រាវជ្រាវរបស់គរុនិស្សិតកម្រិតឧត្តម (បរិញ្ញាបត្រ+២) ជំនាន់ទី២ នៃវិទ្យាស្ថានជាតិអប់រំដែលប្រព្រឹត្តធ្វើកាលពីពេលថ្មីៗនេះទទួលបានលទ្ធផលលើសពីការរំពឹងទុក។
ឯកឧត្តម ឌី ខាំបូលី បញ្ជាក់បន្ថែមថា គរុនិស្សិតបានអនុវត្តនូវចំណេះដឹង ជំនាញ បង្ហាញនូវសមត្ថភាព ភាពជាអ្នកដឹកនាំ ដែលទទួលបានទាំងការសិក្សាស្រាវជ្រាវ ហើយយកចំណេះដឹង និងជំនាញដែលបានរៀនមកអនុវត្តផ្ទាល់តែម្តង។ ឯកឧត្តមបន្តថា នេះជាការផ្សារភ្ជាប់នូវការយកចិត្តទុកដាក់រៀនសូត្រ និងអនុវត្តស្តង់ដាសាលាគំរូ ហើយផ្សារភ្ជាប់នូវគោលដៅអាទិភាព ចំណេះដឹងនិងការអនុវត្តនៅសាលារៀនផ្ទាល់។
ប្រធានគណៈកម្មាធិការកំណែទម្រង់នៃវិទ្យាស្ថានជាតិអប់រំ ក៏បានស្នើឱ្យផ្តោតជាយន្តការទី៤ គឺ ចុះទៅគាំទ្រនិងអនុវត្តស្តង់ដារសាលាគំរូនេះ នៅតាមសាលាគោលដៅដែលត្រូវទៅបំពេញការងារនៅពេលបញ្ចប់វគ្គបណ្តុះបណ្តាល ។ ទន្ទឹមគ្នានេះ ផ្សារភ្ជាប់ទ្រឹស្តីនិងការអប់រំ និងផ្សារភ្ជាប់នូវអ្វីដែលបានរៀនសូត្រនៅវិទ្យាស្ថានជាតិអប់រំ និងសាលាគោលដៅដែលទៅត្រូវបំពេញការងារ។
ឯកឧត្តម ឌី ខាំបូលី បញ្ជាក់ថា ការតាំងពិព័រណ៌អប់រំនេះ និងយកមកកែលម្អបន្ថែម ដើម្បីរក្សាបានជាសមិទ្ធិផលទុកឱ្យគរុនិស្សិតនៃវិទ្យាស្ថានជាតិអប់រំជំនាន់ក្រោយៗ គរុនិស្សិត និងគ្រូបង្រៀននៅទូទាំងប្រទេសកម្ពុជាបានយកទៅប្រើប្រាស់សម្រាប់ពង្រឹងគុណភាព នៃការបង្រៀន និងរៀនក្នុងប្រទេសកម្ពុជា។
ជាមួយគ្នានេះដែរ ឯកឧត្តម ឌី ខាំបូលី ក៏បានកោតសរសើរចំពោះការខិតខំប្រឹងប្រែងក្នុងការរៀបចំពិព័រណ៍អប់រំនេះ និងជំរុញឱ្យណៈគ្រប់គ្រងបុគ្គលិកអប់រំគ្រប់ដេប៉ាតឺមង់ការិយាល័យ គ្រូឧទ្ទេស និងគរុនិស្សិតបន្តអភិវឌ្ឍខ្លួនបន្ថែមទៀត ដើម្បីឱ្យវិទ្យាស្ថានជាតិអប់រំ ក្លាយទៅជាគ្រឹះស្ថានបណ្តុះបណ្តាលគ្រូគំរូ ក្នុងការបណ្តុះបណ្តាលមូលធនគ្រូបង្រៀន។
គួរជម្រាបជូនថា ការតាំងពិព័រណ៌អប់រំស្នាដៃស្រាវជ្រាវនេះ សម្រេចបាននូវលទ្ធផល រួមមាន ១. គរុនិស្សិតមានការយល់ដឹងពីការផលិតសម្ភារៈឧបទេស ២. ស្នាដៃសហការជាក្រុម និងភាពជាអ្នកដឹកនាំ ៣. គរុនិស្សិតចេះអនុវត្តជំនាញព័ត៌មានវិទ្យានាសតវត្សរ៍ទី២១ នៅក្នុងការរៀន និងការបំពេញការងារ៕
