ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បរទេស ៖ បើតាមការចុះផ្សាយរបស់ Weforum បានបង្ហាញថា ការអប់រំ ៤.០ គឺជាការអប់រំសម្រាប់បទពិសោធន៍ពេញមួយជីវិត និងការអភិវឌ្ឍន៍លើជំនាញសិក្សារបស់សិស្ស។ ក្នុងនោះមានជំនាញសំខាន់ៗចំនួនបី ដែលដើរតួជាស្នូលនៅក្នុងកម្មវិធីសិក្សា និងធ្វើឱ្យប្រសើរឡើងសម្រាប់ប្រព័ន្ធអប់រំក្នុងពេលអនាគត៖
១. សមត្ថភាពក្នុងការដោះស្រាយបញ្ហា ៖ ការដោះស្រាយបញ្ហា គឺជាជំនាញចាំបាច់មួយដែលត្រូវការទាំងនៅក្នុងសាកលវិទ្យាល័យ និងក្រុមហ៊ុនទាំងអស់។ សិស្សដែលមានជំនាញដោះស្រាយបញ្ហា គឺជាមនុស្សដែលពូកែ ពួកគេចង់ដឹងចង់ឃើញ និងត្រៀមខ្លួនដើម្បីទទួលយកបញ្ហាប្រឈមនៅចំពោះមុខពួកគេ។ ពួកគេអាចធ្វើការដោយឯករាជ្យ ឬ ជាមួយអ្នកដទៃបាន ដោយពួកគេចេះសួរសំណួរដើម្បីរកមូលហេតុឫសគល់នៃបញ្ហា ចេះសហការគ្នារិះរកដំណោះស្រាយ។ នៅតាមដំណើរនៃការចេះដោះស្រាយបញ្ហានេះ សិស្សក៏ទទួលបានជំនាញដូចជា ការច្នៃប្រឌិត ការវិភាគទិន្នន័យ ការអត់ធ្មត់តស៊ូ និងការត្រិះរិះពិចារណា។
២.សមត្ថភាពនៃកិច្ចសហប្រតិបត្តិការ ៖ ចំណុចស្នូលនៃការសហការ គឺការធ្វើការឱ្យបានល្អជាមួយអ្នកដទៃ ទាំងក្នុងនាមជាអ្នកដឹកនាំក្រុម និង សមាជិកក្រុម។ សិស្សដែលចេះសហការ ពួកគេមានឥទ្ធិពលដល់មនុស្សជុំវិញខ្លួន និងចេះបញ្ចុះបញ្ចូលប្រកបដោយប្រសិទ្ធភាព ហើយពួកគេបង្ហាញពីឆន្ទៈក្នុងការផ្លាស់ប្តូរគំនិតរបស់ពួកគេ នៅពេលប្រឈមមុខនឹងអ្វីដែលផ្ទុយពីគំនិតរបស់ខ្លួន។ អ្នកសហការប្រកបដោយប្រសិទ្ធភាពអាចបង្កើតទំនាក់ទំនងជាមួយបុគ្គលិកលក្ខណៈគ្រប់ប្រភេទ រចនាបទការងារគ្រប់កាលៈទេសៈ ធ្វើសកម្មភាពយ៉ាងឆាប់រហ័សដើម្បីកាត់បន្ថយភាពតានតឹង និងដោះស្រាយជម្លោះនៅក្នុងស្ថានភាពណាមួយ។
៣. សមត្ថភាពក្នុងការសម្របខ្លួន ៖ ការសម្របខ្លួន កើតឡើងនៅក្នុងស្ថានភាព នៃការលួងលោមជាក់លាក់មួយ, ស្ថានភាពមិនច្បាស់លាស់ ការផ្លាស់ប្តូរភ្លាមៗ និងកាលៈទេសៈដែលមិនធ្លាប់ស្គាល់ រហូតដល់សមត្ថភាពក្នុងការសម្រេចចិត្តសម្របខ្លួនប្រកបដោយប្រសិទ្ធភាព និងការនៅក្រោមសម្ពាធ។ យុវជនដែលអាចសម្របខ្លួនបានយ៉ាងរលូនពីការដើរតាមរហូតដល់ក្លាយជាអ្នកដឹកនាំ គឺពួកគេទទួលបានឱកាសដើម្បីសិក្សាពីប្រធានបទថ្មី ជំនាញថ្មី និង ចេះសាកល្បងខ្លួនឯង។
ដូចនេះហើយ ការអប់រំ ៤.០ ផ្តល់នូវឱកាសពិសេសមួយក្នុងការធ្វើឱ្យប្រសើរឡើងនូវប្រព័ន្ធអប់រំ ដើម្បីធានាថា យើងរៀបចំប្រកបដោយប្រសិទ្ធភាពចំពោះយុវជនប្រមាណជាង ២ពាន់លាននាក់នៅលើពិភពលោកសម្រាប់បដិវត្តន៍ឧស្សាហកម្មទី៤។ ដើម្បីទាញយកប្រយោជន៍ពីបច្ចេកវិទ្យាអប់រំ ពួកយើងគួរផ្តោតលើការកសាងជំនាញបុគ្គល ការបង្រៀនក្នុងថ្នាក់ទៅលើជំនាញដូចជា ការដោះស្រាយបញ្ហា ការសហការ និងការសម្របខ្លួន។ ការអប់រំ ៤.០ ផ្តល់ជូនយុវជននូវឱកាសដ៏អស្ចារ្យបំផុត និង ជួយជំរុញកំណើនសេដ្ឋកិច្ចពិភពលោកផងដែរ៕
