ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីរក្សាទម្លាប់នៃការទទួលទានអាហារសុខភាពឱ្យបានរៀងរាល់ថ្ងៃ មិនចាំបាច់ទាល់តែមានកម្មវិធី ដែលមានគុណភាពខ្ពស់ពេក ក្នុងការជួយតាមដាន ឬក៏ប្រភេទអាហារថ្លៃៗ ដើម្បីពង្រឹងសុខភាពនោះដែរ។ តាមរយ: Moneytalksnews បានបង្ហាញគន្លឹះមួយចំនួនសម្រាប់រក្សាទម្លាប់ក្នុងការទទួលទានអាហារសុខភាពស្របពេលកំពុងសន្សំថវិកាផង។
១. ធ្វើផែនការអាហារទៅតាមរដូវកាល ៖ ការទទួលទានអាហារដែលមានសុខភាពមិនចាំបាច់មានតម្លៃថ្លៃពេកទេ ប៉ុន្តែជាការជ្រើសរើសប្រភេទអាហារស្របទៅតាមរដូវកាល និងតម្រូវការ នៃរាងកាយផ្ទាល់ខ្លួន។ ការធ្វើផែនការដើម្បីទទួលទាន ជាវិធីក្នុងការផ្ទៀងផ្ទាត់ប្រភេទបន្លែរផ្លែឈើស្របទៅតាមរដូវកាលនីមួយៗ ព្រោះហូបអាហារតាមរដូវកាល មានតម្លៃសមរម្យ និងមានគុណភាព។ ហើយផែនការអាហារទៀតសោត គួរមានភាពបត់បែនទៅតាមរដូវកាលនីមួយៗ។
២. កាត់បន្ថយអាហារដែលរៀបចំស្រាប់ៗ ៖ អាហារដែលវេចខ្ចប់ស្រាប់ គឺមានភាពលឿនរហ័ស និងងាយស្រួលក៏ពិតមែន ប៉ុន្តែគុណភាពនិងតម្លៃ ក៏ឡើងថ្លៃទៅតាមនោះដែរ។ បើផ្តោតលើសុខុមាលភាព និងភាពយូរអង្វែង នៃការទទួលទាន ការទិញអាហារដែលមិនទាន់កែច្នៃ អាចរួមចំណែកយ៉ាងសំខាន់ដល់សុខភាព និងសុខុមាលភាពក្នុងរយៈពេលវែង។ ឧទាហរណ៍ការទិញផ្លែឈើទាំងមូលយកមកសម្អាតសម្បកនៅផ្ទះដោយខ្លួនឯង។ ព្រោះការមានទម្លាប់ទិញអាហារ ដែលមានស្រាប់ៗ អាចសល់របស់របរដែលមិនចាំបាច់ក៏មានដែរ។
៣. ការផ្សំគ្រឿងអាហារ ៖ សន្សំថវិកាផង និងការគិតអំពីសុខភាពផង ត្រូវការប្រើប្រាស់គ្រឿងផ្សំក្នុងតម្លៃមួយដែលអាចទទួលយកបាន តួយ៉ាងអាហារដែលមានសារធាតុប្រូតេអ៊ីនហាក់មានតម្លៃខ្ពស់ ប៉ុន្តែប្រូតេអ៊ីនក៏មិនមែនបានមកពីប្រភពតែមួយដែរ ដូច្នេះព្យាយាមរកប្រភេទមួយណាដែលមានតម្លៃសមរម្យជាងគេ។ ឧទាហរណ៍សាច់និងស៊ុតមានប្រូតេអ៊ីនដូចគ្នា ប៉ុន្តែស៊ុតមានតម្លៃធូរជាង៕
