ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ។ អាហារូបករណ៍ដែលផ្ដល់ជូនមានថ្នាក់បរិញ្ញាបត្ររយៈពេល០៤ឆ្នាំ និងសញ្ញាបត្រជាន់ខ្ពស់ផ្នែក Software Engineering រយៈពេល០២ឆ្នាំ ។
អាហារូបករណ៍ត្រូវបានចែកជា២ប្រភេទ មានអាហារូបករណ៍ទេពកោសល្យស្ទែម ១០០% ចំនួន ៣០កន្លែង ៧៥% និង៥០% ចំនួន៧០កន្លែង ដែលមានរយៈពេលសិក្សាចំនួន៤ឆ្នាំ និងអាហារូបករណ៍សញ្ញាបត្រជាន់ខ្ពស់ផ្នែកវិស្វកម្មសូហ្វវែរ ១០០% ចំនួន១០កន្លែង ៧៥% ចំនួន១០កន្លែង និង៥០% ចំនួន៥កន្លែង ដោយមានរយៈពេលសិក្សា២ឆ្នាំ ។
ជំនាញដែលអាហារូបករណ៍ផ្ដល់ជូនមានដូចជា Artificial Intelligence Technology (AI Tech), Augmented Reality/ Virtual Reality (AR/ VR Application), Game Application (Game App), Mobile Application (Mobile App), Web development, Cyber Security, Robotics and Automation Engineering, Data Science and Artificial Intelligence Engineering, Software Engineering, Architecture, Interior Design, Educational Technology, Media and Communication Technology និងជំនាញបច្ចេកវិទ្យាជាច្រើនទៀត ។
សម្រាប់ការដាក់ពាក្យអាហារូបករណ៍ និស្សិតត្រូវភ្ជាប់ជាមួយឯកសារចាំបាច់មួយចំនួនដូចជា ថ្នាក់បរិញ្ញបត្រត្រូវមានសញ្ញាបត្រមធ្យមសិក្សាទុតិយភូមិ (ជាប់) ឬសញ្ញាបត្រដែលមានតម្លៃស្មើ និងសម្រាប់ថ្នាក់សញ្ញាបត្រជាន់ខ្ពស់ត្រូវមានសញ្ញាបត្រមធ្យមសិក្សាទុតិយភូមិ (ជាប់ឬធ្លាក់) ឬសញ្ញាបត្រមានតម្លៃស្មើ និងបំពេញពាក្យតាមរយៈតំណភ្ជាប់ http://form.jotform.com/212209108193449 ដោយបំពេញព័ត៌មានផ្ទាល់ខ្លួនក្នុងនោះ និងបំពេញលិខិតឆ្លងដែន ឬអត្តសញ្ញាណបណ្ណ រូបថត៤x៦ (ផ្ទាំងក្រោយពណ៌ស) សំបុត្រកំណើត លិខិតបញ្ជាក់ភាសាអង់គ្លេស (បើមាន) ការផលិតវីដេអូចំនួន៣នាទីជាភាសាអង់គ្លេស និងមានអាយុមិនលើសពី២៥ឆ្នាំ ។ ក្នុងដំណាក់កាលទី២ និស្សិតត្រូវប្រឡងដោយផ្ទាល់នៅសាកលវិទ្យាល័យនូវមុខវិជ្ជា គណិតវិទ្យា និងភាសាអង់គ្លេស និងដំណាក់កាលទី៣ និស្សិតត្រូវជួបសម្ភាសន៍ផ្ទាល់ជាមួយអ្នករៀបចំកម្មវិធីអាហារូបករណ៍ ។
សម្រាប់ព័ត៌មានបន្ថែមសូមចូលទៅកាន់ https://camtech.edu.kh/wp-content/uploads/2023/01/Academic-Info-ENG-proofread-updated.pdf និងទំនាក់ទំនងទៅកាន់ ០៧៨ ២១ ២១ ៨១ និង ០៨៦ ២១ ២១ ៨១ ។ ចាប់ទទួលចុះឈ្មោះពីថ្ងៃផ្សាយដំណឹងរហូតដល់ថ្ងៃទី២០ ខែមករា ឆ្នាំ២០២៣ ៕
