ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមការឧបត្ថម្ភ និងគាំទ្រពី ឯកឧត្តមអភិសន្តិបណ្ឌិត ស សុខា និងលោកជំទាវ សាកលវិទ្យាល័យសម្តេចព្រះសង្ឃរាជ បួរ គ្រី ផ្តល់ជូនអាហារូបករណ៍ដល់សិស្ស-និស្សិតសម្រាប់ឆ្នាំសិក្សា២០២៣-២០២៤ ចំនួន១០០កន្លែង សិក្សាថ្នាក់បរិញ្ញាបត្រ។
លក្ខខណ្ឌសម្រាប់សិស្ស-និស្សិតដាក់ពាក្យស្នើសុំ ៖ ផ្តល់ជូនសិស្ស-និស្សិតទូទាំងប្រទេស, សិស្ស-និស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត (ទទួលបានអាទិភាព), សិស្ស-និស្សិតត្រូវបំពេញពាក្យស្នើសុំ ប្រវត្តិរូបសង្ខេប សលាកបត្រឯកត្តជន, សិស្ស-និស្សិតត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារ។
ជំនាញដែលត្រូវជ្រើសរើសរួមមាន ៖ ប្រវត្តិសាស្រ្ត, អក្សសាស្រ្តខ្មែរ, ភាសាអង់គ្លេស, ភាសាចិន, ភាសាបារាំង,បរិស្ថានវិទ្យា, វិទ្យាសាស្រ្តកុំព្យូទ័រ, ភូមិវិទ្យា និងរៀបចំដែនដី, វិទ្យាសាស្រ្តនយោបាយ, នីតិឯកជន, ទស្សនវិជ្ជាពុទ្ធសាសនា, សង្គមវិទ្យា, វិស្វកម្មសំណង់អគារ, វិស្វកម្មអគ្គិសនី, ស្ថាបត្យកម្ម, វិស្វកម្មអភិវឌ្ឍជនបទ, កសិកម្ម, អភិវឌ្ឍន៍សហគមន៍, គ្រប់គ្រងទេសចរណ៍ និងបដិសណ្ឋារកិច្ច។
សិស្ស-និស្សិតដែលមានចំណាប់អារម្មណ៍អាចដាក់ពាក្យស្នើសុំអាហារូបករណ៍បាន ៣របៀប ដោយ ទី១ ដាក់ពាក្យផ្ទាល់នៅទីស្នាក់ការអាហារូបករណ៍អភិសន្តិបណ្ឌិត ស សុខា ដែលមានអាសយដ្ឋានផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌចំការមន រាជធានីភ្នំពេញ (បណ្ណាគារកម្ពុជា), ទី២ តាមរយៈ Google Form អាហារូបករណ៍អភិសន្តិបណ្ឌិត ស សុខា ដោយបំពេញពាក្យស្នើសុំ និងភ្ជាប់ជាមួយនឹងឯកសារតម្រូវ Scan ឬថត , ទី៣ តាមរយៈ Telegram របស់ក្រុមការងារអាហារូបករណ៍អភិសន្តិបណ្ឌិត ស សុខា ដោយបំពេញពាក្យស្នើសុំ និងភ្ជាប់ជាមួយនឹងឯកសារតម្រូវ Scan ឬថត ផ្ញើមក Telegram របស់ក្រុមការងារតាមរយៈ 017 684 881, 096 591 6942។
កាលបរិច្ឆេទទទួលពាក្យស្នើសុំអាហារូបករណ៍ គិតចាប់ពីថ្ងៃផ្សព្វផ្សាយដំណឹងនេះ រហូតដល់ថ្ងៃទី០១ ខែមករា ឆ្នាំ២០២៤៕
