ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យអាមេរិកាំងភ្នំពេញ (AUPP) សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាក្រោមកិច្ចសហប្រតិបត្តិការរវាងសហភាពសហព័ន្ធយុវជនកម្ពុជា រាជធានីភ្នំពេញ និងសាកលវិទ្យាល័យអាមេរិកាំងភ្នំពេញ សិក្សារយៈពេល៤ឆ្នាំ។
ជំនាញដែលអាហារូបករណ៍ផ្ដល់ជូនរួមមាន បរិញ្ញាបត្រធុរកិច្ច បរិញ្ញាបត្រទំនាក់ទំនងអន្តរជាតិ និងការទូត បរិញ្ញាបត្រនីតិសាស្ត្រ បរិញ្ញាបត្រប្រព័ន្ធសុវត្ថិភាពអ៉ីនធឺណិត (Cybersecurity) បរិញ្ញាបត្រហេដ្ឋារចនាសម្ព័នឌីជីថល និង បរិញ្ញាបត្របញ្ញាសប្បនិម្មិត (AI) ។
លក្ខខណ្ឌក្នុងការជ្រើសរើស អាហារូបករណ៍ផ្ដល់ជូនបេក្ខជនទាំងអស់ និងផ្ដល់អាទិភាពសម្រាប់បេក្ខជនមានជីវភាពខ្វះខាត។ បេក្ខជនត្រូវមានសញ្ញាបត្រមធ្យមសិក្សាទុតិយភូមិ និទ្ទេស A, B និង C ឬឯកសារបញ្ជាក់ដែលមានតម្លៃស្មើ ពុំមែនជាសិស្ស ឬនិស្សិតដែលបានចុះឈ្មោះ ឬកំពុងសិក្សានៅសាកលវិទ្យាល័យអាមេរិកាំងភ្នំពេញ។ ជាមួយគ្នានេះ បេក្ខជនត្រូវឆ្លងកាត់ការធ្វើតេស្ត ភាសាអង់គ្លេស គណិតវិទ្យា និងរូបវិទ្យា (សម្រាប់មុខវិទ្យា IT) ឬ គណិតវិទ្យា និងប្រវត្តិវិទ្យា (សម្រាប់មុខវិទ្យាផ្សេងៗ) ដែលបានរៀបចំដោយ AUPP និងឆ្លងកាត់ការជ្រើសរើសរបស់ក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជារាជធានីភ្នំពេញ។ គួរជម្រាបថា បន្ទាប់ពីចេញលទ្ធផលអាហារូបករណ៍ បេក្ខជនជ័យលាភីត្រូវបង់ថ្លៃសេវាកម្មរដ្ឋបាលនៅសាកលវិទ្យាល័យដោយផ្ទាល់ចំនួន៣០០ដុល្លារក្នុងឆ្នាំ។
បេក្ខជនត្រូវភ្ជាប់ឯកសារចាំបាច់មួយចំនួនដូចជា ពាក្យសុំអាហារូបករណ៍០១ច្បាប់ ជីវប្រវត្តិសង្ខេបដែលមានបិតរូបថតថ្មី (៤x៦) ០១ច្បាប់ សញ្ញាបត្របត្រមធ្យមសិក្សាទុតិយភូមិ ឬឯកសារបញ្ជាក់ដែលមានតម្លៃស្មើ ០១ច្បាប់ ឬតារាងប្រកាសនិទ្ទេសរបស់ក្រសួងអប់រំ យុវជន និងកីឡា ០១ច្បាប់ ឯកសារបញ្ជាក់កម្រិតភាសាអង់គ្លេស iBT TOEFL យ៉ាងតិច ៧៩ពិន្ទុ, IELTS ៦.០ និង Duolingo ១១០ ដែលមានសុពលភាព ០១ច្បាប់។ សៀវភៅគ្រួសារ ឬអត្តសញ្ញាណប័ណ្ណថតចម្លង ០១ច្បាប់ រូបថតអត្តសញ្ញាណប័ណ្ណ ឬសៀវភៅគ្រួសារ ០១ច្បាប់ រូបថតថ្មី (ថតពីមុខ គ្មានវែនតា និងមានផ្ទៃខាងក្រោយពណ៌ស) ចំនួន ៣សន្លឹក។
បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍អាចចូលទៅកាន់ https://forms.gle/D6pPptLBYfM3i3ts7 និងទាញយកឯកសារស្នើសុំអាហារូបករណ៍តាមរយៈ https://drive.google.com/drive/folders/1RyFu6ME2XhbEjoiv1H_7KYQIzLT0hIzd?usp=sharing ចាប់ពីថ្ងៃជូនដំណឹងនេះរហូតដល់ថ្ងៃទី១៣ ខែវិច្ឆិកា ឆ្នាំ២០២៤៕
