វិទ្យាស្ថានពហុបច្ចេកទេសតេជោសែនស្វាយរៀង ប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រដោយរាជរដ្ឋាភិបាលកម្ពុជា។

ជំនាញដែលវិទ្យាស្ថានផ្ដល់ការសិក្សារួមមាន ៖ ការដំឡើងបណ្ដាញអគ្គិសនីក្នុងអគារ, ការថែទាំ និងជួសជុលបរិក្ខាអេឡិចត្រូនិក, ការថែទាំ និងជួសជុលរថយន្ត​, សេវាកម្មបរិក្ខាត្រជាក់ក្នុងគេហដ្ឋាន, ការដំឡើងកាមេរ៉ាសុវត្ថិភាព, សេវាកម្មសម្អាងកាយ និង សេវាកម្មកុំព្យូទ័រ។

លក្ខខណ្ឌបេក្ខជនដែលអាចដាក់ពាក្យសិក្សាបាន ៖ ជាបុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ អាចស្នើពាក្យសិក្សាដោយឥតគិតថ្លៃ, សម្រាប់យុវជនមកពីគ្រួសារមានប័ណ្ណក្រីក្រ ឬគ្រួសារងាយរងហានិភ័យ នឹងទទួលបានប្រាក់ឧបត្ថម្ភ២៨ម៉ឺនរៀលក្នុងមួយខែ(រយៈពេល៤ខែ)។

វេនសិក្សាសម្រាប់បេក្ខជនមាន ៖ វេន ចន្ទ-សុក្រ មានពេលព្រឹក ម៉ោង៧:៣០ ដល់១១:៣០នាទី, ពេលរសៀល ម៉ោង ១៣:០០ ដល់ ១៧:០០នាទី និងពេលយប់ ម៉ោង ១៧:៣០ ដល់ ២០:៣០នាទី។ សម្រាប់វេន សៅរ៍–អាទិត្យ ពេលព្រឹក ម៉ោង៧:៣០ ដល់ ១១:៣០នាទី, ពេលរសៀល ម៉ោង ១៣:០០ ដល់ ១៧:០០នាទី។

បេក្ខជននឹងទទួលបានអត្ថប្រយោជន៍ជាច្រើនពីកម្មវិធីអាហារូបករណ៍ក្នុងការសិក្សារួមមាន ៖ ការសិក្សាដោយឥតគិតថ្លៃ ការផ្ដល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ ការចុះកម្មសិក្សានៅតាមរោងចក្រសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន។ លើសពីនេះ អ្នករៀនសញ្ញាបត្របច្ចេកទេស និងវិជ្ជាជីវៈ១ នឹងទទួលបានឱកាសបន្តការសិក្សា មានជំនាញពិតប្រាកដច្បាស់លាស់ដែលមានទីផ្សារការងារកំពុងត្រូវការ មានឱកាសការងារធ្វើសមរម្យ និងចំណូលទៀងទាត់ មានកន្លែងស្នាក់នៅឥតបង់ថ្លៃ។

សម្រាប់ព័ត៌មានបន្ថែម បេក្ខជនអាចទំនាក់ទំនងទៅកាន់ ០១២ ២៦៧ ៦៧៩ / ០៧១ ៩៩០ ៨៨៦៦ / ០៦៩ ៤៣៦ ៦៩៣ / ០១០ ៥៤៧ ៧៧៨ / ០៨៨ ៦១៣ ២១២៣ / ០៩៦ ៩៣៩ ៩៦៩៨ / ០៨៨ ៩៥៣ ២៣៣៣ / ០៩៧ ៩២៥ ៩១៨៨ ឬអាចទៅកាន់វិទ្យាពហុបច្ចេកទេសភូមិភាគតេជោសែនស្វាយរៀង ដោយផ្ទាល់ ដែលមានអាសយដ្ឋាននៅភូមិមេភ្លើង សង្កាត់ស្វាយរៀង ក្រុងស្វាយរៀង (ជិតរង្វង់មូលស្រះវង់)​ ឬតាមរយៈ Facebook Page: វិទ្យាពហុបច្ចេកទេសភូមិភាគតេជោសែនស្វាយរៀង៕