ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពិធីបុណ្យកាន់បិណ្ឌ ភ្ជុំបិណ្ឌ មានរយះពេល១៥ថ្ងៃ ជាពិធីបុណ្យធំជាងគេសម្រាប់ប្រជាជនកម្ពុជាដែលកាន់ព្រះពុទ្ធសាសនា ឬពុទ្ធសាសនិក ។ ពិធីបុណ្យភ្ជុំបិណ្ឌតែងប្រារព្ធឡើងនៅខែភទ្របទ ចាប់ពីថ្ងៃ១រោច ដល់១៥រោច ពោលគឺនៅពេលរនោច (ពេលងងឹត) រៀងរាល់ឆ្នាំ ។
ព្រះធម្មវិជ្ជា ជួន កក្កដា ព្រឹទ្ធបុរសរងនៃសាកលវិទ្យាល័យព្រះសីហនុរាជ មានសង្ឃដីកាថា អត្ថន័យនៃពាក្យភ្ជុំបិណ្ឌមានបីយ៉ាង ដោយទីមួយ គឺអ្នកធ្វើឧទ្ទិសកុសលជូនចំពោះបុព្វការីជន, ទី២ ការសុំសេចក្ដីសុខសិរីសួស្ដី និងផលដែលកើតអំពីទានដែលខំលះនូវវត្ថុទាន ហើយអត្ថន័យទី៣ គឺបង្កើតនូវភាវភាពសាមគ្គីរវាងសង្គមជាតិ និងសាសនា ។
ព្រះអង្គព្រះធម្មវិជ្ជាមានសង្ឃដីកាបន្តថា ដូចនេះបុណ្យភ្ជុំបិណ្ឌដែលពុទ្ធបរិស័ទតែងតែប្រារព្ធហូរហែរជារៀងរាល់ឆ្នាំ គឺទីមួយនឹកឃើញដល់អ្នកមានគុណមានមាតាបិតា ជីដូនជីតាដែលបានចែកឋានទៅកាន់លោកខាងមុខ ប្រសិនបើទៅកាន់ទីស្ងប់សុខ ទៅទីឋានដែលល្អនោះជាកូនចៅនឹងបានសប្បាយចិត្ត ប៉ុន្តែមិនអាចមើលឃើញ ឬដឹងឡើយដូចនេះប្រសិនបើលោកទៅកាន់ទីមិនសមរម្យ ព្រោះការបដិសន្ធិរបស់សត្វលោកយើងមិនអាចដឹងមុនបានឡើយ ។
ព្រះធម្មវិជ្ជា ជួន កក្កដា បានបន្តសង្ឃដីកាថា នៅវេលាថ្ងៃស្អែកដែលយើងត្រូវដើរ ដំណើរគិត និងរឿងត្រូវធ្វើមិនដឹងទៅជាយ៉ាងទេ ទម្រាំអ្នកមានគុណ ជីដូនជីតាលោកបានធ្វើអ្វីខ្លះ ប្រព្រឹត្តអ្វីខ្លះដើម្បីអាចចិញ្ចឹមយើងបានធំ ។ ដូចនេះប្រយោជន៍នៃការធ្វើបុណ្យកាន់បិណ្ឌនេះហើយជាអ្វីដែលអាចធ្វើឧទ្ទិសកុសលជូនពួកគាត់ នៅពេលពួកគាត់ចែកឋានទៅ។
សូមបញ្ជាក់ថា ពិធីបុណ្យកាន់បិណ្ឌ និងភ្ជុំបិណ្ឌសម្រាប់ឆ្នាំនេះ ប្រព្រឹត្តទៅចាប់ពីថ្ងៃទី៣០ ខែកញ្ញា ដែលត្រូវជាបិណ្ឌ១ រហូតដល់ថ្ងៃទី១៤ ខែតុលា ឆ្នាំ២០២៣ ដែលជាថ្ងៃភ្ជុំបិណ្ឌ៕
