ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំងជំហានទី២។ អាហារូបករណ៍ផ្ដល់ជូនការសិក្សាជំនាញបច្ចេកទេស និងវិជ្ជាជីវៈ១ ដល់យុវជន និងសាធារណជនមកពីគ្រួសារក្រីក្រ និងងាយរងហានិភ័យ។
ជំនាញដែលអាហារូបករណ៍ផ្ដល់ជូនសិក្សារួមមាន ជំនាញការដំឡើងបណ្ដាញអគ្គិសនីក្នុងអគារ ជំនាញការថែទាំ និងជួសជុលរថយន្ត ជំនាញសេវាកម្មសម្អាងកាយ ជំនាញការរចនាក្រាហ្វិកដោយកុំព្យូទ័រ និងជំនាញសេវាកម្មបរិក្ខារត្រជាក់ក្នុងគេហដ្ឋាន មានរយៈពេលសិក្សា៤ខែ។
លក្ខខណ្ឌក្នុងការចុះឈ្មោះសិក្សា ៖ ជាបេក្ខជនដែលមានអាយុចាប់ពី១៥ឆ្នាំឡើង មកពីគ្រួសារមានបណ្ណសមធម៌ក្រីក្រ១,២ ឬគ្រួសារងាយរងហានិភ័យ នឹងទទួលបានប្រាក់ឧបត្ថម្ភ ២៨ម៉ឺនរៀលក្នុង១ខែដោយសិក្សាពេញម៉ោងរយៈពេល៤ខែ។ ចំពោះបេក្ខជនដែលជាកម្មករ និងនិយោជិតនៃសេដ្ឋកិច្ចក្រៅប្រព័ន្ធដែលមានបណ្ណមូលនិធិសមធម៌សុខាភិបាល (បណ្ណពណ៌លឿងចេញដោយ ប.ស.ស) អាចចូលសិក្សាដោយឥតគិតថ្លៃ។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចចុះឈ្មោះតាមរយៈ https://scholarship.tvet.gov.kh/home ឬអាចទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំង ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាខេត្តកំពង់ឆ្នាំង។
សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៤៧៤ ៣៤១ / ០៩៨ ៤៧៤ ៣៤១ / ០៩៨ ៩៦៦ ៩៤៨ / ០១០ ៥៤៦ ១៧៧ / ០៩៧ ២៦៩ ៥៧ ១៣៕
