ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគោលនយោបាយសាធារណៈលីក្វាន់យូ នៃសាកលវិទ្យាល័យជាតិសឹង្ហបុរី ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សារយៈពេលមួយឆ្នាំ ឬពីរឆ្នាំទៅតាមជំនាញ។

ជំនាញដែលអាហារូបករណ៍ផ្ដល់ជូនរួមមាន រដ្ឋបាលសាធារណៈ (MPA) សិក្សារយៈពេល១ឆ្នាំ, គោលនយោបាយសាធារណៈ (MPP) សិក្សារយៈពេល២ឆ្នាំ និងជំនាញកិច្ចការអន្តរជាតិ (MIA) សិក្សារយៈពេល២ឆ្នាំ។

លក្ខខណ្ឌក្នុងការជ្រើសរើស ៖ បេក្ខជនទាំងពីរភេទមានសញ្ជាតិខ្មែរ និងជាមន្ត្រីរាជការពេញសិទ្ធកំពុងបំពេញការងារក្នុងក្របខណ្ឌសាធារណៈ មានសញ្ញាបត្រថ្នាក់បរិញ្ញាបត្រ និងមានបទពិសោធន៍ការងារទៅតាមជំនាញ ។ សម្រាប់ជំនាញ MPA មានបទពិសោធន៍យ៉ាងតិច៥ឆ្នាំលើការងារ និងជំនាញពាក់ព័ន្ធ សម្រាប់ជំនាញ MPP និង MIA មានបទពិសោធន៍យ៉ាងតិច២ឆ្នាំលើការងារ និងជំនាញពាក់ព័ន្ធ។ ជាមួយគ្នានេះ បេក្ខជនត្រូវមានជំនាញភាសាអង់គ្លេសដែលមានពិន្ទុ IELTS ៧.០ ឬ TOEFL ibt ១០០ ឬ មានលិខិតបញ្ជាក់ពីសាកលវិទ្យាល័យអំពីការសិក្សាថ្នាក់បរិញ្ញាបត្ររបស់បេក្ខជនជាភាសាអង់គ្លេស។

បេក្ខជនដែលមានបំណងស្នើពាក្យអាហារូបករណ៍ សូមភ្ជាប់ជាមួយឯកសារចាំបាច់មួយចំនួនដូចជា លិខិតចាត់បញ្ជូនផ្លូវការពីក្រសួង-ស្ថាប័ន សញ្ញាបត្រថ្នាក់បរិញ្ញាបត្រ លិខិតបញ្ជាក់ពិន្ទុ IELTS ឬ TOFEL ibt ឬលិខិតបញ្ជាក់ពីសាកលវិទ្យាល័យអំពីការសិក្សាថ្នាក់បរិញ្ញាបត្រជាភាសាអង់គ្លេស ប្រវត្តិរូបសង្ខេបជាភាសាអង់គ្លេស (Curriculum Vitae or Resume) និង Essay ចំនួន២ជាភាសាអង់គ្លេស។ ប្រធានបទ Essay ទី១ (៤០០ពាក្យ) ដែលនិយាយអំពី «What are your personal and/or Professional goals and how do you think the programe can be help you in achieving your goals?» និងប្រធានបទ Essay ទី២ (៦០០ពាក្យ) ដែលនិយាយអំពី « What is the most urgent challenge facing your community or nation today? Explain your answer: Tell us something that you have read or seen that offers a solution to the challenge that you have identified in. »។

គួរជម្រាបថា មន្ត្រីរាជការក្នុងវិស័យសាធារណៈដែលមានចំណាប់អារម្មណ៍ក្នុងការដាក់ពាក្យសូមបំពេញ និងភ្ជាប់ឯកសារ និងផ្ញើទៅកាន់ក្រុមការងារតាមរយៈ QR code ឱ្យបានមុនថ្ងៃទី២៧ ខែកញ្ញា ឆ្នាំ២០២៤។

សម្រាប់ព័ត៌មានបន្ថែមអាចទំនាក់ទំនងទៅកាន់ លោក ស៊ុំ​ សុវណ្ណដិកា (Telegram) ០៩២ ៣៣៣ ៣៩៩ ឬ Email: sovanndekasum@gmail.com ៕