ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ខណៈបច្ចេកវិទ្យាបញ្ញាសិប្បនិម្មិត (AI) ត្រូវបានគេមើលឃើញថា មានតួនាទីសំខាន់ក្នុងការគាំទ្រដល់ការរៀន និងបង្រៀន ពេលនេះ ក្រសួងអប់រំ យុវជន និងកីឡា បានផ្តើមអនុវត្តវិធីសាស្រ្តបង្រៀនដោយប្រើប្រាស់បញ្ញាសិប្បនិម្មិត (AI) ដើម្បីគាំទ្រការរៀន និងបង្រៀនភាសាបារាំង។
ក្នុងសិក្ខាសាលាបំប៉នសមត្ថភាពស្តីពី «វិធីសាស្រ្តបង្រៀនដោយប្រើប្រាស់បច្ចេកវិទ្យាឌីជីថលនិងបញ្ញាសិប្បនិម្មិត (AI) ដើម្បីកែលម្អគុណភាពការបង្រៀននិងរៀនភាសាបារាំង» កាលពីពេលថ្មីៗនេះ លោកជំទាវ ឃួន វិច្ឆិកា ប្រធានសមាគមសាស្ត្រាចារ្យភាសាបារាំងនៃកម្ពុជា បានមានប្រសាសន៍ថា គ្រូបង្រៀនថ្នាក់ពីរភាសាបារាំង-ខ្មែរ និងគ្រូបង្រៀនមុខវិជ្ជាវិទ្យាសាស្រ្តជាភាសាបារាំង ត្រូវការប្រើប្រាស់ AI ដើម្បីគាំទ្រការរៀន និងបង្រៀន ក៏ដូចជាសម្រាប់ស្រាវជ្រាវ និងស្វ័យសិក្សាផងដែរ។
ប្រធានសមាគមសាស្ត្រាចារ្យភាសាបារាំងនៃកម្ពុជា បញ្ជាក់ផងដែរថា ក្នុងការរៀនភាសាបកប្រែ បញ្ញាសិប្បនិម្មិត (AI) អាចជួយផ្ដល់គំនិតយោបល់ទៅដល់លោកគ្រូ អ្នកគ្រូ ក្នុងការរៀបចំផែនការត្រៀមរៀន និងបង្រៀន។ ក្នុងនោះមានកម្មវិធី (App) ផ្សេងៗទៀតដែលផ្ដល់ការអប់រំភាសាតាមប្រព័ន្ធអនឡាញ ឬជួយក្នុងការសន្ទនា ដែលអាចជួយពង្រឹងគុណភាពនៃការប្រើប្រាស់ភាសា។
លោកជំទាវបណ្ឌិត ឃួន វិច្ឆិកា មានប្រសាសន៍ថា វិធីសាស្រ្តបង្រៀនដោយប្រើប្រាស់បច្ចេកវិទ្យាឌីជីថលនិងបញ្ញាសិប្បនិម្មិត (AI) នឹងជួយគ្រូបង្រៀនភាសាបារាំងអាចចូលរួមលើកកម្ពស់គុណភាពនៃការបង្រៀន និងរៀនភាសាបារាំងនៅទូទាំងប្រទេសផងដែរ។
គួរជំរាបជូនថា សិក្ខាសាលា «វិធីសាស្រ្តបង្រៀនដោយប្រើប្រាស់បច្ចេកវិទ្យាឌីជីថលនិងបញ្ញាសិប្បនិម្មិត (AI) ដើម្បីកែលម្អគុណភាពការបង្រៀននិងរៀនភាសាបារាំង» មានគោលបំណងដាក់បញ្ចូលវិធីសាស្រ្តបង្រៀនថ្មីៗ ដោយប្រើប្រាស់បច្ចេកវិទ្យាឌីជីថល និងបញ្ញាសិប្បនិម្មិត (AI) ក្នុងនោះ ទី១. លើកទឹកចិត្តគ្រូបង្រៀនភាសាបារាំង និងជាភាសាបារាំង, ទី២. រៀបចំសាលកបត្រគរុកោសល្យ/កិច្ចតែងការបង្រៀនឱ្យកាន់តែប្រសើរ និងទី៣. ធ្វើឱ្យថ្នាក់រៀនភាសាបារាំងឱ្យកាន់តែមានសកម្មភាពសម្បូរបែប និងរស់រវើក។
លោកជំទាវ ឃួន វិច្ឆិកា មានប្រសាសន៍ថា គ្រូង្រៀនដែលចូលរួមក៏ត្រូវការប្រើប្រាស់ AI ដើម្បីគាំទ្រការរៀន និងបង្រៀន ក៏ដូចជាសម្រាប់ស្រាវជ្រាវ និងស្វ័យសិក្សាផងដែរ៕
