ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សជំនាន់ Z ឬ Gen Z ជាក្រុមមនុស្សកើតនៅចន្លោះឆ្នាំ ១៩៩៧ និង ២០១៥ ដែលត្រូវបានគេចាត់ទុកថា ជាមនុស្សញៀនទូរស័ព្ទ និងញៀនបច្ចេកវិទ្យាដែលចំណាយពេលច្រើនក្នុងការមើលអេក្រង់ ។ បច្ចុប្បន្ននេះ នៅពេលនិយាយអំពីការអានមនុស្សជំនាន់នេះ កំពុងជ្រើសរើសលុបទម្រង់ឌីជីថល បន្ទាប់ពីសៀវភៅអេឡិចត្រូវនិចធ្វើឱ្យប៉ះពាល់ភ្នែក ហើយប្ដូរមកអានសៀវភៅបោះពុម្ព និងស្រឡាញ់បណ្ណាល័យ។
ការស្រាវជ្រាវពី Nielsen BookData បានរកឃើញថា សម្រាប់អ្នកទិញសៀវភៅនៅចក្រភពអង់គ្លេសមានអាយុពី ១៣ ដល់ ២៤ឆ្នាំ។ ហើយសៀវភៅបោះពុម្ព គឺជាវិធីពេញនិយមបំផុតក្នុងការអាននៅចន្លោះខែវិច្ឆិកា ឆ្នាំ២០២១ ដល់ខែ វិច្ឆិកា ឆ្នាំ ២០២២ ដោយសារតែមានការទិញចំនួន ៨០% ។ នេះបើតាមការប្រៀបធៀបជាមួយនឹងសៀវភៅអេឡិចត្រូនិចដែលបង្កើតបាន ១៤% នៃការលក់ពីក្រុមអាយុនេះក្នុងរយៈពេលដូចគ្នា។
នៅក្នុងការស្ទង់មតិរបស់ជនជាតិអាមេរិកដោយ Pew Research ចន្លោះខែមករាឆ្នាំ២០២១ ដល់ខែកុម្ភៈ ឆ្នាំ២០២១ ស្ទើរតែ ៧០% នៃអ្នកឆ្លើយសំណួរដែលមានអាយុចន្លោះពី ១៨ ទៅ ២៩ ឆ្នាំបាននិយាយថា ពួកគេអានសៀវភៅបោះពុម្ព ខណៈដែល ៤២% បាននិយាយថាពួកគេអានសៀវភៅអេឡិចត្រូនិច។ សរុបមក ជាង ៨០% នៃពួកគេបាននិយាយថា ពួកគេអានសៀវភៅក្នុងទម្រង់ណាមួយ ដែលជាភាគរយខ្ពស់បំផុតក្នុងចំណោមក្រុមអាយុទាំងអស់ដែលត្រូវបានស្ទង់មតិ។
នាង Madalyn Boyd អាយុ ២៣ឆ្នាំមកពីរដ្ឋ Michigan បាននិយាយថា ខណៈពេលដែលសៀវភៅអេឡិចត្រូនិចមានតម្លៃសមរម្យ និងល្អសម្រាប់ការធ្វើដំណើរ ប៉ុន្តែចំណង់ចំណូលដែលនាងចូលចិត្ត គឺសៀវភៅដែលបានបោះពុម្ព ឬការទៅបណ្ណាល័យ និងដើរទិញឥវ៉ាន់នៅក្នុងហាងលក់សៀវភៅ។ នាងបន្តថា គ្មានអ្វីល្អដូចការបើកសៀវភៅបោះពុម្ភអាននៅលើសាឡុង ឬនៅមាត់ឆ្នេរនោះទេ។
Wang Sum Luk ជានិស្សិតអាយុ ២១ ឆ្នាំដែលកំពុងសិក្សាភាសាអង់គ្លេសនៅសកលវិទ្យាល័យ Oxford បាននិយាយថា គាត់ធ្លាប់ប្រើសៀវភៅអេឡិចត្រូនិចកាលពីអតីតកាល ប៉ុន្តែឃើញថាវាមិនដូចការអានសៀវភៅដោយផ្ទាល់។ គាត់បាននិយាយថា ខណៈដែលសៀវភៅអេឡិចត្រូនិចហាក់ដូចជាងាយស្រួលជាង ប៉ុន្តែគាត់នៅតែចូលចិត្តសៀវភៅបោះពុម្ព និងចូលចិត្តអានសៀវភៅនៅក្នុងបណ្ណាល័យសាកលវិទ្យាល័យផងដែរ។
បើតាមទីប្រឹក្សាគ្រប់គ្រង McKinsey ការលក់នៅសហរដ្ឋអាមេរិកបានឈានដល់កំណត់ត្រាច្រើនជាង ៨៤៣លានក្បាលក្នុងឆ្នាំ២០២១ ខណៈដែលកាលពីឆ្នាំមុនមានការលក់ខ្ពស់បំផុតលំដាប់ទីពីរគឺជិត ៨០០ លានក្បាល។ ការកើនឡើងប្រជាប្រិយភាពនេះ គឺដោយសារតែ Gen Z និងនិន្នាការប្រព័ន្ធផ្សព្វផ្សាយសង្គមរបស់ក្រុមអ្នកស្រឡាញ់ការអានសៀវភៅ៕
