ក្រុមកុមារីមក​ពីខេត្តព្រៃវែង បង្កើតកម្មវិធីទូរស័ព្ទដៃ “រៀនអក្ខរក្រមភាសាខ្មែរ” ឈ្នះ​ជ័យលាភីសហគ្រិនវ័យក្មេង ក្នុង​កម្មវិធីតិចណូវេសិន

កុមារីអាយុ១២ឆ្នាំមួយក្រុម មក​ពីខេត្តព្រៃវែង ហៅឈ្មោះ​ក្រុមខ្លួនឯងថា Takor Girls បានបង្កើតអេបទូរស័ព្ទដៃ “រៀនអក្ខរក្រមភាសាខ្មែរ” ដើម្បី​ជួយកុមារ​ពីអាយុ១ឆ្នាំ ដល់៣ឆ្នាំឱ្យចេះអានអក្សរមុនពេលចូលរៀន បានជាប់ជ័យលាភីសហគ្រិនវ័យក្មេងថ្នាក់ជាតិកម្រិតបឋមសិក្សា ក្នុងកម្មវិធីប្រកួតប្រជែងថ្នាក់ជាតិ “តិចណូវេសិន និងអនាគតទេពកោសល្យឌីជីថល ឆ្នាំ២០២៥”។

កុមារី រដ្ឋា សុខដាវីន ជាសិស្សថ្នាក់ទី៦ នៃបឋមសិក្សាតាកោ និងជាតំណាងក្រុមជ័យលាភីសហគ្រិនវ័យក្មេងថ្នាក់ជាតិកម្រិតបឋមសិក្សា បានប្រាប់ AMS Education ថា រូបគេ និងក្រុមចូលរួមប្រកួតក្នុងកម្មវិធីនេះ ក៏ព្រោះតែចូលចិត្តផ្នែកបច្ចេកវិទ្យាឌីជីថល ហើយចង់បញ្ចេញសមត្ថភាព និងភាពក្លាហានទៅឱ្យគណៈកម្មការ លោកគ្រូ អ្នកគ្រូ ក៏ដូចជាអាណព្យាបាល ក៏ដូចជាសិស្សានុសិស្សផ្សេង​ទៀតបានឃើញ។ ជាពិសេស ចង់ទទួលបានជ័យលាភីក្នុងការប្រកួតយកមុខមាត់ជូនសាលា។

ក្រុម Takor Girls

តំណាងក្រុម Takor Girls រូបនេះ បន្ថែមថា គម្រោងដែលក្រុមខ្លួនដាក់ប្រកួត គឺអេបទូរស័ព្ទដៃ “រៀនអក្ខរក្រមភាសាខ្មែរ” សម្រាប់សិស្សថ្នាក់ទី១ ដល់ថ្នាក់ទី៣ ដោយ​ក្នុង​នោះ មានរៀនអំពីមូលដ្ឋានគ្រឹះភាសាខ្មែរមុនចូលរៀននៅសាលា។ សុខដាវីន បន្តថា អេបរៀនអក្ខរក្រមភាសាខ្មែរ មានលក្ខណៈពិសេសសម្រាប់កុមាររៀនភាសាខ្មែរដំបូង ដោយមានបង្ហាញទាំងព្យព្ជានៈ រូបភាព និងសំឡេង ដែលមានភាពងាយស្រួលក្នុងការរៀនភាសាខ្មែរ។

“កុមារដែលមិនទាន់បានចូលរៀននៅសាលាក៏អាចរៀនតាមអេបនេះបាន ហើយនៅពេលគ្រប់អាយុចុះឈ្មោះចូលរៀន កុមាររៀនឆាប់ចេះ ហើយគ្រូងាយស្រួលបង្រៀន”

កុមារី រដ្ឋា សុខដាវីន បន្ថែមទៀតថា នៅពេលក្រុមរបស់ខ្លួនបានជាប់ជ័យលាភីសហគ្រិនវ័យក្មេងថ្នាក់ជាតិកម្រិតបឋមសិក្សា គឺពិតជាមានអារម្មណ៍សប្បាយរីករាយ។ សុខដាវីន ក៏ចង់ឃើញកុមារតូចៗមានសមត្ថភាពក្លាហាន មានគំនិតបង្កើតកម្មវិធីអប់រំថ្មី។ ទន្ទឹមនេះ នាង​ក៏ចង់ឃើញសិស្សានុសិស្ស​ផ្សេងទៀត​ចូលរួមបញ្ចេញសមត្ថភាពក្នុងការប្រកួតនានា ដើម្បីពង្រឹងសមត្ថភាពខ្លួនឯង និងផ្ដល់កិត្តិយសដល់គ្រួសារ​ និងសាលារៀន។

ជ័យលាភីសហគ្រិនវ័យក្មេងថ្នាក់ជាតិកម្រិតបឋមសិក្សា

លោក សុខ​ ជា ជាគ្រូបង្គោលឌីជីថល នៃសាលាបឋមសិក្សាតាកោ ខេត្តព្រៃវែង និងជាគ្រូដឹកនាំរបស់ក្រុម Takor Girls មានប្រសាសន៍ថា លោកពិតជាកោតសរសើរប្អូនៗបានខិតខំប្រឹងប្រែរយៈពល១២សប្ដាហ៍ក្នុងការប្រកួត ដោយ​លោក​មើលឃើញថា ពួកគេចង់ចេះ ចង់ដឹង ឧស្សាហ៍ព្យាយាម មានសាមគ្គីភាព មានសេចក្ដីក្លាហាន និងមានទេពកោសល្យ។ លោក សុខ​ ជា បន្តថា លោករីករាយនៅពេលឃើញពួកគាត់ខិតខំប្រឹងប្រែងហើយទទួលបានលទ្ធផលល្អ។

គ្រូបង្គោលឌីជីថលរូបនេះ បន្ថែមថា ការបំផុសឱ្យបង្កើតកម្មវិធីទូរស័ព្ទរៀនអក្ខរក្រមភាសាខ្មែរនេះ គឺដើម្បីឆ្លើយតប​ទៅនឹង​អ្វីដែលជាបញ្ហាសិស្សមិនចេះអានអក្សរ ហើយអាចដោះស្រាយបាននៅពេលក្មេងបានប្រើប្រាស់កម្មវិធីនេះ ដោយ​ពួកគេ​អាចស្គាល់អក្សរ អានតាម និងអាចទទួលបានចំណេះដឹងបណ្ដើរៗមុនចូលរៀននៅសាលា។

លោក សុខ​ ជា បញ្ជាក់ថា កម្មវិធីទូរស័ព្ទដៃនេះ មាន៣ចំណុចសំខាន់ ទី១.រៀនព្យព្ជានៈ ទី២.រៀនស្រៈខ្មែរ និងទី៣ រៀនលេខខ្មែរ។ ក្នុងនោះ ការរៀនព្យញ្ជានៈ និងរៀនស្រៈខ្មែរ មានបង្កើតជារូបភាព សំឡេង និងឧទាហរណ៍។ ចំណែក ការរៀនលេខខ្មែរ មានបង្កើតជារូបភាព សំឡេង និងលំហាត់។ លើសពីនេះ អេបរៀនអក្ខរក្រមភាសាខ្មែរនេះ ក៏បានដាក់ឱ្យប្រើប្រាស់ជាសាធារណៈផងដែរ។

ជាមួយគ្នានេះ លោក សុខ​ ជា ក៏លើកទឹកចិត្តដល់ប្អូនៗសិស្សានុសិស្សត្រូវមានចិត្តចង់រៀន ចង់ចេះផ្នែកបច្ចេកវិទ្យា ព្រោះសម័យនេះ មិនថាជាសិស្សប្រុស ឬសិស្សស្រី គឺមានសមត្ថភាពស្មើគ្នាក្នុងការចាប់យកឱកាសដើម្បីបង្ហាញសមត្ថភាព ទទួលបានបទពិសោធន៍ ចូលរួមអភិវឌ្ឍខ្លួនឯង ជួយសង្គមជាតិ និងជួយវិស័យអប់រំឱ្យរីកចម្រើនទៅមុខដូចប្រទេសអភិវឌ្ឍដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ប្រភេទ B ថ្នាក់ឧត្ដមសិក្សានៅសាកលវិទ្យាល័យធានជីន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Beijing University of Technology ប្រទេសចិន

ព័ត៌មានអាហារូបករណ៍, ព្រឹត្តិការណ៍

• 24/05/2023

កម្មវិធីអាហារូបករណ៍រដ្ឋាភិបាលចិន បានប្រកាស់ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...

ឱកាស​គ្រូបង្រៀន​ចូលរួម​កម្មវិធី Teacher Training Students នៅប្រទេស​ជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 15/01/2026

ជា​ឱកាសសម្រាប់លោកគ្រូ អ្នកគ្រូ ដែលកំពុងបង្រៀន​នៅ​តាម​សាលា​រៀន​បឋមសិក្សា មធ្យមសិក្សា និង​សាលាគរុកោសល្យ នៅទូទាំងប្រទេស​កម្ពុជា, សម្រាប់ឆ្នាំ​២០២៦នេះ កម្មវិធីអាហារូបករណ៍ Teacher Training...

ឱកាសកម្មសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រឆ្នាំទី៣ ពីកម្មវិធីអាហារ KAUST នៅអារ៉ាប់ប៊ីសាអូឌីត

ព័ត៌មានអាហារូបករណ៍, ព្រឹត្តិការណ៍

• 05/10/2023

ឱកាសកម្មសិក្សាអន្តរជាតិសម្រាប់សិស្សថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅសាកលនៅសាកលវិទ្យាល័យវិទ្យាសាស្ត្រ និងបច្ចេកវិទ្យា King Abdullah ចំនួន១៣០កន្លែង....

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។

សាកលវិទ្យាល័យ​អន្តរជាតិ ​ផារ៉ាហ្គន ​ប្រកាស​លទ្ធផល​ប្រឡង​អាហារូបករណ៍​ប្រចាំ​ឆ្នាំ​២០២៦​

ព័ត៌មានអាហារូបករណ៍, ព្រឹត្តិការណ៍

• 04/08/2026

​សាកលវិទ្យាល័យ​អន្តរជាតិ ​ផារ៉ាហ្គន ​បាន​ប្រកាស​លទ្ធផល​នៃ​ការ​ប្រឡង​និស្សិត​អាហារូបករណ៍​ឆ្នាំ​ ​២០២៦​ ​ជា​ផ្លូវការ​ និង​បាន​អបអរសាទរ​ជាមួយ​ជ័យលាភី​ដែល​មាន​ទេពកោសល្យ​។

អាហារូបករណ៍ថ្នាក់បរិញ្ញាបត្រ ផ្នែកវិស័យអាកាសចរណ៍ នៅសាកលវិទ្យាល័យ Qatar Airway 2025 

ព័ត៌មានអាហារូបករណ៍, ព្រឹត្តិការណ៍

• 10/04/2025

កម្មវិធីអាហារូបករណ៍ Qatar Airway University Undergraduate Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Qatar Airway សម្រាប់ឆ្នាំសិក្សា២០២៥។ 

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 12/02/2024

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...

អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់និស្សិតអាស៊ាន ទៅសិក្សានៅសាកលវិទ្យាល័យ Universitas Padjadjaran​ ឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 04/06/2026

សាកលវិទ្យាល័យ Universitas Padjadjaran (Unpad) ដែលជាគ្រឹះស្ថានឧត្តមសិក្សាឈានមុខគេមួយនៅក្នុងប្រទេសឥណ្ឌូនេស៊ី បានប្រកាសដាក់ឱ្យដំណើរការកម្មវិធីអាហារូបករណ៍ថ្នាក់ដឹកនាំ និងឧត្តមភាពអាស៊ាន...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *