ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និងវិជ្ជាជីវៈ ពេលនេះ វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសជ្រើសរើសសិស្សនិស្សិតឱ្យចូលរៀនសម្រាប់ថ្នាក់អាហារូបករណ៍ រហូតទៅដល់ចំនួន ៦៣៣០នាក់។
ជំនាញដែលអាហារូបករណ៍ផ្តល់ជូនរួមមាន ៖
សម្រាប់កម្រិតសញ្ញាបត្រជាន់ខ្ពស់បច្ចេកទេស ៖ ព័ត៌មានវិទ្យា (៣០នាក់), អគ្គិសនី (៣០នាក់), អេឡិចត្រូនិក (៣០នាក់), ធនាគារ និងហិរញ្ញវត្ថុ (៣០នាក់), ក្សេត្រសាស្រ្ត (៣០នាក់) សរុប ១៥០នាក់។
សម្រាប់កម្រិតសញ្ញាបត្របច្ចេកទេស និងវិជ្ជាជីវៈ ១ ២ ៣ (C1 C2 C3) ៖ សេវាកម្មកុំព្យូទ័រ (C1 ៨១០នាក់, C2 ៣០នាក់ និង C3 ៣០នាក់), ការរចនាក្រាហ្វិកដោយកុំព្យូទ័រ កម្រិត C1 ៨១០នាក់, ការតម្លើងបណ្តាញអគ្គិសនីក្នុងអគារ (C1 ១៣៥០នាក់, C2 ៣០នាក់, C3 ៣០នាក់), ការថែទាំ និងជួសជុលរថយន្ត (C1 ៥៤០នាក់, C2 ៣០នាក់, C3 ៣០នាក់), ការកែច្នៃបន្លែ និងផ្លែឈើ ចំនួន ១៦២០នាក់, សេវាកម្មបរិក្ខាត្រជាក់ក្នុងគេហដ្ឋាន (C1 ២៧០នាក់, C2 ៣០នាក់, C3 ៣០នាក់), ការតម្លើងប្រព័ន្ធបញ្ជាម៉ូទ័រអគ្គិសនី ចំនួន ៥៤០នាក់។
លក្ខខណ្ឌនៃការជ្រើសរើស ៖ សម្រាប់កម្រិតសញ្ញាបត្រជាន់ខ្ពស់បច្ចេកទេស បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ ៣ ឬវិញ្ញាបនបត្របញ្ចប់ការសិក្សាថ្នាក់ទី១២ (ធ្លាក់) ឬសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ សម្រាប់កម្រិតសញ្ញាបត្របច្ចេកទេស និងវិជ្ជាជីវៈ ១ (C1) បេក្ខជនមកពីគ្រួសារក្រីក្រ (បណ្ណសមធម៌ក្រីក្រ១ ឬក្រីក្រ២) និងគ្រួសារដែលងាយរងហានិភ័យ។ សម្គាល់ ៖ បេក្ខជនដែលស្ថិតនៅក្នុងគ្រួសារមានបណ្ណសមធម៌ ឬបណ្ណសម្គាល់គ្រួសារងាយរងហានិភ័យ នឹងទទួលបានប្រាក់ឧបត្ថម្ភ ២៨០ ០០០រៀល ក្នុងមួយខែ រយៈពេល៤ខែ, បេក្ខជនត្រូវភ្ជាប់មកជាមួយបណ្ណសមធម៌ ឬបណ្ណសម្គាល់គ្រួសារងាយរងហានិភ័យ (មានសុពលភាព) ជាមួយសៀវភៅគ្រួសារ និងអត្តសញ្ញាណបណ្ណ ឬសំបុត្រកំណើត។
ចាប់ទទួលពាក្យពីថ្ងៃផ្សាយដំណឹងនេះតទៅ នៅការិយាល័យអប់រំបណ្តុះបណ្តាល នៃវិទ្យាស្ថានពហុបច្ចេកទេសភូមិភាគតេជោសែនបាត់ដំបងរៀងរាល់ម៉ោងធ្វើការ ដែលមានអាស័យដ្ឋានតាមបណ្តោយផុលូវលេខ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាប់ខាងជើងអនុវិទ្យាល័យសោហឺ ទល់មុខវេទិកាអុំទូកខេត្តបាត់ដំបង។
កាលបរិច្ឆេទចូលរៀន ៖ លើកទី១ ថ្ងៃទី១៥ ខែធ្នូ ឆ្នាំ២០២៣ និងលើកទី២ ថ្ងៃទី១៥ ខែមករា ឆ្នាំ២០២៤៕
