ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាហារូបករណ៍មូលនិធិហាប់ស្វែល ប្រកាសជ្រើសរើសសិស្សស្រីតាមបណ្ដាខេត្ត ទូទាំងប្រទេសកម្ពុជា ឱ្យទទួលបានអាហារូបករណ៍កន្លែងស្នាក់នៅ និងឱកាសសិក្សាពីវគ្គបណ្ដុះបណ្ដាល នៅទីក្រុងភ្នំពេញ សម្រាប់ឆ្នាំសិក្សា២០២៥-២០២៦។
មូលនិធិហាប់ស្វែល ជ្រើសរើសសម្រាប់តែសិស្សស្រី នៅតាមបណ្ដាខេត្តដែលកំពុងរៀនថ្នាក់ទី១២ និងមានបំណងសិក្សានៅសាកលវិទ្យាល័យនានាក្នុងទីក្រុងភ្នំពេញ (បានជាប់បាក់ឌុបហើយ តែមិនទាន់ចូលរៀននៅសាកលវិទ្យាល័យនៅឡើយ)។
លក្ខខណ្ឌនៃការជ្រើសរើស ៖ ជាបេក្ខនារីដែលជាសិស្សពូកែក្នុងថ្នាក់ និងទទួលបាននិទ្ទេសល្អក្នុងការប្រឡងមធ្យមសិក្សាទុតិយភូមិ, ជាសិស្សសកម្មក្នុងការចូលរួម និងយល់ពីកិច្ចការសង្គម មានមូលដ្ឋានចំណេះដឹងភាសាអង់គ្លេស មានទស្សនវិស័យសម្រាប់អនាគតខ្លួនឯង ប្រទេសជាតិ។
អត្ថប្រយោជន៍ នៃអាហារូបករណ៍ផ្ដល់ជូនរួមមាន កន្លែងស្នាក់នៅប្រកបដោយសុវត្ថិភាព និងអាហារប្រចាំថ្ងៃ ការបណ្ដុះបណ្ដាលនៅក្នុងអន្តេវាសិកដ្ឋានរួមមាន ភាសាអង់គ្លេស ភាសាបារាំង កុំព្យូទ័រ ការពិភាក្សាដេញដោល សំណេរ វិភាគ ពលរដ្ឋវិទ្យា សិក្សាត្រិះរិះពិចារណា ភាពជាអ្នកដឹកនាំ និងការបណ្ដុះបណ្ដាលជាច្រើនទៀត។
បេក្ខនារីដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍អាចទំនាក់ទំនងទៅកាន់ ០១៧ ៥៩២ ៩៦៧ ឬចូលទៅកាន់ www.harpswell.org ឬ Harpswell Foundation ។ បេក្ខនារីក៏អាចចុះឈ្មោះតាមរយៈ https://link.moeys.gov.kh/9phbu0 ។
ចាប់ទទួលពាក្យ និងការចុះឈ្មោះពីថ្ងៃដំណឹងរហូតដល់ថ្ងៃទី១០ ខែមិថុនា ឆ្នាំ២០២៥៕
