ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គម្រូភាសាធំ (LLMs) គឺជាបច្ចេកវិទ្យានៅពីក្រោយបញ្ញាសិប្បនិម្មិត (AI) ដូចជា ChatGPT អាចផ្ដល់នូវព័ត៌មានវេជ្ជសាស្ត្រយ៉ាងច្រើនសម្បូរបែប។ ប៉ុន្តែការស្រាវជ្រាវថ្មី បង្ហាញថា ជំនាញវែកញែករបស់បច្ចេកវិទ្យានេះ នៅតែមិនស៊ីសង្វាក់គ្នា និងខ្វះហេតុផលស៊ីជម្រៅ។
ការសិក្សាមួយដែលដឹកនាំដោយអ្នកស៊ើបអង្កេតនៅសហរដ្ឋអាមេរិក បានរកឃើញថា LLMs គឺងាយនឹងយល់ស្រប ឬមានទំនោរក្នុងការយល់ស្របខ្លាំងពេក សូម្បីតែនៅពេលឆ្លើយតបនៅទៅនឹងការជំរុញ ដែលមិនសមហេតុផល ឬមិនមានសុវត្ថិភាព។
បោះពុម្ពផ្សាយនៅក្នុងទិនានុប្បវត្តិ npj Digital Medicine ការសិក្សានេះបង្ហាញពីរបៀបដែល LLMs ត្រូវបានរចនាឡើង សម្រាប់ការប្រើប្រាស់ទូទៅ ហាក់ដូចជា ទទួលបានការចាប់អារម្មណ៍ និងផ្ដល់អាទិភាពពីអ្នកប្រើប្រាស់ជាង ការជួបពិគ្រោះជាមួយអ្នកជំនាញ តាមលក្ខណៈវិជ្ជាជីវៈ។ ឯកសារស្រាវជ្រាវបានចាត់ទុកសកម្មភាពនេះ ជាការដោះដូរដ៏គ្រោះថ្នាក់ និងមិនគួរគប្បីក្នុងការថែទាំសុខភាព។
គម្រូទាំងនេះមិនសមហេតុផល ដូចចម្លើយរបស់មនុស្សនោះទេ ហើយការសិក្សានេះបានបង្ហាញពីរបៀបដែល LLMs ត្រូវបានរចនាឡើង សម្រាប់ការប្រើប្រាស់ទូទៅ និងមានទំនោរផ្ដល់អាទិភាពដល់ការផ្ដល់ជំនួយ ជាជាងការគិតប្រកបដោយការត្រិះរិះពិចារណា រាល់ពេលផ្ដល់ចម្លើយ, នេះបើតាមការលើកឡើងរបស់លោកស្រីបណ្ឌិត Danielle Bitterman អ្នកនិពន្ធម្នាក់នៃការសិក្សា និងជាអ្នកដឹកនាំផ្នែកព្យាបាលសម្រាប់វិទ្យាសាស្ត្រទិន្នន័យ និង AI នៅប្រព័ន្ធសុខភាព Mass General Brigham ដែលមានមូលដ្ឋាននៅសហរដ្ឋអាមេរិក។
លោកស្រីបានបន្ថែមនៅក្នុងសេចក្ដីថ្លែងការណ៍មួយថា «នៅក្នុងការថែទាំសុខភាព យើងត្រូវការការសង្កត់ធ្ងន់កាន់តែខ្លាំង ទៅលើភាពគ្មានគ្រោះថ្នាក់ បើទោះបីជាវាត្រូវការចំណាយប្រាក់ក៏ដោយ។»
ក្រុមអ្នកស្រាវជ្រាវនិយាយថា ការអប់រំអ្នកប្រើប្រាស់ គ្រូពេទ្យ និងអ្នកជំងឺ ដើម្បីវាយតម្លៃខ្លឹមសារ ដែលបង្កើតដោយ AI នៅតែមានសារៈសំខាន់។
Shan Chen អ្នកស្រាវជ្រាវ ដែលផ្ដោតលើ AI ក្នុងវេជ្ជសាស្ត្រនៅ Mass General Brigham បាននិយាយថា «វាពិបាកណាស់ក្នុងការបង្កើតគម្រូភាសាឱ្យស្របទៅនឹងអ្នកប្រើប្រាស់គ្រប់ប្រភេទ។»
Chen បន្ថែមថា គ្រូពេទ្យ និងអ្នកបង្កើតគម្រូត្រូវធ្វើការរួមគ្នា ដើម្បីគិតអំពីអ្នកប្រើប្រាស់គ្រប់ប្រភេទ មុនពេលដាក់បច្ចេកវិទ្យានេះឱ្យប្រើប្រាស់។ ការសម្របនេះ ពិតជាមានសារៈសំខាន់ណាស់ ជាពិសេសក្នុងបរិយាកាស ដែលមានហានិភ័យខ្ពស់ ដូចជាការប្រើប្រាស់ថ្នាំពេទ្យនេះ៕
