ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ទោះជាមានការបណ្ដាក់ទុនរាប់ពាន់លានក្នុងមួយឆ្នាំៗលើការអភិវឌ្ឍភាពជាអ្នកដឹកនាំក៏ដោយ ក៏គម្លាត និងកង្វះធនធានមនុស្សក្នុងភាពជាអ្នកដឹកនាំជាសាកលនៅតែបន្តមាន។ អ្នកដឹកនាំដែលមានសមត្ថភាព ប្រឈមនឹងភាពមិនច្បាស់លាស់ ប្រមូលផ្ដុំសហគមន៍ និងសម្របសម្រួលការងារ រវាងមនុស្សនិងមនុស្សឱ្យមានភាពល្អប្រសើរ គឺនៅមានភាពខ្វះខាត។
យោងតាម Edelman Trust Barometer ឆ្នាំ២០២៥ បង្ហាញថា ភាពធន់ និងភាពជាអ្នកដឹកនាំ គឺជាជំនាញ ដែលកំពុងមានតម្រូវការខ្ពស់បំផុត។
របាយការណ៍បន្ថែមទៀតថា ប្រសិនបើគ្មានវិធានការបន្ទាន់ទេ គម្លាតនេះ នឹងគំរាមកំហែងដល់សក្តានុពលសេដ្ឋកិច្ច ភាពធន់នៃស្ថាប័នប្រជាធិបតេយ្យ និងសមត្ថភាពរួមរបស់យើង ក្នុងការដោះស្រាយបញ្ហាប្រឈមដូចជា ការប្រែប្រួលអាកាសធាតុ វិសមភាព និងការរំខានផ្នែកឌីជីថល។
ការអប់រំអំពីសហគ្រិនភាពផ្ដល់នូវដំណោះស្រាយសម្រាប់បញ្ហានេះ។ លើសពីការបង្រៀនសិស្សពីរបៀបបើកអាជីវកម្ម ជំនាញសហគ្រិនភាពជួយអភិវឌ្ឍផ្នត់គំនិតផ្ដួចផ្ដើម ភាពធន់ ការសម្របខ្លួន និងសមត្ថភាពដោះស្រាយបញ្ហាប្រកបដោយភាពច្នៃប្រឌិត។ អ្នកដឹកនាំដែលមានគុណវុឌ្ឍិទាំងនេះ គឺមានតម្រូវការខ្ពស់ ក្នុងបរិបទពិភពលោកដ៏ស្មុគស្មាញនាពេលបច្ចុប្បន្ន។
វេទិកាសេដ្ឋកិច្ចពិភពលោក (WE Forum) បានបញ្ជាក់ថា នៅពេលដែលការទុកចិត្ត តាមលទ្ធិប្រជាធិបតេយ្យមានភាពផុយស្រួយ ស្ថាប័ននានាស្ថិតនៅក្រោមភាពតានតឹង ហើយយុវជនប្រឈមមុខនឹងភាពមិនប្រាកដប្រជានៃអត្ថិភាព ដូច្នេះការជំរុញឱ្យអប់រំសហគ្រិនភាព គឺជារឿងចាំបាច់។
ការអប់រំភាពជាសហគ្រិន មិនមែនសំដៅលើការផលិតឱ្យមាននាយកប្រតិបត្តិក្រុមហ៊ុនច្រើននោះទេ ប៉ុន្តែជាសកម្មភាពជំរុញឱ្យមានអ្នកដឹកនាំ ដែលមានភាពធន់ គំនិតច្នៃប្រឌិត និងសុចរិតភាព៕
