សិស្សវិទ្យាល័យព្រះស៊ីសុវត្ថិ ដាក់បង្ហាញគម្រោងច្នៃប្រឌិត «បំប្លែងទឹកទៅជា​ថាមពលអគ្គិសនី» ដែលគិតគូរដល់បរិស្ថាន

សិស្សថ្នាក់ទី១០ មកពីវិទ្យាល័យព្រះស៊ីសុវត្ថិ សាលារៀនជំនាន់ថ្មី បានបង្ហាញពីគំនិត និង​ស្នាដៃបង្កើតថ្មីរបស់ខ្លួន គឺ «ការបំប្លែងទឹកទៅជាថាមពលអគ្គិសនី» ដើម្បីសន្សំសំចៃថវិកា និងគិតគូដល់បរិស្ថាន។ ដោយ​ស្នាដៃនេះ ក៏ត្រូវបានដាក់តាំងបង្ហាញនៅក្នុងទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៧ ឆ្នាំ២០២៤ កាលពីពេលពេលថ្មីៗនេះ។

យុវតី រ៉ង ពេជ្រសូហ្វៀ ដែលចូលរួមក្នុងការ​បង្កើតស្នាដៃនេះលើកឡើងថា បច្ចុប្បន្នមនុស្សភាគច្រើនពឹងផ្អែកលើការប្រើប្រាស់ថាមលអគ្គិសនី ដែលដើរដោយឥន្ទនៈផូសីល បញ្ចេញនូវឧស្ម័នការបូនឌីអុកស៊ីត និងស្ពាន់ធ័រឌីអុកស៊ីត ទើបធ្វើឱ្យមានការបំពុលបរិយាកាស និងការកើនឡើងនៃកម្ដៅផែនដី។ ដូច្នេះហើយទើប ក្រុមរបស់ខ្លួនយល់ថា បង្កើតស្នាដៃ «ការបំប្លែងទឹកទៅជាថាមពលអគ្គិសនី» នេះឡើង អាចចូលរួមផ្ដល់ថាមពលស្អាត កាត់បន្ថយការចំណាយ និងមិនប៉ះពាល់ដល់បរិស្ថាន។

យុវតី រ៉ង ពេជ្រសូហ្វៀ ជាសិស្សថ្នាក់ទី១០ នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី

ពេជ្រសូហ្វៀ បញ្ជាក់បន្ថែមថា ការបង្កើតស្នាដៃនេះឡើង គឺបានមកពីការពន្យល់ណែនាំពីគ្រូដឹកនាំ និងប្រើប្រាស់ទ្រឹស្ដីក្នុងសៀវភៅនៃកម្មវិធីសិក្សាមុខវិជ្ជារូបវិទ្យា ថ្នាក់ទី៩ និងទី១០ យកមកអនុវត្តជាក់ស្តែង ព្រមទាំងអានឯកសារផ្សេងៗជាច្រើនទៀត។

សិស្សថ្នាក់ទី១០ នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី រូបនេះ ក៏​បានបង្ហាញពីឧបស័គ្គនានា​ក្នុងការធ្វើគម្រោងនេះ​ដែរ ដោយថា ការចាប់ផ្ដើមដំបូងមានការលំបាកបន្តិចបន្តួចដែរ ប៉ុន្តែនៅពេលបានយល់ច្បាស់អំពីមូលដ្ឋានគ្រឹះនៃទ្រឹស្ដី និងការអនុវត្តតាមរូបមន្ត ក៏ដូចជាមានការជួយពីលោកគ្រូ អ្នកគ្រូ ទើបធ្វើដំណើរការបានល្អប្រសើរ។

ជាមួយគ្នានេះ យុវតី រឿង សុខគីម សិស្សថ្នាក់ទី១០ នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី ក៏​បានពន្យល់ពីដំណើរការនៃគម្រោងដែរថា ការបំប្លែងទឹកទៅជាថាមពលអគ្គិសនី រៀបចំឡើងទៅតាមតំណាក់កាលសំខាន់ៗ រួមមាន ទី១. ការបង្កើតតួនៃបូប៊ីន ដែលមានសម្ភារៈ ដូចជា ធុងទឹកមួយ និងគម្របទឹកសុទ្ធចំនួន១២គ្រាប់ កាត់តម្រឹមស្មើៗគ្នា ទី២. យកបូប៊ីនទៅរុំជាមួយស្ពៀរ ចំនួន១១២៥ជុំ និងដាក់មេដែករាងអក្សរ E ទៅក្នុងបូប៊ីនឱ្យចំចំណុចកណ្ដាល ទី៣. បង្កើតមេដែក ដោយយកកំប៉ុងទឹកដោះគោមួយវះជាពីរ រួចយកមេដែកមកបិទជុំវិញ ដោយមានប៉ូលN និងប៉ូលS។ បន្ទាប់មក ភ្ជាប់តួនៃបូប៊ីនទៅក្នុងទុយយោរជាមួយមេដែកដោយមានបាដាងនៅកណ្ដាល ហើយនៅពេលទឹកធ្លាក់ចុះមកមេដែកច្បាប់ផ្ដើមវិល តាមទ្រឹស្ដីនៃការសិក្សា មានន័យថា ចរន្តអគ្គិសនីកើតឡើងនៅពេលឆ្លងកាត់ខ្សែចម្លង។ នៅពេលចរន្តអគ្គិសនីចេញពីខ្សែចម្លងទើបបញ្ជូនទៅកាន់អ្នកប្រើប្រាស់ផ្សេងៗ ដូចជា អំពូលជាដើម។

យុវតី រឿង សុខគីម សិស្សថ្នាក់ទី១០ នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី

យុវតី រឿង សុខគីម បញ្ជាក់បន្ថែមថា នៅពេលតម្លើង ការបំប្លែងទឹកទៅជាថាមពលអគ្គិសនី ឱ្យចេញជារូបរាង ទឹកដែលយកមកប្រើដើម្បីផលិតជាថាមពលអគ្គិសនី នឹងដំណើរការវិលចុះឡើងជាស្វ័យប្រវត្តិ។ សុខគីម បន្តថា ក្រុមរបស់គេក៏បានបន្ថែមគំនិតច្នៃប្រឌិតបន្ថែមដើម្បីរៀបចំតុបតែងឱ្យមានទឹកដាក់ពីលើថ្ម ដោយមានដាក់អំពូលភ្លើងចម្រុះពណ៌ជុំវិញ ដើម្បីបង្កើនភាពទាក់ទាញ។ លើសពីនេះ គម្រោងនេះ អាចយកទៅអនុវត្តបាននៅថ្ងៃអនាគតចំពោះគម្រោងធំៗបាន ដើម្បីរួមចំណែកជួយដល់ប្រជាជន ជាពិសេស ប្រជាជននៅតំបន់មានប្រភពទឹកច្រើន។

សិស្សថ្នាក់ទី១០ នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី រូបនេះ រំពឹងថា នឹងទទួលបានសមិទ្ធផលល្អពីការតាំងបង្ហាញស្នាដៃ ព្រោះការដាក់តាំងបង្ហាញស្នាដៃនេះ ធ្វើឱ្យរូបគេបានយល់ពីគំនិតថ្មីៗជាច្រើនអំពីបទពិសោធន៍ ក៏ដូចជាខិតខំកែលម្អស្នាដៃឱ្យកាន់តែប្រសើរថែមទៀត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Trento ប្រទេសអ៉ីតាលី

ព័ត៌មានអាហារូបករណ៍, ព្រឹត្តិការណ៍

• 09/04/2025

ជាឱកាសសម្រាប់និស្សិត​កម្ពុជា​ដែលចង់បន្ត​ការ​សិក្សា​ថ្នាក់​បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅ​ក្រៅ​ប្រទេស​ ពេលនេះ កម្មវិធីអាហារូបករណ៍ University of Trento Scholarshiip 2025-2026 កំពុង​ប្រកាស​ជ្រើសរើស...

កម្មវិធីអាហារូបករណ៍ចេនហ្ស៊ី ផ្តល់អាហារូបករណ៍១០០% ដល់និស្សិតកំពុងសិក្សា​នៅ​សាកលវិទ្យាល័យធំៗ​ចំនួន៣

ព័ត៌មានអាហារូបករណ៍, ព្រឹត្តិការណ៍

• 21/01/2025

និស្សិត​ដែល​កំពុងសិក្សា​នៅសាកលវិទ្យាល័យភូមិន្ទភ្នំពេញ, សាកលវិទ្យាល័យ​ជាតិគ្រប់គ្រង និង​វិទ្យាស្ថាន​បច្ចេកវិទ្យាកម្ពុជា នឹងមានឱកាស​ទទួលបានអាហារូបករណ៍​១០០%រយៈពេល៤ឆ្នាំ..

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍

• 02/03/2023

ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...

អាហារូបករណ៍រដ្ឋាភិបាលចិន ប្រភេទ B ថ្នាក់បរិញ្ញាបត្រជាន់ខ្ពស់-បណ្ឌិត សិក្សានៅ Beijing Foreign Studies

ព័ត៌មានអាហារូបករណ៍, ព្រឹត្តិការណ៍

• 12/11/2026

អាហារូបករណ៍រដ្ឋាភិបាលចិន ១០០% ថ្នាក់បរិញ្ញាបត្រជាន់ខ្ពស់-បណ្ឌិត សិក្សានៅ Beijing Foreign Studies

ឱកាស​អាហារូបករណ៍ ១០០%​ ចំនួន១៦កន្លែង សម្រាប់សិស្សធ្លាក់ ឬជាប់បាក់ឌុប នៅ CGTI

ព័ត៌មានអាហារូបករណ៍, ព្រឹត្តិការណ៍

• 01/07/2025

វិទ្យាស្ថាន​បណ្តុះបណ្តាល​ឯកទេស​សម្រាប់​ឧស្សាហកម្ម​កាត់ដេរ (CGTI) កំពុង​ប្រកាស​ផ្តល់អាហារូបករណ៍​ចំនួន១៦កន្លែង សម្រាប់​សិស្ស​ដែលជាប់ ឬធ្លាក់ថ្នាក់ទី១២ គ្រប់ឆ្នាំសិក្សា​ទាំងអស់។

ឱកាសសិក្សានៅអឺរ៉ុប ៖ អូទ្រីសប្រកាសផ្តល់អាហារូបករណ៍កម្រិតបរិញ្ញាបត្រជាន់ខ្ពស់ និងក្រោយបណ្ឌិត សម្រាប់ឆ្នាំសិក្សា ២០២៧-២០២៨

ព័ត៌មានអាហារូបករណ៍, ព្រឹត្តិការណ៍

• 23/09/2026

ក្រសួងអប់រំ យុវជន និងកីឡា បានចេញសេចក្តីជូនដំណឹងជាផ្លូវការស្តីពីការផ្តល់អាហារូបករណ៍របស់ក្រសួងអប់រំ វិទ្យាសាស្ត្រ និងស្រាវជ្រាវសហព័ន្ធអូទ្រីស (BMBWF)

អាហារូបករណ៍សម្តេចអគ្គមហាសេនាបតីតេជោ ហ៊ុន សែន ៥០កន្លែង​នៅសាកលវិទ្យាល័យភូមិន្ទវិចិត្រសិល្បៈ

ព័ត៌មានអាហារូបករណ៍, ព្រឹត្តិការណ៍

• 20/12/2023

សម្រាប់សិស្ស-និស្សិតដែលមានបំណងចង់សិក្សាជំនាញផ្នែកសិល្បៈ ពេលនេះ គណៈកម្មាធិការ​អាហារូបករណ៍​សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន នឹងផ្តល់អាហារូបករណ៍...

វិទ្យាស្ថានពហុបច្ចេកទេសខេត្តបន្ទាយមានជ័យ ជ្រើសរើសយុវជនចូលរៀនជំនាញ​ឥតគិតថ្លៃចំនួន ១២៦០នាក់

ព័ត៌មានអាហារូបករណ៍, ព្រឹត្តិការណ៍

• 22/08/2024

ជាឱកាសសម្រាប់​បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុក​ដែល​មក​ពី​គ្រួសារ​ក្រីក្រ គ្រួសារ​ងាយរងហានិភ័យ គ្រួសារ​ដែល​មានបណ្ណសម្គាល់ជនមានពិការភាព មានបណ្ណមូលនិធិសមធម៌សុខាភិបាល...

រៀនជំនាញឥតគិតថ្លៃ សម្រាប់អតីតពលករដែលធ្លាប់ធ្វើការនៅបរទេស

ព័ត៌មានអាហារូបករណ៍, ព្រឹត្តិការណ៍

• 20/01/2026

មជ្ឈមណ្ឌលពលករទេសន្តប្រវេសន៍​មាតុភូមិនិវត្តន៍​កម្ពុជា (HRCC) ដែលជាមជ្ឈមណ្ឌលបណ្តុះបណ្តាល និងគាំទ្រពលករទេសន្តរប្រវេសន៍ (ពលករចំណាកស្រុក)