ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន បានប្រកាសជ្រើសរើសយុវជនមកពីគ្រួសារក្រីក្រ និងគ្រួសារងាយរងហានិភ័យ ឱ្យចូលរៀនជំនាញវិជ្ជាជីវៈដោយឥតគិតថ្លៃ ហើយថែមទាំងអាចទទួលបានប្រាក់ឧបត្ថម្ភជារៀងរាល់ខែថែមទៀត ក្រោមគម្រោងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ១.៥លាននាក់។
ជំនាញសម្រាប់ការបណ្តុះបណ្តាលរួមមាន ៖ ការថែទាំ និងជួសជុលអគ្គិសនីរថយន្ត, ការថែទាំ និងជួសជុលរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលទោចក្រយានយន្ត, ការដំឡើង និងថែទាំកាមេរ៉ាសុវត្ថិភាព, ការដំឡើងបណ្តាញអគ្គិសនីក្នុងអគារ, ការរចនាក្រាហ្វិកដោយកុំព្យូទ័រ, សេវាកម្មសម្អាងកាយ, សេវាកម្មរដ្ឋបាល, សេវាកម្មកាត់សក់បុរស, សេវាកម្មកុំព្យូទ័រ, សេវាកម្មបរិក្ខាត្រជាក់ក្នុងគេហដ្ឋាន, ការកែច្នៃបន្លែ និងផ្លែឈើ។
វេនសិក្សា មានពីថ្ងៃចន្ទ ដល់ថ្ងៃសុក្រ (ព្រឹក និងរសៀល) សិក្សារយៈពេល ៤ខែ, វេនព្រឹក ថ្ងៃចន្ទ ដល់ថ្ងៃសុក្រ សិក្សារយៈពេល៦ខែ, វេនរសៀល ថ្ងៃចន្ទ ដល់ថ្ងៃសុក្រ សិក្សារយៈពេល៦ខែ និងវេនថ្ងៃសៅរ៍-អាទិត្យ សិក្សារយៈពេល ៨ខែ។
ឯកសារភ្ជាប់សម្រាប់ការចុះឈ្មោះចូលរៀន ៖ យុវជន យុវនារីមកពីគ្រួសារក្រីក្រ និងគ្រួសារងាយរងហានិភ័យ មានបណ្ណសមធម៌ (ក្រីក្រ១ និងក្រីក្រ២) និងបណ្ណគ្រួសារងាយរងហានិភ័យ, យុវជន យុវនារី ដែលមានអាយុចាប់ពី ១៥ឆ្នាំឡើងទៅ, មានអត្តសញ្ញាណបណ្ណសញ្ជាតិខ្មែរ ឬសំបុត្រកំណើត និងសៀវភៅគ្រួសារ, រូបថតផ្ទៃពណ៌ខៀវ ៤x៦ (៥សន្លឹក)។
សម្រាប់ព័ត៌មានបន្ថែមសូមទាក់ទងទៅកាន់ទូរស័ព្ទលេខ ០៧០ ២០៧ ៧៣៩ ឬទំនាក់ទំនងទៅកាន់វិទ្យាស្ថានផ្ទាល់ដែលមានទីតាំងស្ថិតនៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន៕
