ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានបច្ចេកវិទ្យាអន្តរជាតិ Sirindhorn ឬហៅកាត់ថា SIIT បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ដោយអាហារូបករណ៍ផ្ដល់ជូនការសិក្សារយៈពេល២ឆ្នាំ និង៣ឆ្នាំទៅតាមកម្មវិធីសិក្សារបស់កម្រិតសិក្សា ។
ជំនាញដែលអាហារូបករណ៍ផ្ដល់ឱ្យរួមមាន វិស្វកម្មសម្ភារៈ វិទ្យាសាស្ត្រ និងបច្ចេកវិទ្យា, វិស្វកម្មមេកានិក, វិស្វកម្មឌីជីថល, វិស្វកម្មជីវគីមី និងជីវគីមី, វិស្វកម្មគីមី និងគីមីវិទ្យា, ការគ្រប់គ្រងវិស្វកម្មអគ្គិសនី បច្ចេកវិទ្យាថាមពល, វិស្វកម្មបរិស្ថាន វិស្វកម្មឧស្សាហកម្ម និងការគ្រប់គ្រងភស្តុភារ, ការគ្រប់គ្រងបច្ចេកវិទ្យាថាមពល, វិស្វកម្មសំណង់ស៊ីវិល, វិស្វកម្មប្រព័ន្ធដឹកជញ្ជូន និងសង្វាក់ផ្គត់ផ្គង់ និងជំនាញបច្ចេកវិទ្យាផ្សេងជាច្រើនទៀត ។
លក្ខខណ្ឌដែលបេក្ខជនតម្រូវមានដូចជា មានសញ្ញាបត្រថ្នាក់បរិញ្ញាបត្រសម្រាប់បរិញ្ញាបត្រជាន់ខ្ពស់ និងសញ្ញាបត្របរិញ្ញាបត្រជាន់ខ្ពស់សម្រាប់ថ្នាក់បណ្ឌិត មានកាយសម្បទាមាំមួននិងសុខភាពផ្លូវចិត្តល្អ មិនមានសញ្ជាតិថៃ មានកំណត់ត្រាការសិក្សាល្អ និងចេះប្រើប្រាស់ភាសាអង់គ្លេសបានល្អក្នុងការទំនាក់ទំនង និងសម្រាប់សិក្សា ។ ជាមួយគ្នានេះ បេក្ខជនដែលទទួលបានអាហារូបករណ៍ផ្សេងទៀតមិនអាចមានសិទ្ធិដាក់ពាក្យបានទេ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅកាន់ https://www.siit.tu.ac.th/about_news_detail.php?sid=&nid=470 ។ បេក្ខជនក៏តម្រូវភ្ជាប់ជាមួយឯកសារចាំបាច់មួយចំនួនដូចជា ប្រវត្តិរូបសង្ខេប អត្តសញ្ញាណប័ណ្ណសញ្ញាតិខ្មែរថតចម្លង ឬលិខិតឆ្លងដែនមានសុពលភាពថតចម្លង ឯកសារស្រាវជ្រាវ ឬស្នាដៃបានបោះពុម្ព(បើមាន) សេចក្ដីថ្លែងពីគោលបំណងរបស់សាម៉ីខ្លួន វិញ្ញាបនបត្របញ្ជាក់កម្រិតភាសាអង់គ្លេស ប្រតិចារិកសញ្ញាបត្រ និងលិខិតណែនាំពីរច្បាប់ពីលោកគ្រូអ្នកគ្រូ ឬសាស្ត្រាចារ្យ ។
បេក្ខជនជ័យលាភីអាហារូបករណ៍នឹងទទួលបានការសិក្សាដោយឥតបង់ថ្លៃពីកម្មវិធីអាហារូបករណ៍ ប្រាក់ប្រចាំខែចំនួន ១០,០០០បាតក្នុងមួយខែ និងថ្លៃធ្វើដំណើរពីប្រទេសកំណើតទៅប្រទេសថៃចំនួន ២០,០០០បាត ។ លើសពីនេះ ថ្លៃសេវាធានាសុខភាព និងថ្លៃទិដ្ឋាការជាដើម ។ សម្រាប់ព័ត៌មានលម្អិតអាចចូលទៅកាន់តំណភ្ជាប់ https://currentissues.pk/siit-university-scholarship-in-thailand-2023-fully-funded/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែមីនា ឆ្នាំ២០២៣ ៕
