ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ស្ថានភាពមិនច្បាស់លាស់នៃកូវីដ-១៩ ធ្វើឱ្យមនុស្សព្រួយបារម្ភ ស្មុគស្មាញ តានតឹងចិត្ត និងមានបញ្ហាសុខភាពផ្លូវចិត្តស្មុគស្មាញ ។ អារម្មណ៍បែបទាំងនេះ ជាប្រតិកម្មធម្មជាតិ ហើយវានឹងបាត់ទៅវិញប្រសិនបើចេះគ្រប់គ្រងបានល្អ ។ អង្គការ TPO ប្រាប់ពីវិធីស្រាស្តមួយចំនួនថែទាំសុខភាពផ្លូវចិត្តឱ្យបានល្អក្នុងអំឡុងពេលកូវីដ-១៩ ។
១. ផ្ដល់ការគាំទ្រដល់កុមារ ៖ ស្ដាប់ការត្អូញត្អែររបស់កូន ឬកុមារដោយចំណាយពេលលួងលោម និងផ្ដល់ក្ដីស្រឡាញ់ដល់ពួកគេ ។ ឪពុកម្ដាយ ឬអ្នកថែទាំកុមារត្រូវធានាថា កូនមានសុវត្ថិភាពដោយធ្វើអនាម័យជាប្រចាំ ។ លើសពីនេះ ជួយផ្ដល់ការកម្សាន្តដល់កុមារដោយចំណាយពេលលេងជាមួយ ដើម្បីជួយឱ្យកុមារមាអារម្មណ៍ស្ងប់ ។ ម៉្យាងវិញទៀត ផ្ដល់ការសរសើរ លើកទឹកចិត្ត ប្រើពាក្យសម្ដីទន់ភ្លន់ ជាពិសេសផ្ដល់ការឱប និងញញឹមទៅកាន់កូន ឬកុមារ ។
២. ផ្ដល់ការគាំទ្រដល់មនុស្សយុវជន ៖ សាកសួរ និងស្ដាប់អំពីអារម្មណ៍ខ្វល់ខ្វាយរបស់ពួកគេដោយផ្ដល់ការគោរព និងមិនវិនិច្ឆ័យគំនិត ឬអារម្មណ៍របស់គាត់ ។ លើសពីនេះ ទុកពេលឱ្យពួកគេបញ្ចេញអារម្មណ៍ និងកំដរពួកគាត់ធ្វើសកម្មភាព ឬបំពេញកិច្ចការងារជាមួយពួកគេ ។ ម៉្យាងវិញទៀត លើកទឹកចិត្ត និងពន្យល់អំពីស្ថានការណ៍ដែលកំពុងកើតមានឡើងក្នុងជីវិតរបស់ពួកគេ ។
៣. ផ្ដល់ការគាំទ្រពីចម្ងាយ ៖ ការប្រើប្រាស់បណ្ដាញសង្គមដូចជា Facebook Twinter Telegram និងទូរស័ព្ទ ឬសារអេឡិចត្រូនិច្ច អាចបន្តទំនាក់ទំនងជាមួយសមាជិកគ្រួសារបានផងដែរ ។ លើសពីនេះ ជួយរក្សាទំនាក់ទំនង និងសួរសុខទុក្ខមិត្តភក្ដិ ដើម្បីជួយឱ្យទំនាក់ទំនងកាន់តែមានភាពស្និទ្ធស្នាលជាងមុន និងគ្មានអារម្មណ៍ឯកា ។ ម៉្យាងវិញទៀត អាចស្វែងរកមនុស្សដែលអាចទុកចិត្តបានដើម្បីជជែកលេង ឬចែករំលែកអារម្មណ៍របស់អ្នក និងផ្ដល់ការគាំទ្រគ្នាទៅវិញទៅមក ។
៤. ចំណាយពេលសម្រាកលំហែរផ្ទាល់ខ្លួន ៖ ការស្វែងរកពេលផ្ទាល់ខ្លួនដើម្បីសម្រាកលំហែរដោយចំណាយពេលអានសៀវភៅ ឬស្រាវជ្រាវព័ត៌មាន និងចំណេះដឹងថ្មីៗអាចជួយឱ្យអ្នកមានអារម្មណ៍ល្អ និងបំបាត់ភាពអផ្សុក ។ លើសពីនេះ អាចលេងឧបករណ៍ភ្លេង ស្ដាប់ចម្រៀងដែលខ្លួនចូលចិត្ត និងញ៉ាំតែ ឬកាហ្វេ សម្រាកនៅផ្ទះ ។ ទន្ទឹមនឹងនេះ សាកល្បងធ្វើកិច្ចការដែលខ្លួនចូលចិត្ត រីករាយជាមួយកិច្ចការដែលកំពុងធ្វើ ដើម្បីបង្កើតសកម្មភាពបែបច្នៃប្រឌិតបន្ថែម ។
៥. រក្សាចិត្តឱ្យបានស្ងប់ ៖ ចូរទុកពេលឱ្យខ្លួនឯងបានស្ងប់ចិត្តដោយធ្វើសមាធិដើម្បីឱ្យអារម្មណ៍បានធូរស្រាលពីភាពតានតឹងចិត្ត ។ លើសពីនេះ រៀនពីរបៀបអនុវត្តលំហាត់សម្រាកចិត្ត កាយ និងអនុវត្តលំហាត់ដកដង្ហើម ។ ម៉្យាងវិញទៀត អនុវត្តលំហាត់ប្រាណជាប្រចាំដើម្បីជួយឱ្យរាងកាយមាំមួន និងមានសុខភាពល្អ ។
គួរបញ្ជាក់ថា ប្រសិនបើអ្នកកំពុងពិបាកចិត្ត ព្រួយបារម្ភ ស្មុគស្មាញ និងតានតឹងចិត្តអាចស្វែងរកសេវាប្រឹក្សាផ្លូវចិត្តពីចម្ងាយដោយឥតគិតថ្លៃចាប់ពីថ្ងៃច័ន្ទ ដល់ថ្ងៃអាទិត្យ តាមរយៈទូរស័ព្ទលេខ ០១៧ ២២២ ៣៧២, ០១០ ២២២ ៤៧៨, ០៩៧ ៩១១១ ៩១៨, ០៨៩ ៦៦៦ ៣២៥ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់
ព័ត៌មានអាហារូបករណ៍, ព្រឹត្តិការណ៍
• 03/04/2025
កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។
រៀនជំនាញវិជ្ជាជីវៈដោយឥតគិតថ្លៃជិត២ពាន់កន្លែង នៅវិទ្យាស្ថានពហុបច្ចេកទេសភូមិភាគតេជោសែនសៀមរាប
ព័ត៌មានអាហារូបករណ៍, ព្រឹត្តិការណ៍
• 27/05/2025
វិទ្យាស្ថានពហុច្ចេកទេសភូមិភាគតេជោសែនសៀមរាប កំពុងប្រកាសជ្រើសរើស យុវជន និងសាធារណជនចូលសិក្សាជំនាញវិជ្ជាជីវៈដោយឥតគិតថ្លៃសម្រាប់វគ្គសិក្សាថ្មី។
អាហារូបករណ៍រដ្ឋាភិបាលជប៉ុននៅសាកលវិទ្យាល័យ Nagoya រយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 30/08/2024
ឱកាសសិក្សាអាហារូបករណ៍រយៈពេលមួយឆ្នាំនៅសាកលវិទ្យាល័យ Nagoya ពីអាហារូបករណ៍រដ្ឋាភិបាលជប៉ុនក្រោមកម្មវិធី YLP (Young Leaders’ Program) ផ្នែករដ្ឋបាលថែទាំសុខភាព។
ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ China Three Gorges
ព័ត៌មានអាហារូបករណ៍, ព្រឹត្តិការណ៍
• 07/04/2023
សាកលវិទ្យាល័យ China Three Gorges នៃប្រទេសចិន បានប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន០៥...
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 15/05/2023
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី ...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង ផ្តល់អាហារូបករណ៍១០០ភាគរយជាច្រើនកន្លែង
ព័ត៌មានអាហារូបករណ៍, ព្រឹត្តិការណ៍
• 16/01/2023
ជាឱកាសល្អសម្រាប់យុវជនរស់នៅក្នុងខេត្តកោះកុង ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង បានប្រកាសផ្តល់អាហារូបករណ៍១០០%...
អាហារូបករណ៍ថ្នាក់បណ្ឌិត-អនុបណ្ឌិតពីកម្មវិធី MSIS Lap នៅសាកលវិទ្យាល័យជាតិ Chungbuk
ព័ត៌មានអាហារូបករណ៍, ព្រឹត្តិការណ៍
• 04/04/2024
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship ...
អាហារូបករណ៍បរិញ្ញាបត្រជាន់ខ្ពស់រយៈពេល១ឆ្នាំក្រោមគម្រោង Princess Maha Chakri Sirindhorn Scholarship ឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 18/05/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់បុគ្គលិកអប់រំ និងមន្ត្រីរាជការដែលកំពុងបម្រើការងារទាក់ទងនឹងការអភិវឌ្ឍយុវជន និងកុមារ នៅកម្ពុជា ។...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 23/06/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។
កម្មវិធីពិសេសរបស់ AMS EDUCATION
ព័ត៌មានសង្ខេប
