ជំនាញជណ្តើរយន្ត ជំនាញថ្មីដែលមានតម្រូវការទីផ្សារការងារខ្ពស់ ស្របពេលកម្ពុជាមានការ​អភិវឌ្ឍន៍

យោង​តាម​របាយការណ៍​របស់​រដ្ឋបាលរាជធានីភ្នំពេញបាន​ឱ្យដឹងថា គិត​ត្រឹម​ឆ្នាំ​២០២៣ ភ្នំពេញ​មានអគារ​ខ្ពស់ៗ​ចាប់ពី៥ជាន់​ឡើង​ទៅ​ចំនួន ១៧៧៧អគារ, អគារទាំងអស់នោះ សុទ្ធសឹងតែមានបំពាក់​នូវ​ជណ្តើរយន្ត ដែលទាមទារ​ឱ្យ​មានអ្នកជំនាញក្នុងការថែទាំ ក៏​ដូចជា​ជួសជុល ខណៈ​ដែល​ប្រទេស​កម្ពុជា​នៅ​មានតិចតួចនៅឡើយ​ចំពោះអ្នកជំនាញខាងជណ្តើរយន្តនេះ។

លោក ហ៊ ហាប់ នាយកប្រតិបត្តិ​ផ្នែកអាជីវកម្ម នៃក្រុមហ៊ុន ជីហ្គៀ គ្រុប ដែលជាក្រុមហ៊ុនផ្គត់ផ្គង់ជណ្តើរយន្តមួយនៅកម្ពុជា មានប្រសាសន៍ថា ក្នុងរយៈពេល​ប៉ុន្មានឆ្នាំចុងក្រោយនេះ មានសំណង់អគារ​ខ្ពស់ៗស្កឹមស្កៃជាច្រើនត្រូវបានសាងសង់ និង​កំពុងសាងសង់បន្ថែម ដែលធ្វើ​ឱ្យ​មានតម្រូវ​ការ​ជណ្តើរយន្ត​មានការ​កើនឡើង និង​មានចំនួនច្រើន ។ ជាមួយ​នឹង​តម្រូវ​ការ​ជណ្តើរយន្តកាន់តែច្រើននេះ បើតាមលោក ហ៊ ហាប់ កម្ពុជា​នៅខ្វះខាតអ្នកជំនាញ​បច្ចេកទេស ទាំងអ្នក​តម្លើង ទាំងអ្នកថែទាំ ក៏​ដូចជាអ្នក​ត្រួតពិនិត្យ​គុណភាពនៅឡើយ។

លោក ហ៊ ហាប់ នាយកប្រតិបត្តិ​ផ្នែកអាជីវកម្ម នៃក្រុមហ៊ុន ជីហ្គៀ គ្រុប

តែយ៉ាងណាក៏ដោយ បច្ចុប្បន្ននេះ ក្រុមហ៊ុន ជីហ្គៀ កំពុងធ្វើការ​សហការជាមួយវិទ្យាស្ថានបច្ចេកទេសឧស្សាហកម្ម (ITI) ដើម្បីបង្កើតវគ្គបណ្តុះបណ្តាល ក៏​ដូចជាកម្មវិធីបណ្តុះបណ្តាលជំនាញជណ្តើរយន្តដំបូងគេបំផុតនៅកម្ពុជា។ ក្នុងនោះ បើតាមលោក ហ៊ ហាប់ គោលបំណងរបស់ក្រុមហ៊ុន គឺចង់​ឱ្យ​សាលា​បណ្តុះបណ្តាល​បច្ចេកទេស​ទាំងអស់​នៅកម្ពុជា មានវគ្គបណ្តុះបណ្តាលជំនាញជណ្តើរយន្តនេះ ដើម្បីបំពេញតម្រូវការ​ទីផ្សារការងារ​ដែល​កំពុងត្រូវការ​អ្នក​បច្ចេកទេស​ជណ្តើរយន្ត។

យើងសង្កេតឃើញថា នៅក្នុងស្រុកយើងខ្វះខាតអ្នកបច្ចេកទេសមានជំនាញច្រើន អញ្ចឹងបើយើងមានសាលាដើម្បីបណ្តុះបណ្តាលជំនាញជណ្តើរយន្ត វាកាន់តែល្អ យើងបណ្តុះបណ្តាលអ្នកជំនាញបច្ចេកទេសក្នុងស្រុកដើម្បីបំពេញតម្រូវការទីផ្សារ…

លោក ហ៊ ហាប់ នាយកប្រតិបត្តិ​ផ្នែកអាជីវកម្ម នៃក្រុមហ៊ុន ជីហ្គៀ គ្រុប

លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម (ITI) មានប្រសាសន៍ថា ជំនាញជណ្តើរយន្ត ជាមុខជំនាញ​មួយ​ថ្មី មានតម្រូវការ​ទីផ្សារ​ការងារខ្ពស់ ស្របពេល​ដែល​ប្រទេស​កម្ពុជា​កំពុងមានការអភិវឌ្ឍលើគ្រប់វិស័យ ជាពិសេស​ហេដ្ឋារចនាសម្ព័ន្ធ និង​សំណង់អគារខ្ពស់ៗ។ បើតាម​លោក ជិន តារ៉ា បច្ចុប្បន្ន​វិទ្យាស្ថាន​បាន​នឹង​កំពុង​បណ្តុះបណ្តាល​គ្រូបង្គោល​បន្ថែម​លើជំនាញដំឡើង និងថែទាំ ដើម្បីឱ្យ​គ្រូបង្គោល​មានសមត្ថភាពគ្រប់គ្រាន់​អាច​បណ្តុះបណ្តាល​ដល់សិស្សបន្ត​ទៀតបាន។

លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម (ITI)

វិទ្យាស្ថានបានត្រៀមលក្ខណៈរួចជាស្រេចសម្រាប់ការបណ្តុះបណ្តាលនេះ ដោយសហការជាមួយក្រុមហ៊ុនជីហ្គៀគ្រុប ដែលការសិក្សាទ្រឹស្តីនៅវិទ្យាស្ថាន ហើយការអនុវត្ត ដំឡើង និងថែទាំ នឹងចុះទៅអនុវត្តជាក់ស្តែងតាមការដ្ឋាននានារបស់ក្រុមហ៊ុនជីហ្គៀគ្រុប…

លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម (ITI)

នាយកវិទ្យាស្ថានបច្ចេកទេសឧស្សាហកម្ម (ITI) បញ្ជាក់ថា បច្ចុប្បន្ន​វិទ្យាស្ថាន​បានដាក់មុខ​ជំនាញជណ្តើរយន្ត បញ្ចូល​ក្នុង​កម្មវិធីសិក្សា សញ្ញាបត្រ​ជាន់ខ្ពស់​បច្ចេកទេស ឯកទេស មេកានិចឧស្សាហកម្ម សិក្សា​នៅ​ឆ្នាំទី២។ ហើយ​ជាមួយគ្នាវិទ្យាស្ថានកំពុងពិចារណា​ក្នុងការ​បណ្តុះបណ្តាលជំនាញជណ្តើរយន្តសម្រាប់កម្រិតបច្ចេកទេស១ (C1) រយៈពេល៤ខែ ផងដែរ។

ជាមួយគ្នានេះ លោក ជិន តារ៉ា ក៏​បានអំពាវនាវ​ដល់យុវជនទាំងអស់ ជាពិសេស​យុវជន​ដែល​មក​ពី​គ្រួសារក្រីក្រ និង​គ្រួសារងាយរងហានិភ័យ ឱ្យ​ងាក​មក​ចាប់អារម្មណ៍​រៀនជំនាញជណ្តើរយន្តនេះ ដែលជា​ជំនាញថ្មី ហើយ​ជា​ឱកាស​អនុញ្ញាត​ឱ្យ​ប្អូនៗទទួលបាន​ការងារធ្វើ និង​មាន​ប្រាក់​ចំណូល​ខ្ពស់​នៅពេល​បញ្ចប់ការ​សិក្សា ដោយសារជំនាញនេះ ជាជំនាញថ្មី មានតម្រូវការ​ទីផ្សារ​កាងារខ្ពស់ ប៉ុន្តែ​មិន​ទាន់​មានសិស្សច្រើន​ចាប់អារម្មណ៍​នៅ​ឡើយទេ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់ត្រៀមបណ្ឌិតនៅប្រទេសសឹង្ហបុរីឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 14/07/2025

កម្មវិធីអាហារូបករណ៍ Government of Singapore Scholarship ឬ អាហារូបករណ៍រដ្ឋាភិបាលសឹង្ហបុរី ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់ត្រៀមបណ្ឌិត សម្រាប់ឆ្នាំសិក្សា២០២៦។

ស្វែងយល់ពីសាកលវិទ្យាល័យអឺរ៉ុបចំនួន ៥០សាលា នៅកម្មវិធីពិព័រណ៍សិក្សានៅអឺរ៉ុបឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/11/2025

និស្សិតកម្ពុជាដែលកំពុងស្វែងរកឱកាសទទួលបានការអប់រំកម្រិតពិភពលោកនឹងមកជួបជុំគ្នានៅសាលបុរីកោះពេជ្រ សម្រាប់កម្មវិធីពិព័រណ៍សិក្សានៅអឺរ៉ុបឆ្នាំ ២០២៥ នៅថ្ងៃទី១២ ខែវិច្ឆិកា...

ឱកាសចូលរួមវគ្គបណ្ដុះបណ្ដាលរយៈពេលខ្លីនៅប្រទេសជប៉ុន ពី កម្មវិធី Dusin Leadership 

ព័ត៌មានអាហារូបករណ៍, ព្រឹត្តិការណ៍

• 09/07/2025

កម្មវិធីអាហារូបករណ៍ Dusin Leadership Training លើកទី២៦ ប្រកាសជ្រើសរើសបេក្ខជនចូលសិក្សាវគ្គបណ្ដុះបណ្ដាល រយៈពេល១០ខែ សម្រាប់ជនមានពិការភាព សិក្សានៅប្រទេសជប៉ុន ឆ្នាំសិក្សា២០២៦-២០២៧។

ឱកាស​អាហារូបករណ៍​ថ្នាក់អនុបណ្ឌិត បរិញ្ញាបត្រ និង​បរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជន​កម្ពុជា​រាជធានីភ្នំពេញ (ស.ស.យ.ក. រាជធានីភ្នំពេញ) ក្រោម​កិច្ច​សហប្រតិបត្តិការ​ជាមួយវិទ្យាស្ថាន​ខ្មែរជំនាន់ថ្មី ផ្តល់ជូនអាហារូបករណ៍​ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និង​ថ្នាក់បរិញ្ញាបត្ររង ចំនួន...

ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់

ព័ត៌មានអាហារូបករណ៍, ព្រឹត្តិការណ៍

• 14/01/2026

ក្រសួងមហាផ្ទៃ​កាលពីដើមសប្តាហ៍​នេះ បានប្រកាស​ពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...

វិទ្យាស្ថាន​ពហុ​បច្ចេកទេស​កម្ពុជា​ ​ផ្តល់​អាហារូបករណ៍​ ​១០០​% ​និង​ ​៥០​% ​សម្រាប់​សិស្ស​បាក់ឌុប​ជាប់​និទ្ទេស​ ​A​ ​និង​ ​B​

ព័ត៌មានអាហារូបករណ៍, ព្រឹត្តិការណ៍

• 17/08/2026

​ជា​ការ​ផ្តល់​ឱកាស​ដល់​សិស្សានុសិស្ស​ដែល​ប្រឡង​បញ្ចប់​ថ្នាក់​ទី​១២​ ទទួលបាន​និទ្ទេស​ល្អ​, ​វិទ្យាស្ថាន​ជាតិ​ពហុ​បច្ចេកទេស​កម្ពុជា​ ​(​NPIC​) ​នឹង​ផ្តល់​អាហារូបករណ៍​ ​១០០​% ​សម្រាប់​សិស្ស​និទ្ទេស​ ​A​

អាហារូបករណ៍បរិញ្ញាបត្រជាន់ខ្ពស់នៅសាកលវិទ្យាល័យ Oxford ពីកម្មវិធី St Cross College Scholarship 2024

ព័ត៌មានអាហារូបករណ៍, ព្រឹត្តិការណ៍

• 18/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកវិទ្យាល័យ Oxford ពីកម្មវិធីអាហារូបករណ៍ St Cross College Scholarship 2024...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Bristol ចក្រភពអង់គ្លេស ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 07/06/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Bristol នៃចក្រភពអង់គ្លេស សម្រាប់និស្សិតអន្តរជាតិឆ្នាំសិក្សា២០២៤។...

អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ

ព័ត៌មានអាហារូបករណ៍, ព្រឹត្តិការណ៍

• 03/06/2024

ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...