ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិវិជ្ជាជីវៈបាត់ដំបង ប្រកាសផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ។
មុខជំនាញទាំង ២១ នោះ រួមមាន ការដំឡើងបណ្តាញអគ្គិសនីក្នុងអគារ, ការងារកំបោរ, ការងារការ៉ូ, ការដំឡើងសរសៃដែក, ការដំឡើងបណ្តាញបំពង់ទឹក, ការដំឡើងគ្រឿងឈើសម្រេច, សេវាកម្មបរិក្ខាត្រជាក់ក្នុងគេហដ្ឋាន, ការផ្សារអគ្គិសនី, ការកែច្នៃបន្លែ និងផ្លែឈើ, ការផលិតនំ, ការចម្អិនម្ហូប(ខ្មែរ), ការងារគេហកិច្ច, សេវាកម្មម្ហូបអាហារ និងភេសជ្ជៈ, សេវាកម្មបសុព្យាបាល, ការបណ្តុះ ថែទាំ និងប្រមូលផលដំណាំផ្សិត, ការដាំ ថែទាំ និងប្រមូលផលដំណាំបន្លែ, ការដាំ ថែទាំ និងប្រមូលផលដំណាំស្វាយកែវរមៀត, ការដាំ ថែទាំ និងប្រមូលផលដំណាំស្វាយចន្ទី, ការចិញ្ចឹម ថែទាំ និងប្រមូលផលត្រីប្រា, ការថែទាំ និងបង្កាត់ត្រីមេពូជ, ការចិញ្ចឹម ថែទាំ និងប្រមូលផលសត្វ។
លក្ខខណ្ឌចូលរៀន ៖ យុវជនមកពីគ្រួសារមានប័ណ្ណសមធម៌ (ក្រ១,ក្រ២), ប័ណ្ណសំគាល់គ្រួសារងាយរងហានិភ័យ និងយុវជនទូទៅចាប់ពីអាយុ១៥ឆ្នាំ ដល់ ៣៥ឆ្នាំ។
អត្ថប្រយោជន៍ ៖ ចំពោះយុវជនមកពីគ្រួសារមានប័ណ្ណសមធម៌, ប័ណ្ណសំគាល់គ្រួសារងាយរងហានិភ័យ បានទទួលប្រាក់ឧបត្ថម្ភ ២៨ម៉ឺនរៀលក្នុង១ខែ រយៈពេល ៤ខែ, មានកន្លែងស្នាក់នៅ, ផ្តល់ជូនវិញ្ញាបនបត្រវិជ្ជាជីវៈ C1។
ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០៨៦ ៤០៣ ១០៤ / ០៩៩ ៧៥៩ ៩៩០ ឬ ទៅកាន់វិទ្យាស្ថានជាតិវិជ្ជាជីវៈបាត់ដំបងដោយផ្ទាល់ដែលមានអាសយដ្ឋាន ផ្លូវជាតិលេខ៥៧ ភូមិអណ្តូងព្រីង សង្កាត់អូម៉ាល់ ក្រុងបាត់ដំបង ខេត្តបាត់ដំបង (ខាងលិចរង្វង់មូលនាងរំសាយសក់ចម្ងាយ១៥០០ម៉ែត្រ)៕
