ភាពខុសគ្នារវាងការថប់បារម្ភ និងបាក់ទឹកចិត្ត ដែលកើតមានលើកុមារតូច

នៅក្នុងដំណាក់កាលលូតលាស់ និងអភិវឌ្ឍ កុមារត្រូវជួបប្រទះរឿងថ្មីៗជាប្រចាំ។ មានរឿងមួយចំនួនធ្វើឱ្យពួកគេមានអារម្មណ៍ភ័យខ្លាច ព្រួយបារម្ភ សោកសៅ និងបាត់បង់ក្ដីសង្ឃឹម។ ទោះជាការភ័យខ្លាច និងព្រួយបារម្ភមួយចំនួនមានលក្ខណៈធម្មតាចំពោះកុមារ ប៉ុន្តែប្រសិនបើការភ័យខ្លាច និងទុក្ខព្រួយ ដែលកើតមានជាប្រចាំ ក៏អាចបណ្ដាលឱ្យពួកគេមានជំងឺថប់បារម្ភ និងបាក់ទឹកចិត្តបានដែរ។ ដូច្នេះ ម្ដាយឪពុក និងអាណាព្យាបាលគួរមានការយល់ដឹងអំពីអាការៈមួយចំនួន ដែលបង្ហាញថាកូនរបស់អ្នកកំពុងមានបញ្ហាផ្លូវចិត្ត។

១. អាការជំងឺថប់បារម្ភ

យោងតាមមជ្ឈមណ្ឌលគ្រប់គ្រង និង​បង្ការជំងឺ សហរដ្ឋអាមេរិក (CDC) នៅពេលដែលកុមារមិនមានសមត្ថភាពគ្រប់គ្រាន់ឆ្លងឧបសគ្គដែលជាលក្ខណៈធម្មតារបស់កុមារទូទៅ ឬពួកគេភ័យខ្លាចការទៅសាលា ជួបជាមួយមនុស្ស ឬធ្វើសកម្មភាពផ្សេងៗ។ កុមារនោះ អាចត្រូវបានគេធ្វើរោគវិនិច្ឆ័យថា មានជំងឺថប់បារម្ភ។ មានអាការជាច្រើនខុសៗគ្នា ដែលបង្ហាញថាកុមារមានជំងឺថប់បារម្ភ៖

•  ភ័យខ្លាចខ្លាំងពេលនៅឆ្ងាយពីឪពុកម្ដាយ (Separation anxiety)

•  មានការភ័យខ្លាចខ្លាំងនៅពេលកើតរឿង ឬស្ថិតក្នុងស្ថានការណ៍ជាក់លាក់ណាមួយ (phobias)

•  មិនហ៊ានទៅសាលា ឬកន្លែងដែលមានមនុស្សច្រើន (Social anxiety)

•  ព្រួយបារម្ភអំពីអនាគត និងគិតរឿងអាក្រក់ផ្សេងៗដែលអាចកើតឡើង (General anxiety)

•  មានអាការមួយចំនួនកើតឡើង នៅពេលមានអារម្មណ៍ភ័យខ្លាច ដែលអាការទាំងនោះអាចមានដូចជា បេះដូងលោតញាប់ ពិបាកដកដង្ហើម វិលមុខ ញ័រខ្លួន និងបែកញើស (Panic disorder)។

បញ្ហាជំងឺថប់បារម្ភ អាចបង្ហាញតាមរយៈការភ័យខ្លាច ឬព្រួយបារម្ភ ប៉ុន្តែក៏អាចឃើញតាមរយៈការឆាប់ខឹងរបស់កុមារដែរ។ រោគសញ្ញាថប់បារម្ភក៏អាចរួមបញ្ចូលនូវបញ្ហានៃការគេង អស់កម្លាំង ឈឺក្បាល ឬឈឺក្រពះជាដើម។ កុមារដែលថប់បារម្ភខ្លះទៀត ព្យាយាមលាក់ទុក្ខព្រួយរបស់គេតែម្នាក់ឯង ដោយមិនបង្ហាញមកក្រៅ ធ្វើឱ្យម្ដាយឪពុក ឬអាណាព្យាបាល មិនអាចសង្កេតឃើញអាការ ឬរោគសញ្ញាណាមួយឡើយ។

២. អាការៈបាក់ទឹកចិត្ត

ក្នុងដំណាក់កាលខ្លះ ភាពសោកសៅ និងអារម្មណអស់សង្ឃឹម គឺជាផ្នែកមួយនៃជីវិតកុមារគ្រប់រូប។ យ៉ាងណាក៏ដោយ នៅពេលកុមារមានអារម្មណ៍សោកសៅគ្រប់ពេល មិនចាប់អារម្មណ៍ទៅលើរឿងអ្វីមួយ ដែលគេធ្លាប់ចូលចិត្តធ្វើ និងមានអារម្មណ៍អស់សង្ឃឹមជាប់ជានិច្ច ក្នុងស្ថានការណ៍មួយ ដែលតម្រូវឱ្យពួកគេត្រូវប្រឈមនឹងការផ្លាស់ប្ដូរ។ ពួកគេប្រហែលត្រូវបានគេធ្វើរោគវិនិច្ឆ័យថា មានជំងឺបាក់ទឹកចិត្ត។ កុមារដែលមានជំងឺបាក់ទឹកចិត្ត ជានិច្ចជាកាលមានអាកប្បកិរិយាមួយចំនួនដូចជា៖

•  មានអារម្មណ៍សោកសៅ អស់សង្ឃឹម និងឆាប់ខឹង

•  មិនចង់ធ្វើរឿងដែលពួកគេធ្លាប់រីករាយនឹងធ្វើ

•  ផ្លាស់ប្ដូរទម្លាប់ញ៉ាំ អាចញ៉ាំតិច ឬច្រើនជាងធម្មតា

•  ផ្លាស់ប្ដូរទម្លាប់គេង អាចគេងតិច ឬច្រើនជាងធម្មតា

•  អស់កម្លាំង សកម្មភាពយឺតៗ មានកម្លាំងតឹងតែងក្នុងខ្លួន និងរសាប់រសល់ច្រើន

•  ពិបាកផ្ដោតអារម្មណ៍

•  មានអារម្មណ៍ថា ខ្លួនឯងគ្មានតម្លៃ គ្មានប្រយោជន៍ និងមានកំហុស

•  ធ្វើសកម្មភាពផ្សេងៗ ដែលបង្ករបួសស្នាមដល់ខ្លួនឯង។

ការបាក់ទឹកចិត្តខ្លាំង អាចនាំឱ្យកុមារគិតអំពីការធ្វើអត្តឃាត ឬមានគម្រោងសម្លាប់ខ្លួន។ ក្រៅពីនេះ ជំងឺបាក់ទឹកចិត្តក៏ជាមូលហេតុធ្វើឱ្យកុមារបង្ករឿងច្រើន គ្មានកម្លាំងជំរុញ ឬខ្ជិលច្រអូសផងដែរ។

៣. វិធីសាស្ត្រការពារកុមារពីការថប់បារម្ភ និងបាក់ទឹកចិត្ត

ដើម្បីការពារកុមារពីជំងឺថប់បារម្ភ និងបាក់ទឹកចិត្ត កុមារត្រូវតែទទួលបានការមើលថែដិតដល់ពីសំណាក់ម្ដាយឪពុក ដើម្បីធានាថាពួកគេមានសុខភាពល្អ។ ម្ដាយឪពុក ឬអាណាព្យាបាល អាចអនុវត្តរបៀបរស់នៅមួយចំនួន ដើម្បីជួយឱ្យកុមារមានសុខភាពល្អ៖

•  មានរបបអាហារល្អ ដែលមានឱកាសទទួលទានសាច់ បន្លែ ផ្លែឈើ និងគ្រាប់ធញ្ញជាតិ

•  ជំរុញឱ្យកូនៗមានសកម្មភាពរាងកាយ ដោយផ្អែកលើអាយុរបស់គេ

•  ជំរុញឱ្យកូនៗគេងគ្រប់គ្រាន់ ដោយផ្អែកលើអាយុរបស់គេ។

៤. ការព្យាបាលការថប់បារម្ភ និងបាក់ទឹកចិត្ត យោងតាម CDC ជំហានដំបូងនៃការព្យាបាល គឺត្រូវពិគ្រោះជាមួយអ្នកផ្ដល់សេវាថែមទាំសុខភាព ឬអ្នកឯកទេសសុខភាពផ្លូវចិត្ត ដើម្បីឱ្យគេវាយតម្លៃពីស្ថានភាពអ្នកដែលកំពុងមានបញ្ហា ។ សញ្ញា និងអាការនៃការថប់បារម្ភ និងបាក់ទឹកចិត្តទៅលើកុមារ អាចបណ្ដាលមកពីលក្ខខណ្ឌផ្សេងៗជាច្រើន។ ដូច្នេះ មានតែអ្នកជំនាញផ្នែកសុខភាពផ្លូវចិត្តប៉ុណ្ណោះ ដែលអាចបង្កើតផែនការព្យាបាលដ៏ល្អបំផុតសម្រាប់កុមារ និងគ្រួសារ។ សម្រាប់កុមារតូចៗ ការចូលរួមព្យាបាលពីសំណាក់ឪពុកម្ដាយ និងសាលារៀន គឺជាគន្លឹះដ៏សំខាន់។ ម្យ៉ាងទៀត ការពិគ្រោះយោបល់ ជាមួយអ្នកផ្ដល់សេវាថែទាំសុខភាព អាចជួយកំណត់ថាតើ គួរតែប្រើថ្នាំ សម្រាប់ការព្យាបាលដែរឬទេ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Glasgow International Leadership Scholarships 2024

ព័ត៌មានអាហារូបករណ៍, ព្រឹត្តិការណ៍

• 20/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Glasgow International Leadership Scholarships 2024 នៅ...

ឱកាសសិក្សាអាហារូបករណ៍ KOICA-GIST ប្រទេសកូរ៉េ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 31/03/2023

កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេស​កូរ៉េ ...

អាហារូបករណ៍​កន្លែង​ស្នាក់​នៅ​ឥត​គិត​ថ្លៃ​ ​សម្រាប់​សិស្ស​-​និស្សិត​មកពី​តាម​បណ្តា​ខេត្ត​

ព័ត៌មានអាហារូបករណ៍, ព្រឹត្តិការណ៍

• 06/08/2026

អង្គការពន្លកយុវជនដើម្បីអភិវឌ្ឍន៍ (YAD) បានប្រកាសជូនដំណឹងជាផ្លូវការអំពីការផ្តល់អាហារូបករណ៍កន្លែងស្នាក់នៅបន្ថែមទៀតដោយឥតគិតថ្លៃ ជូនដល់សិស្ស និងនិស្សិតមកពីតាមបណ្តាខេត្តនានា

អាហារូបករណ៍​ថ្នាក់បរិញ្ញាបត្រ​នៅ​រាជបណ្ឌិតសភាកម្ពុជា សម្រាប់សិស្ស​និទ្ទេស A, B ​និង C

ព័ត៌មានអាហារូបករណ៍, ព្រឹត្តិការណ៍

• 09/12/2024

រាជបណ្ឌិតសភាកម្ពុជា បានប្រកាស​​ពី​ការ​បណ្តុះបណ្តាល​ថ្នាក់បរិញ្ញាបត្រ​ក្នុងឆ្នាំសិក្សា​២០២៤-២០២៥ ដោយក្នុងនោះនឹងផ្តល់អាហារូបករណ៍ ១០០%, ៥០% និង ៣០% សម្រាប់សិស្សដែលមាន​និទ្ទេស A, B និង C សម្រាប់ការ​សិក្សា​រយៈពេល៤ឆ្នាំ។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ នៃប្រទេសអាល្លឺម៉ង់ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 28/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់MBA នៅសាកលវិទ្យាល័យអន្តរជាតិ (International University) នៃប្រទេសអាល្លឺម៉ង់ក្នុងសិក្សា២០២៣-២០២៤ ។

អាហារូបករណ៍បរិញ្ញាបត្រជាន់ខ្ពស់រយៈពេល១ឆ្នាំក្រោមគម្រោង Princess Maha Chakri Sirindhorn Scholarship ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 18/05/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់បុគ្គលិកអប់រំ និងមន្ត្រីរាជការដែលកំពុងបម្រើការងារទាក់ទងនឹងការអភិវឌ្ឍយុវជន និងកុមារ នៅកម្ពុជា ។...

រៀន​ជំនាញ​បច្ចេកទេស​ឥត​គិត​ថ្លៃ​ ​១៣៥០​កន្លែង​ ​នៅ​វិទ្យាស្ថាន​ពហុ​បច្ចេកទេស​ខេត្ត​បន្ទាយមានជ័យ​

ព័ត៌មានអាហារូបករណ៍, ព្រឹត្តិការណ៍

• 31/08/2026

វិទ្យាស្ថាន​ពហុ​បច្ចេកទេស​ខេត្ត​បន្ទាយមានជ័យ​ ​កំពុង​ប្រកាស​ជ្រើសរើស​ ​យុវជន​ ​យុវ​នា​រី​ ​កម្ម​ករ ​កម្មការិនី ​និង​ជន​ចំណាកស្រុក​ ​ដែល​មកពី​គ្រួសារ​ក្រីក្រ ​គ្រួសារ​ងាយ​រង​ហានិភ័យ

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។

ឱកាស​អាហារូបករណ៍​ថ្នាក់អនុបណ្ឌិត បរិញ្ញាបត្រ និង​បរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជន​កម្ពុជា​រាជធានីភ្នំពេញ (ស.ស.យ.ក. រាជធានីភ្នំពេញ) ក្រោម​កិច្ច​សហប្រតិបត្តិការ​ជាមួយវិទ្យាស្ថាន​ខ្មែរជំនាន់ថ្មី ផ្តល់ជូនអាហារូបករណ៍​ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និង​ថ្នាក់បរិញ្ញាបត្ររង ចំនួន...