ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។
ជំនាញដែលវិទ្យាស្ថានផ្តល់ជូនរួមមាន ៖ ការងារកំបោរ (សំណង់) ចំនួន៣០នាក់, ការដំឡើងបណ្តាញអគ្គិសនី ក្នុងអគារ ចំនួន ៩០នាក់, ការផ្សារអគ្គិសនី (ផ្សារដែក ចំនួន ៦០នាក់, ការថែទាំ និងជួសជុលរថយន្ត ចំនួន ៦០នាក់, សេវាកម្មបរិក្ខារត្រជាក់ក្នុងគេហដ្ឋាន ចំនួន៦០នាក់, ការកែច្នៃបន្លែ និងផ្លែឈើ ចំនួន៩០នាក់, ការដាម ថែទាំ និងប្រមូលផលស្វាយចន្ទី ចំនួន ៩០នាក់ និងសេវាកម្មកុំព្យូទ័រ ៦០នាក់។
លក្ខខណ្ឌនៃការចុះឈ្មោះ ត្រូវមានអាយុចាប់ពី១៥ឆ្នាំឡើងទៅ, មានបណ្ណសមធម៌ ឬបណ្ណសម្គាល់គ្រួសារងាយរងហានិភ័យ។ សិស្សទាំងអស់នឹងទួលបានប្រាក់ឧបត្ថម្ភចំនួន ២៨០,០០០រៀលក្នុងមួយខែ ដោយសិក្សាពេញម៉ោង។
ចាប់ទទួលពាក្យពីថ្ងៃផ្សាយដំណឹងនេះតទៅ ហើយកាលបរិច្ឆេទនៃការចូលរៀន គឺនៅថ្ងៃទី១៥ ខែមករា ឆ្នាំ២០២៤។
សម្រាប់ព័ត៌មានលម្អិតអំពីការចុះឈ្មោះ សូមទំនាក់ទំនងវិទ្យាស្ថានពហុបច្ចេកទេសខេត្តកំពង់ធំ ដែលមានទីតាំងនៅទល់មុខវិទ្យាល័យកំពង់ធំ ក្រោយបុរីកុមារកំព្រាខេត្តកំពង់ធំ៕
