ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមការចុះផ្សាយរបស់ CNBC បានបង្ហាញថា នៅក្នុងពិភពអាជីវកម្មដែលកំពុងមានការរីកចម្រើន និងវិវត្តន៍យ៉ាងឆាប់រហ័ស អ្នកគ្រប់គ្រងពិតជាត្រូវការក្រុមការងារ ដែលមានផ្នត់គំនិតអភិវឌ្ឍខ្លួនជាប្រចាំ។ ផ្នត់គំនិតអភិវឌ្ឍខ្លួន ឬផ្នត់គំនិតរីកចម្រើន គឺជាគំនិតដែលចង់បន្តអភិវឌ្ឍសមត្ថភាព ទេពកោសល្យ និងចំណេះដឹងឱ្យសមស្របតាមកាលៈទេសៈ តាមរយៈការសិក្សាបទពិសោធន៍ថ្មីៗ ។ ហេតុផលនេះ បាននាំឱ្យសាកលវិទ្យាល័យ Harvard បានបង្កើតសញ្ញាបត្រជំនាញទន់ថ្មី ដែលសិក្សាអំពីការអភិវឌ្ឍផ្នត់គំនិត។
ជំនាញនេះបង្កើតឡើង ដើម្បីជំរុញការរៀនសូត្រ និងអភិវឌ្ឍខ្លួនជាប្រចាំ ជាពិសេសសម្រាប់អ្នកជំនាញវ័យក្មេងក្នុងសម័យបច្ចុប្បន្ន ដែលពួកគេងាយប្រឈមនឹងការបាត់បង់ការងាររនៅថ្ងៃណាមួយ។ ជាក់ស្ដែង LinkedIn កាលពីពេលថ្មីៗនេះ បានកំណត់អត្តសញ្ញាណការងារ ដែលមានការកើនឡើងយ៉ាងឆាប់រហ័សក្នុងឆ្នាំ២០២៤ ហើយការងារភាគច្រើន មិនមានកាលពី២០ឆ្នាំមុននោះទេ។
ការបង្កើតផ្នត់គំនិតរីកចម្រើនពាក់ព័ន្ធនឹងការកំណត់គោលដៅប្រកួតប្រជែងសម្រាប់ខ្លួនឯង ហ៊ានប្រឈមមុខនឹងហានិភ័យ បើកចិត្តទទួលយកមតិកែលម្អ និងការបង្វឹកពីអ្នកដទៃ។ នេះជាការលើកឡើង របស់លោក Shekhinah Bass ប្រធានយុទ្ធសាស្ត្រទេពកោសល្យរបស់ Goldman Sachs ។
ផ្នត់គំនិតរីកចម្រើន គឺចាំបាច់ណាស់ ក្នុងការសម្រេចគោលដៅ អភិវឌ្ឍជំនាញ ការចាប់យកឱកាសសិក្សា និងបង្កើតការផ្លាស់ប្ដូរជាវិជ្ជមានក្នុងជីវិត នេះបើយោងតាមការស្រាវជ្រាវរបស់អ្នកចិត្តសាស្ត្រ ជនជាតិអាមេរិក Angela Duckworth ។
សម្រាប់ជំនាញ ឬបុគ្គលិក ដែលកំពុងស្វែងរកការងារ កំពុងស្ថិតក្នុងដំណាក់កាលសម្ភាសន៍ដើម្បីមានភាគរយខ្ពស់ជាប់ការងារ អ្នកអាចបង្ហាញផ្នត់គំនិតអភិវឌ្ឍខ្លួនរបស់អ្នកក្នុងកិច្ចសម្ភាសន៍ ដូចជា មានចិត្តចង់រៀនចង់សូត្រ មានឆន្ទៈធ្វើការជាមួយអ្នកគ្រប់គ្រង និងចេះធ្វើការងារជាក្រុម៕
