សីលធម៌ និងសុជីវធម៌ជាមូលដ្ឋានអប់រំចំណេះជីវិតសំខាន់សម្រាប់យុវជនកម្ពុជា - AMS EDUCATION

រៀនបទរៀនបាទ កុំកោងហួសខ្នាត កុំភ្លាត់ខុសផ្លូវ កុំភ្លើនភ្លេចម៉ែ កុំប្រែហួសឪ ឃើញចាស់សក់ស្កូវ កុំសូវមើលងាយ ។ បន្ទន់អាត្មា ខ្លាចមេខ្លាចបា ខ្លាចតាខ្លាចយាយ បម្រើមហាក្សត្រ ប្រយ័ត្នស្ដេចទាយ ពាក្យពិតទំនាយ រលាយកេរ្ដិ៍ឈ្មោះ ។

សំនួនកាព្យពីរល្បះនេះជាពាក្យពេចន៍អប់រំទូន្មានកិរិយាយុវជនខ្មែរនៅក្នុង “ច្បាប់ប្រុស” របស់បណ្ឌិត ម៉ឺន មៃ ។

ខ្លឹមសារនៃកាព្យបង្រៀនឱ្យមនុស្សប្រកាន់យកសីលធម៌ សុជីវធម៌ និងគុណធម៌ ជាគោលប្រតិបត្តិដ៏ចាំបាច់ប្រចាំគ្រួសារ និងសង្គម ដែលបម្រើដល់ជីវភាពរស់នៅប្រចាំថ្ងៃប្រកបដោយសេចក្តីថ្លៃថ្នូរ និងស័ក្តិសមជាមូលធនមនុស្ស ។

សីលធម៌ សុជីវធម៌ និងគុណធម៌របស់មនុស្សប្រៀបបានដូចជាគ្រឿងអលង្កាលម្អជីវិតបុគ្គលគ្រប់រូប ។

កាលបើមនុស្សរស់នៅ

មានសីលធម៌ សុជីវធម៌ និងគុណធម៌ខ្ពស់ រមែងទទួលបានតម្លៃដោយការគោរពស្រឡាញ់ពីអ្នកដទៃ និងមនុស្សនៅជុំវិញខ្លួន ។ តម្លៃរបស់មនុស្សកើតឡើងដោយសារចំណេះដឹង សីលធម៌ សុជីវធម៌ គុណធម៌ ព្រមទាំងក្រមសីលធម៌ និងវិជ្ជាជីវៈរបស់ខ្លួន ។

តើសីលធម៌ និងសុជីវធម៌ពិតជាមូលដ្ឋានអប់រំចំណេះជីវិត (well-being) ដ៏សំខាន់មែនដែរឬទេ?

យុវតី មួន សុមាវតី

សិស្សថ្នាក់ទី១២ សាលារៀនជំនាន់ថ្មី នៃវិទ្យាល័យព្រះស៊ីសុវត្ថិ

បាននិយាយថា សីលធម៌ និងសុជីវធម៌ពិតជាមូលដ្ឋានអប់រំចំណេះជីវិតដ៏សំខាន់សម្រាប់មនុស្សគ្រប់រូប ។ ទម្លាប់ប្រតិបត្តិសីលធម៌ផ្ទាល់ខ្លួនជាប្រចាំ គឺបានបង្ហាញពីគុណភាពនៃការអប់រំរបស់គ្រួសារ កម្រិតចំណេះដឹងរបស់មនុស្ស ព្រមទាំងបានបង្រៀនឱ្យកូនចៅនៅក្នុងគ្រួសារមានទម្លាប់លើដៃសំពះរាល់ពេលជួបចាស់ទុំ ឬជួបនរណាម្នាក់ ។

យុវតី មួន សុមាវតី

បាននិយាយថា

“ខ្ញុំយល់ថា ម្តាយឪពុកលោកបានបង្រៀនខ្ញុំតាំងពីតូចឱ្យចេះគោរព និងចេះសំពះចាស់ទុំ ! ទម្លាប់នេះហើយបានជះឥទ្ធិពលក្នុងដំណើរជីវិតរបស់ខ្ញុំរាល់ថ្ងៃ ។ វាមិនលំបាកទេនៅពេលដែលយើងមានទម្លាប់លើកដៃសំពះ ព្រោះវាបានបង្ហាញពីការគោរពដោយសេចក្តីថ្លៃថ្នូរក្នុងនាមជាយុវជនខ្មែរ” ។

បន្ថែមលើនេះ សុមាវតី បានបញ្ជាក់បន្តថា ចំណេះដឹងសីលធម៌ទទួលបានការអប់រំពីគ្រួសារបានជួយឱ្យរូបគេយកទៅអនុវត្តន៍នៅក្នុងសង្គមដោយងាយ ។

ជាមួយគ្នានេះ សុមាវតី យល់ថាតាមរយៈបទពិសោធន៍អប់រំសីលធម៌ផ្ទាល់ខ្លួន ងាយនឹងទទួលយកការអប់រំពីសាលារៀន ។

ជាយុវជនមានទីកន្លែងកំណើតនៅរាជធានីភ្នំពេញ មានវ័យ ១៨ឆ្នាំ ស៊ាប សុខឃាង បាននិយាយថា សីលធម៌ និងសុជីវធម៌សំខាន់សម្រាប់មនុស្សគ្រប់រូប ។ ប្រសិនបើបុគ្គលមិនមានសីលធម៌ និងសុជីវធម៌ នោះនឹងពិបាករស់នៅចុះសម្រុងជីវិតក្នុងសង្គម ។ បុគ្គលមានសីលធម៌ និងសុជីវធម៌ល្អអាចកាត់បន្ថយអំពើហឹង្សា នៅក្នុងសង្គម ព្រមទាំងដោះស្រាយបញ្ហាដោយសន្តិវិធី ។

យុវជន ស៊ាប សុខឃាង

រៀបរាប់បន្ថែមថា “សីលធម៌ និងសុជីវធម៌សំខាន់ណាស់សម្រាប់ខ្ញុំ បើរស់នៅខ្វះសីលធម៌ គ្មានសុជីវធម៌ នោះមនុស្សនឹងបាត់ទំនាក់ទំនងជាពុំខាន” ។

ទោះបីការអនុវត្តសីលធម៌ និងសុជីវធម៌សំខាន់យ៉ាងណាក្តី បើមនុស្សមិនបានបង្ហាញសីលធម៌ និងសុជីវធម៌របស់ខ្លួនដោយសេចក្តីថ្នៃថ្នូរទេ នោះបញ្ញត្តិសីលធម៌ និងសុជីវធម៌ គឺមានតែសម្បកប៉ុណ្ណោះ ។ ការប្រព្រឹត្តិទង្វើអ្វីមួយដោយកាយ វាចា និងចិត្ត គឺជាពេលវេលាដ៏ល្អបំផុតដែលអាចដឹងថា បុគ្គលមានឬគ្មានសីលធម៌ ។

នេះជាការបញ្ជាក់របស់កញ្ញា

ស៊ាងហៃ សុវណ្ណបញ្ញា

សិស្សសាលារៀនជំនាន់ថ្មី នៃវិទ្យាល័យព្រះស៊ីសុវត្ថិ រាជធានីភ្នំពេញ ។

កញ្ញា ស៊ាងហៃ សុវណ្ណបញ្ញា យល់ឃើញថា “ដើម្បីដឹងថានរណាម្នាក់មាន ឬគ្មានសីលធម៌ និងសុជីវធម៌ ចាំបាច់ត្រូវមើលពីឥរិយាបថរស់នៅ និងការនិយាយស្តីរបស់បុគ្គល ។ បើមនុស្សមានសីលធម៌រស់នៅល្អ និយាយមានហេតុនិងផលច្បាស់លាស់ និងមានកាយវិការគោរពផ្តល់តម្លៃដល់អ្នកដទៃ”។

បន្ថែមលើការយល់ឃើញរបស់កញ្ញា ស៊ាងហៃ សុវណ្ណបញ្ញា

យុវជន ឆាយ រតនៈ

បានកំណត់និយមរបស់សីលធម៌ និងសុជីវធម៌សម្រាប់ខ្លួនថា សីលធម៌ និងសុជីវធម៌ជាចំណេះដឹងស្តីពីការប្រព្រឹត្តិប្រចាំថ្ងៃរបស់មនុស្សគ្រប់រូប ។ កាលបើមនុស្សរស់នៅមានចំណេះដឹងហើយ តែគ្មានសីលធម៌ និងសុជីវធម៌រស់នៅល្អ នោះគ្រប់គ្នាអាចវាយតម្លៃបុគ្គលនោះថាជាមនុស្សរស់នៅគ្មានសីលធម៌ និងសុជីវធម៌ ។

សិស្សសាលារៀនជំនាន់ថ្មី នៃវិទ្យាល័យព្រះស៊ីសុវត្ថិរូបនេះ បានបន្តពន្យល់ចំណុចសំខាន់នៃការអប់រំសីលធម៌របស់មនុស្សថា មនុស្សមានចំណេះដឹងតែមួយ មិនទាន់គ្រប់នោះទេ ចាំបាច់ត្រូវមានឥរិយាបថប្រព្រឹត្តិត្រឹមត្រូវ រាប់ទាំងសកម្មភាពដេក ដើរ ឈរ និងអង្គុយ ព្រមទាំងការប្រើប្រាស់ពាក្យសម្តី ។ ស្របគ្នានេះ សង្គមខ្មែរមានសុភាសិតមួយឃ្លាថា

ដែលឃ្លានេះ បានបង្ហាញយ៉ាងពេញលេញពីសារៈសំខាន់នៃសីលធម៌ និងសុជីវធម៌របស់មនុស្ស ។

ការអប់រំសីលធម៌ និងសុជីវធម៌ ស្ថិតនៅក្នុងចង្កោមគោលនយោបាយជាតិស្ដីពីការសិក្សាពេញមួយជីវិត គឺការអប់រំចរិយាសម្បទានៃធនធានមនុស្ស ។ គោលនយោបាយជាតិស្ដីពីការសិក្សាពេញមួយជីវិត មានចក្ខុវិស័យអភិវឌ្ឍប្រជាជនកម្ពុជាគ្រប់រូប ឱ្យមានវិជ្ជាសម្បទា បំណិនសម្បទា ចរិយាសម្បទា កាយសម្បទា និងគុណសម្បទា ដើម្បីរួមចំណែកបង្កើនសេដ្ឋកិច្ច និងលើកកម្ពស់គុណភាពជីវិតបុគ្គល គ្រួសារ និងសង្គម តាមរយៈការផ្ដល់ឱកាសសិក្សាពេញមួយជីវិត គ្រប់ពេលវេលា គ្រប់ទីកន្លែង និងគ្រប់មធ្យោបាយ ។

ជុំវិញគុណតម្លៃសីលធម៌ និងសុជីវធម៌សម្រាប់យុវជន

លោក សម្យ កំសាន្ត

នាយករងវិទ្យាល័យព្រះស៊ីសុវត្ថិ ទទួលបន្ទុកសាលារៀនជំនាន់ថ្មី មានប្រសាសន៍បញ្ជាក់ថា ការអប់រំយុវជនឱ្យមានសីលធម៌ និងសុជីវធម៌ ជាភារកិច្ចរួមរបស់សមាជិកសង្គម ។

សាលារៀនចំណេះដឹងទូទៅ បានដើរសំខាន់ដល់ការអប់រំចំណេះដឹង កិរិយា មារយាទ និងឥរិយាបថរស់នៅរបស់កូនប្រុសស្រី បន្ទាប់ពីការអប់រំនៅក្នុងគ្រួសារ ។ ជាមួយគ្នានេះ គ្រប់ទិដ្ឋភាពជីវិតរស់នៅប្រចាំថ្ងៃ សង្គមខ្មែរបានឱ្យតម្លៃខ្ពស់ទៅលើបុគ្គលដែលរស់នៅមានវិន័យ មានការអប់រំសីលធម៌ និងមានសុជីវធម៌ ។

លោក សម្យ កំសាន្ត

នាយករងវិទ្យាល័យព្រះស៊ីសុវត្ថិ ទទួលបន្ទុកសាលារៀនជំនាន់ថ្មី

ថ្មី “យើងចេះដឹងប៉ុណ្ណាក៏ដោយ បើមិនមានសីលធម៌សុជីវធម៌ជាប់ខ្លួនទេ វាពិបាកចូលចំណោមគេណាស់ ! ខ្ញុំឧទាហរណ៍គ្រាន់តែបុគ្គលម្នាក់ចេះប្រើប្រាស់ពាក្យសម្តីសមរម្យនិយាយទៅកាន់នរណាម្នាក់ គឺបានបង្ហាញពីតម្លៃសីលធម៌ផ្ទាល់ខ្លួនទៅហើយ ហើយការងារក៏អ៊ីចឹងដែរ គេត្រូវការមនុស្សមានទាំងចំណេះដឹង មានទាំងសមត្ថភាព មានទាំងក្រមសីលធម៌វិជ្ជាជីវៈត្រឹមត្រូវ។”

នាយករងវិទ្យាល័យព្រះស៊ីសុវត្ថិ ទទួលបន្ទុកសាលារៀនជំនាន់ថ្មី បានបង្ហាញពីការអប់រំចំណេះដឹងសីលធម៌របស់សាលារៀនជំនាន់ថ្មីថា គណៈគ្រប់គ្រងសាលារៀនជំនាន់ថ្មី បានចាត់ទុកការអប់រំសីលធម៌ សុជីវធម៌ និងសុភាវធម៌របស់បុគ្គលគ្រប់រូប ជាផ្នែកសំខាន់សម្រាប់ការអប់រំ និងដំណើរការសកម្មភាពការងារផ្សេងៗរបស់សាលារៀនទាំងមូល ។

ទន្ទឹមគ្នានេះ វិធីសាស្រ្តអប់រំ និងការដោះស្រាយបញ្ហាដោយភាពឆ្លាតវៃ ជាអាទិភាពពិសេសដែលសាលារៀនជួយគាំទ្រសិស្សឱ្យមានការគិតវិជ្ជមាន និងបានបង្ហាញពីសីលធម៌ និងសុជីវធម៌ល្អរបស់សិស្ស ។

ស្របនឹងការលើកឡើងនេះ អ្នកស្រី ហុក ធីតា

គ្រូបង្រៀនមុខវិជ្ជាសីលធម៌-ពលរដ្ឋ នៅសាលារៀនជំនាន់ថ្មី នៃវិទ្យាល័យព្រះស៊ីសុវត្ថិ ក៏យល់ឃើញដែរថា ស្របតាមការរីកចម្រើនសង្គម និងសេដ្ឋកិច្ច

ព្រមទាំងអនុវត្តការអប់រំតាមទំនៀមទម្លាប់ប្រពៃណី ម្តាយឪពុកនិងអាណាព្យាបាលគ្រប់រូបមានតួនាទីអប់រំកូនឱ្យមានសីលធម៌ និងសុជីវធម៌រស់នៅប្រសើរ ។ ការអប់រំយុវជនឱ្យមានសីលធម៌ និងសុជីវធម៌ ជាភារកិច្ចរួមរបស់សមាជិកសង្គមគ្រប់រូប ។

អ្នកស្រី ហុក ធីតា

អ្នកជំនាញអប់រំសីលធម៌យុវជន បានបញ្ជាក់ថា រាល់ទង្វើរបស់ម្តាយឪពុកនៅក្នុងគ្រួសារសុទ្ធសឹងជាគំរូភាពសម្រាប់កូន ។

ប្រសិនបើម្តាយឪពុកប្រើប្រាស់ពាក្យពេចន៍សន្ទនាដាក់គ្នាទៅវិញទៅមកដោយសមរម្យ នោះកូននៅក្នុងគ្រួសារនឹងរៀនសូត្រពីគំរូភាពទាំងនេះ ។ ផ្ទុយទៅវិញ ប្រសិនប្រើម្តាយឪពុកពុំបានបង្ហាញពីទង្វើអប់រំប្រកបដោយសីលធម៌ណាមួយ នោះកុមារ ឬយុវជននៅក្នុងគ្រួសារ ងាយនឹងប្រព្រឹត្តខ្លួនតាមគន្លងម្តាយឪពុក ។ អ្នកស្រីបានចាត់ទុកម្តាយឪពុកជាគ្រូបង្រៀនសីលធម៌ និងសុជីវធម៌សង្គមដ៏មានប្រសិទ្ធភាពបំផុត ។

ថ្វីត្បិតយុវជនអាចរៀនសូត្រពីសីលធម៌ និងសុជីវធម៌ផ្ទាល់ខ្លួនបានគ្រប់ទីកន្លែងក៏ពិតមែន ប៉ុន្តែសម្រាប់អ្នកស្រី ហុក ធីតា គ្រូបង្រៀនមុខវិជ្ជាសីលធម៌-ពលរដ្ឋ នៅសាលារៀនជំនាន់ថ្មី នៃវិទ្យាល័យព្រះស៊ីសុវត្ថិ យល់ឃើញថា

“វិន័យ សីលធម៌ សុជីវធម៌ ចាំបាច់ត្រូវតែបង្រៀន និងជំរុញឱ្យសិស្សានុសិស្សរៀនអនុវត្តជាប្រចាំ ដើម្បីឱ្យពួកគេប្រែក្លាយខ្លួនជាធនធានមនុស្សមានចំណេះដឹង សមត្ថភាព និងមានសីលធម៌រស់នៅល្អប្រពៃ ៕

រចនាដោយ

ក្រុមការងារទៅលើការរចនាអត្ថបទ

Article
Designer

ក្រុមការងារផ្នែករចនាគេហទំព័រ

កញ្ញា តន គុន្ធា គឺជាអ្នករចនាក្រាហ្វិក បទពិសោធន៏១ឆ្នាំ។ បច្ចុប្បន្នគាត់ជាអ្នករចនានៅស្ថាប័នប្រព័ន្ធផ្សព្វផ្សាយអប្សរា មេឌា សឺវីស (Apsara Media Services)៕

រចនាដោយ កញ្ញា តន គុន្ធា

ប្រធានផ្នែករចនាគេហទំព័រ

លោក នុត រិទ្ធី គឺជាអ្នករចនា សហគ្រិន និងជាអ្នកដឹកនាំអាជីវកម្មបន្ទាប់ពីលោកបានបញ្ចប់ការសិក្សាជាន់ខ្ពស់ផ្នែករចនាផលិតផលនៅទីក្រុងប៉ារីស។ បច្ចុប្បន្នលោកជាស្ថាបនិក និងជានាយកប្រធាន (នាយកប្រតិបត្តិ) នៃក្រុមហ៊ុន នុត-ឌីស៊ាញ (Nouth-Design) នៅប្រទេសបារាំង និងនៅប្រទេសកម្ពុជា។ ទន្ទឹមនឹងនេះ លោកជានាយកប្រធានផ្នែករចនាគេហទំព័រ សម្រាប់ប្រព័ន្ធផ្សព្វផ្សាយអប្សរា មេឌា សឺវីស (Apsara Media Services)៕

ក្រុមការងារផ្សេងទៀត

ក្រោមការគ្រប់គ្រង និងត្រួតពិនិត្យដោយ លោក នុត រិទ្ធី

ទៅមើលអត្ថបទវិញ

ក្រុមការងារទៅលើការរចនាអត្ថបទ

Article
Designer

ក្រុមការងារផ្នែករចនាគេហទំព័រ

កញ្ញា តន គុន្ធា គឺជាអ្នករចនាក្រាហ្វិក បទពិសោធន៏១ឆ្នាំ។ បច្ចុប្បន្នគាត់ជាអ្នករចនានៅក្រុមហ៊ុន អប្សរា មេឌា សឺវីស ឯ.ក (Apsara Media Services Co., Ltd.)៕

រចនាដោយ កញ្ញា តន គុន្ធា

ប្រធានផ្នែករចនាគេហទំព័រ

ក្រុមការងារផ្សេងទៀត

ក្រោមការគ្រប់គ្រង និងត្រួតពិនិត្យដោយ លោក នុត រិទ្ធី

ទៅមើលអត្ថបទវិញ

ក្រុមការងារទៅលើការរចនាអត្ថបទ

Article
Designer

ក្រុមការងារផ្នែករចនាគេហទំព័រ

រចនាដោយ កញ្ញា តន គុន្ធា

ប្រធានផ្នែករចនាគេហទំព័រ

ក្រុមការងារផ្សេងទៀត

ក្រោមការគ្រប់គ្រង និងត្រួតពិនិត្យដោយ លោក នុត រិទ្ធី

ទៅមើលអត្ថបទវិញ

ក្រុមការងារទៅលើការរចនាអត្ថបទ

Article
Designer

រចនាដោយ កញ្ញា តន គុន្ធា

ក្រុមការងារផ្នែករចនាគេហទំព័រ

ក្រោមការគ្រប់គ្រង និងត្រួតពិនិត្យដោយ លោក នុត រិទ្ធី

ប្រធានផ្នែករចនាគេហទំព័រ

ក្រុមការងារផ្សេងទៀត

ទៅមើលអត្ថបទវិញ

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

ជួយអូនផង!!

ប្រាក់

ចុចទទួល

ឥឡូវនេះ!!

របាយការណ៍ថ្មី

មើលទាំងអស់ ➧

កម្មវិធីប្រកួតជជែកដេញដោលតស៊ូមតិជួយពង្រឹងសមត្ថភាពយុវជន ឆ្ពោះទៅកាន់គោលដៅការអប់រំពិតប្រាកដ

បទយកការណ៍, យុវជនឆ្នើម

• 19/04/2024

នារយៈពេលប៉ុន្មានឆ្នាំចុងក្រោយនេះ កម្មវិធីប្រកួតជជែកដេញដោលតស៊ូមតិរបស់យុវជន ឬសកម្មភាពប្រកួតជជែកដេញដោលតស៊ូកំពុងក្លាយជាវេទិកាប្រកួតជជែកចំណេះដឹងតាមរយៈសមរភូមិគំនិតដ៏ពេញនិយមសម្រាប់យុវជនកម្ពុជា ។

កីឡាកំពុងដើរតួជាទូតសន្តិភាព ភាតរភាព និងវឌ្ឍនភាពសង្គម

ចំណេះជីវិត, បទយកការណ៍

• 19/03/2024

“ដើមឬស” ជាឃុំមួយក្នុងស្រុកកណ្តាលស្ទឹង ខេត្តកណ្តាល ស្ថិតនៅភាគអាគ្នេយ៍ និងមានចម្ងាយប្រមាណ ...

សិប្បកម្មតម្បាញតជំនាន់របស់អ្នកភូមិក្បាលកោះកំពុងបង្អួតសម្រស់ និងរក្សាមុខរបរប្រពៃណី

ជំនាញ, បទយកការណ៍

• 16/02/2024

សីលធម៌ និងសុជីវធម៌ជាមូលដ្ឋានអប់រំចំណេះជីវិតសំខាន់សម្រាប់យុវជនកម្ពុជា

បទយកការណ៍, យុវជនឆ្នើម

• 19/01/2024

“រៀនបទរៀនបាទ កុំកោងហួសខ្នាត កុំភ្លាត់ខុសផ្លូវ កុំភ្លើនភ្លេចម៉ែ កុំប្រែហួសឪ ឃើញចាស់សក់ស្កូវ កុំសូវមើលងាយ ។ បន្ទន់អាត្មា ខ្លាចមេខ្លាចបា ខ្លាចតាខ្លាចយាយ បម្រើមហាក្សត្រ ប្រយ័ត្នស្ដេចទាយ ពាក្យពិតទំនាយ រលាយកេរ្ដិ៍ឈ្មោះ.....

គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 15/12/2023

មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...

ស្នាមញញឹមមណ្ឌលសុខភាពដើមឬស

ចំណេះជីវិត, បទយកការណ៍

• 17/11/2023

អ្នកស្រី ទីវ ចាន់ដេត ៖ ក្តីសុបិនពិតងាយឱ្យមនុស្សឆាប់សម្រេចគោលដៅជីវិត

ចំណេះជីវិត, បទយកការណ៍

• 20/10/2023

មនុស្សម្នាក់ៗអាចមានគោលដៅការងារ និងគោលដៅជីវិតផ្សេងៗគ្នា ។ សម្រេចគោលដៅការងារជារឿងងាយស្រួល ...

មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន

បទយកការណ៍, ព័ត៌មានជាតិ និងអន្តរជាតិ

• 15/09/2023

ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....

សុវត្ថិភាពអ៊ីនធឺណេតជះឥទ្ធិពលដល់សុវត្ថិភាពផ្ទាល់ខ្លួន និងការអប់រំរបស់កុមារ

បទយកការណ៍, អប់រំកុមារតូច

• 11/08/2023

ភ្នំពេញ - ខណៈបច្ចេកវិទ្យាឌីជីថលកំពុងក្លាយជាមធ្យោបាយជំនួយដ៏សំខាន់សម្រាប់ការសិក្សា និងការងារ បញ្ហាសុវត្ថិភាពផ្ទាល់ខ្លួន...

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហារូបករណ៍១០០%ចំនួន៨០កន្លែង សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 17/11/2023

វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....

ឱកាសអាហារូបករណ៍ថ្នាក់បរិញ្ញាបត្ររង៤០កន្លែងនៅវិទ្យាស្ថាន N-Tech International ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/03/2023

វិទ្យស្ថាន N-Tech International ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្ររងចំនួន៤០កន្លែង នៅប្រទេសថៃឆ្នាំសិក្សា២០២៣-២០២៤ ។...

អាហារូបករណ៍ថ្នាក់បរិញ្ញាបត្ររង និងបរិញ្ញាតបត្រ៥០កន្លែងនៅសាកលវិទ្យាស្ថានអភិវឌ្ឍន៍អាស៊ីសច្ចៈ

ព័ត៌មានអាហារូបករណ៍, ព្រឹត្តិការណ៍

• 01/02/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន១០កន្លែងពីរដ្ឋាភិបាលបារាំងសម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 16/01/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសបារាំងចំនួន១០កន្លែងពីរដ្ឋាភិបាលបារាំងឆ្នាំសិក្សា២០២៤ -២០២៥។ អាហារូបករណ៍ជាការផ្ដល់...

ឱកាសសិក្សាថ្នាក់ស្រាវជ្រាវ១២សប្ដាហ៍ពីកម្មវិធី Mitas Globalink Research Intership 2024

ព័ត៌មានអាហារូបករណ៍, ព្រឹត្តិការណ៍

• 25/08/2023

ឱកាសសិក្សាថ្នាក់ស្រាវជ្រាវចំនួន១២សប្ដាហ៍ពីកម្មវីធីMitas Globalink Research Intership 2024 នៅប្រទេសកាណាដាក្នុងឆ្នាំសិក្សា២០២៤ ។ អាហារូបករណ៍ផ្ដល់ឱ្យ...

វិទ្យាស្ថានពហុបច្ចេកទេសខេត្តព្រះវិហារផ្ដល់ការសិក្សាជំនាញបច្ចេកទេសឥតគិតថ្លៃចំនួន៩០កន្លែង

ព័ត៌មានអាហារូបករណ៍, ព្រឹត្តិការណ៍

• 07/03/2023

វិទ្យាស្ថានបពហុច្ចេកទេសខេត្តព្រះវិហារប្រកាសជ្រើសរើសសិក្ខាកាមចូលសិក្សាជំនាញបច្ចេកទេសចំនួន៩០កន្លែង ។ ជំនាញដែលវិទ្យាស្ថាន...

ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 13/06/2023

កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...

កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 27/01/2023

ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...