ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Victoria នៅប្រទេសនូវែលសេឡង់ក្រោមកម្មវិធីអាហារូបករណ៍ Wellington Doctoral Scholarship។ អាហារូបករណ៍ផ្ដល់ជូនចំនួន១១០កន្លែងសម្រាប់និស្សិតបរទេស រួមទាំងនិស្សិតកម្ពុជាផងដែរ ។
ជំនាញដែលអាហារូបករណ៍ផ្ដល់ជូនរួមមានថ្នាក់បណ្ឌិតផ្នែកស្ថាបត្យកម្ម, ផ្នែក Business and government, ការរចនា, ការអប់រំ, ផ្នែកវិស្វកម្ម, ផ្នែកសុខភាព, ផ្នែកមនុស្សធម៌, ផ្នែកច្បាប់, ផ្នែកតន្ត្រី, ផ្នែកបច្ចេកវិទ្យា និងផ្នែកវិទ្យាសាស្ត្រ ។ ការបើកទទួលពាក្យអាហារូបករណ៍មាន ៣វគ្គ ហើយនេះជាវគ្គចុងក្រោយសម្រាប់ឆ្នាំ២០២៣ ។
អត្ថប្រយោជន៍ដែលបេក្ខជនជ័យលាភីនឹងទទួលបានពីភាគីអាហារូបករណ៍រួមមាន ២៩,៥០០ដុល្លារដែលបូកបញ្ចូលទាំងថ្លៃសិក្សាក្នុងមួយឆ្នាំ(លក្ខខណ្ឌត្រូវបានអនុវត្តន៍) ។ បេក្ខជនអាចធ្វើការដាក់ពាក្យតាមរយៈ Online៖ https://www.wgtn.ac.nz/fgr ។
លក្ខខណ្ឌសម្រាប់បេក្ខជនដើម្បីស្នើពាក្យអាហារូបករណ៍រួមមាន ត្រូវស្នើពាក្យឱ្យបានមុនម៉ោង៤:៣០នាទីរសៀលថ្ងៃបិទទទួលពាក្យដែលមាន ឯកសារគាំទ្រ(រួមទាំងឯកសារយោង) រាល់ការស្នើពាក្យយឺត ឬមិនពេញលេញពាក្យស្នើសុំនឹងមិនត្រូវទទួលយកទេ ។ អាហារូបករណ៍ដែលបេក្ខជនទទួលបានមិនអាចពន្យារពេលសម្រាប់ការសិក្សានៅឆ្នាំបន្ទាប់បានឡើយ លើសពីនេះក្នុងករណីដែលបេក្ខជនបោះបង់ការសិក្សា ឬមានបំណងដកសិទ្ធការសិក្សាពាក់កណ្ដាលទីនឹងតម្រូវឱ្យសងត្រឡប់ផ្នែកខ្លះទៅកាន់អាហារូបករណ៍វិញ ។
ជាមួយគ្នានេះបេក្ខជននឹងមានឱកាសដើរតួជាឯកអគ្គរដ្ឋទូតសម្រាប់សាកលវិទ្យាល័យ Victoria University of Wellington ហើយចូលរួមក្នុងព្រឹត្តិការណ៍សមស្រប ឬទីផ្សារប្រសិនបើមានការស្នើសុំ និងឱកាសពិសេសផ្សេងៗទៀត ។
សម្រាប់ព័ត៌មានបន្ថែមអាចចូលទៅកាន់តំណភ្ជាប់៖ https://www.wgtn.ac.nz/scholarships/current/wellington-doctoral-scholarships?mibextid=uco1co/ ។ បើកទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែវិច្ឆិកា ឆ្នាំ២០២៣ ៕
