ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតបរទេស នៅក្នុងឆ្នាំសិក្សា២០២៣ ។ អាហារូបករណ៍នេះ ជាការផ្ដល់តាមរយៈរដ្ឋាភិបាលចិន និង One and Belt Road សិក្សាសាកលវិទ្យាល័យ Northwest នៃប្រទេសចិន ។
អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ និងវគ្គសិក្សាខ្លីជាច្រើនកន្លែង រួមជាមួយអាហារូបករណ៍៤០កន្លែងសម្រាប់ថ្នាក់បរិញ្ញាបត្រជាន់ខ្ពស់ និង៤៥កន្លែងសម្រាប់ថ្នាក់បណ្ឌិត ។ និស្សិតស្នើសុំអាហារូបករណ៍គួរតែជាអ្នកស្នើសិក្សាផ្នែកសុខភាពវេជ្ជសាស្រ្ត និងមិនធ្លាប់ទទួលបានអាហារូបករណ៍កន្លងមក ។
ដើម្បីស្នើពាក្យអាហារូបករណ៍បេក្ខជនអាចធ្វើការដាក់ពាក្យតាមរយៈតំណភ្ជាប់ https://nwu.17gz.org/ និងផ្ញើឯកសារបញ្ជាក់ការសិក្សាផ្សេងៗតាមរយៈ tonwu@nwu.edu.cn ។ បេក្ខជនដែលជ្រើសរើសនឹងទទួលបានឈ្មោះក្នុងវគ្គ Shortlist ដែលផ្ដល់ដំណឹងដោយសាកលវិទ្យាល័យតាមរយៈ Email ក្រោយភាគីសាកលវិទ្យាល័យធ្វើការវាយតម្លៃ ។
បេក្ខជនដែលមានបំណងស្នើអាហារូបករណ៍តម្រូវឱ្យមានលិខិត និងឯកសារចាំបាច់មួយចំនួនដូចជា ទម្រង់ពាក្យសុំដែលមានហត្ថលេខា លិខិតឆ្លងដែនថតចម្លង លិខិតអនុសាសន៍ចំនួន២ច្បាប់ របាយការណ៍ផ្ទាល់ខ្លួន ។ លើសពីនេះរាល់ឯកសារទាំងអស់ត្រូវមាន notarized ពីស្ថាប័ន ឬគ្រឹះស្ថានសិក្សា និងមានលិខិតការពិនិត្យរាងកាយសម្រាប់ទៅក្រៅប្រទេស ។
បេក្ខជនដែលទទួលបានអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សាពេញថ្លៃ ប្រាក់ខែប្រចាំខែ ស្នាក់នៅអន្តេវាសិកដ្ឋាននិស្សិត និងការសិក្សាភាសាចិនរយៈពេលមួយឆ្នាំ ជាមួយប្រាក់ប្រចាំឆ្នាំ ។ និស្សិតថ្នាក់បរិញ្ញាបត្រនឹងទទួលបានទឹកប្រាក់ ១៥០០០RMBក្នុងមួយឆ្នាំ ថ្នាក់បរិញ្ញាបត្រជាន់ខ្ពស់ ២០០០០RMB ក្នុងមួយឆ្នាំ និងថ្នាក់បណ្ឌិត ២៥០០០RMBក្នុងមួយឆ្នាំ ។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://allapkpuree.com/belt-and-road-scholarship-china-northwest-university-scholarships/ ។ ចាប់ទទួលពាក្យពីថ្ងៃផ្សាយដំណឹងរហូតដល់ទី៣០ ខែមិថុនា ឆ្នាំ២០២៣ ៕
