ឱកាសសិក្សាអាហារូបករណ៍វគ្គខ្លីតាមរយៈ Online និងសិក្សាផ្ទាល់នៅសាកលវិទ្យាល័យ Auckland នៃប្រទេសនូវែលសេឡង់សម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនសម្រាប់សាធារណៈជន និងមន្ត្រីរាជការកម្ពុជាទាំងអស់ដែលមានចំណាប់អារម្មណ៍ក្នុងការសិក្សានេះ ។

វគ្កសិក្សាខ្លីដែលអាហារូបករណ៍ផ្ដល់ជូនត្រូវបានបែងចែកថ្ងៃទទួលពាក្យ និងការសិក្សាដូចជា៖ 

– ការសិក្សាវគ្គខ្លីផ្នែក ការគ្រប់គ្រងគម្រោងថាមពលកម្តៅផែនដី (Geothermal Energy Project Management) ជាកម្មវិធីសិក្សាដោយផ្ទាល់នៅប្រទេសនូវែលសេឡង់ ពីថ្ងៃទី៨ ខែមេសា ដល់ថ្ងៃទី០៥ ខែឧសភា ឆ្នាំ២០២៤ ។ ផុតកំណត់ទទួលពាក្យថ្ងៃទី២៩ ខែកញ្ញា ឆ្នាំ២០២៣ ។

– ការសិក្សាវគ្គខ្លីផ្នែក អភិបាលកិច្ច​ល្អ (Good Governance) ជាកម្មវិធីសិក្សាតាម Online ពីថ្ងៃទី២៧ ខែវិច្ឆិកា ដល់ថ្ងៃទី២២ ខែធ្នូ ឆ្នាំ២០២៣ ។ ផុតកំណត់ទទួលពាក្យថ្ងៃទី២៩ ខែកញ្ញា ឆ្នាំ២០២៣ ។

– ការសិក្សាវគ្គខ្លីផ្នែក ពាណិជ្ជកម្ម (Trade) ជាកម្មវិធីសិក្សាតាមOnline ពីថ្ងៃទី០៥ ខែកុម្ភៈ ដល់ថ្ងៃទី០៨ ខែមីនា ឆ្នាំ២០២៤ ។ ផុតកំណត់ទទួលពាក្យថ្ងៃទី២៩ ខែកញ្ញា ឆ្នាំ២០២៣ ។

– ការសិក្សាវគ្គខ្លីផ្នែកខ្សែសង្វាក់តម្លៃអាហារ និងកសិពាណិជ្ជកម្ម (Food and Agribusiness Value Chains) ការសិក្សាដោយផ្ទាល់នៅប្រទេសនូវែលសេឡង់ ពីថ្ងៃទី០៦ ខែឧសភា ដល់ថ្ងៃទី២២ ខែឧសភា ឆ្នាំ២០២៤ ។ ទទួលពាក្យស្នើសុំថ្ងៃទី០៩ ខែមករា រហូតដល់ថ្ងៃទី០២ ខែកុម្ភៈ ឆ្នាំ២០២៤ ។

– ការសិក្សាវគ្គ ការគ្រប់គ្រងសុខភាពសាធារណៈ (Public Health Management) ការសិក្សាតាមរយៈOnline ចាប់ពីថ្ងៃទី២៧ ខែឧសភា ដល់ថ្ងៃទី១៧ ខែមិថុនា ឆ្នាំ២០២៤ ។ ទទួលពាក្យពីថ្ងៃទី០៦ ខែកុម្ភៈ ដល់ថ្ងៃទី០១ ខែមីនា ឆ្នាំ២០២៤ ។

បេក្ខជនដែលមានចំណាប់អារម្មណ៍សិក្សាវគ្គខ្លីនេះ ជាពលរដ្ឋពីប្រទេសអាស៊ាន មានបទពិសោធន៍ការងារយ៉ាងតិច៥ឆ្នាំក្នុងវិស័យពាក់ព័ន្ធខាងលើសម្រាប់វគ្គសិក្សានីមួយៗ ។ មានអាយុចាប់ពី១៨ឆ្នាំឡើងទៅ បម្រើការងារក្រៅពីជួរយោធា និងតម្រូវការភាសាអង់គ្លេស (តេស្តភាសាអង់គ្លេសអន្តរជាតិIELTS ឬតេស្តភាសាអង់គ្លេសជាភាសាបរទេសTOEFL)។បេក្ខជនអាចស្នើពាក្យបានតាមរយៈ http://skillsconsultinggroup.com/manaaki-new-zealand…/ ។ សម្រាប់ព័ត៌មានលម្អិតអាចចូលទៅកាន់តំណភ្ជាប់ https://skillsconsultinggroup.com/manaaki-new-zealand-short-term-training-scholarships/ ៕