ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចនារី មានប្រសាសន៍ថា រាជរដ្ឋាភិបាលកម្ពុជា បានចាត់ទុកស្រ្តីជាឆ្អឹងខ្នងនៃការអភិវឌ្ឍន៍សង្គម និងសេដ្ឋកិច្ច ខណៈផែនការយុទ្ធសាស្រ្តនារីរតនៈកំពុងប្រែក្លាយស្រ្តីកម្ពុជាឱ្យទៅជាត្បូងដ៏មានតម្លៃ និងជាធនធានដ៏មានសក្តានុពលខ្ពស់នៅក្នុងសង្គម ។ លោកជំទាវកិត្តិបណ្ឌិតបានលើកឡើងដូចនេះ នៅក្នុងសិក្ខាសាលាផ្សព្វផ្សាយនិងដំណើរការគម្រោងថ្នាក់តំបន់ស្តីពីការបញ្ជ្រាបយេនឌ័រក្នុងសកម្មភាពអាកាសធាតុ កាលពីចុងសប្តាហ៍កន្លងទៅនេះ ។
លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី មានប្រសាសន៍ថា ៖
“ស្ថិតនៅក្នុងក្របខណ្ឌគោលនយោបាយនិងកម្មវិធីជាតិរបស់កម្ពុជា រាជរដ្ឋាភិបាល បានចាត់ទុកស្រ្តីជាឆ្អឹងខ្នងនៃសេដ្ឋកិច្ច និងសង្គមជាតិ ហើយការអនុវត្តផែនការយុទ្ធសាស្រ្តនារីរតនៈកំពុងប្រែក្លាយស្រ្តីឱ្យទៅជាត្បូងដ៏មានតម្លៃ និងជាធនធានដ៏មានសក្តានុពលខ្ពស់នៅក្នុងសង្គម…”។
ជាមួយគ្នានេះ ទាក់ទងនឹងការបញ្ជ្រាបយេនឌ័រក្នុងសកម្មភាពអាកាសធាតុវិញ លោកជំទាវកិត្តិបណ្ឌិតរដ្ឋមន្ត្រី បានចាត់ទុកការយកចិត្តទុកដាក់ចំពោះស្រី្តក្នុងចំណោមប្រជាពលរដ្ឋក្រីក្រនៅជនបទ ជាការកសាងសមត្ថមភាពរបស់ស្ត្រីដើម្បីពង្រឹងភាពធន់ការប្រែប្រួលអាកាសធាតុ ។ លោកជំទាវបានបន្តថា ភាគច្រើនស្រ្តីជាក្រុមងាយរងគ្រោះបំផុតពីផលប៉ះពាល់នៃការប្រែប្រួលអាកាសធាតុ ដោយសារតែពួកគាត់ពឹងផ្អែកជាខ្លាំងលើកសិកម្ម និងធនធានធម្មជាតិ ។ ក្រុមងាយទទួលរងគ្រោះនេះ ត្រូវការសកម្មភាពបន្សាំនឹងផលប៉ះពាល់នៃការប្រែប្រួលអាកាសធាតុ ដើម្បីបង្ការខ្លួនទប់ទល់នឹងហានិភ័យអាកាសធាតុ ។
គួរបញ្ជាក់ថា គម្រោងថ្នាក់តំបន់ស្តីពីការបញ្ជ្រាបយេនឌ័រក្នុងសកម្មភាពអាកាសធាតុ ទទួលបានការគាំទ្រតាមរយៈមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ។ គម្រោងនេះនឹងចូលរួមចំណែកពង្រឹងលទ្ធភាព និងសមត្ថភាពបន្ស៊ាំ និងធន់របស់ស្រ្តីក្រីក្រនៅតាមជនបទ តាមរយៈការដាក់ចេញវិធាន និងមធ្យោបាយបង្កើនភាពអង់អាចផ្នែកសេដ្ឋកិច្ច និងលើកកម្ពស់គុណភាពនៃទឹកស្អាតនិងអនាម័យ ដើម្បីឈានទៅលើកកម្ពស់ជីវភាពរស់នៅរបស់ស្រ្តី និងគ្រួសារនៅក្នុងតំបន់មេគង្គ-ឡានឆាងប្រកបដោយចីរភាព និងបរិយាប័ន្ន ដោយតភ្ជាប់គ្នានៅក្នុងតំបន់ ៕
