គម្រោង «ទំនើបកម្មប្រព័ន្ធអប់រំ បណ្ដុះបណ្ដាលបច្ចេកទេស និងវិជ្ជាជីវៈ»

មណ្ឌលគិរី – មជ្ឈមណ្ឌលបណ្ដុះបណ្ដាលវិជ្ជាជីៈខេត្តមណ្ឌលគិរី បានប្រកាសផ្តល់អាហារូបករណ៍បណ្តុះបណ្តាលវិជ្ជាជីវៈចំនួន៩០កន្លែងសម្រាប់យុវជន ក៏ដូចជាប្រជាពលរដ្ឋរស់នៅក្នុងខេត្តមណ្ឌលគិរី។ អាហារូបករណ៍នេះ ស្ថិតក្រោមគម្រោង «ទំនើបកម្មប្រព័ន្ធអប់រំ បណ្ដុះបណ្ដាលបច្ចេកទេស និងវិជ្ជាជីវៈ» ។

បើតាមសេចក្តីជូនដំណឹងរបស់មជ្ឈមណ្ឌលបណ្តុះបណ្តាលវិជ្ជាជីវៈខេត្តមណ្ឌលគិរី វគ្គបណ្ដុះបណ្ដាលនេះនឹងផ្ដល់ឱ្យសិក្សាជំនាញវិជ្ជាជីវៈចំនួន៤ រួមមាន ការដំឡើងបណ្ដាញអគ្គិសនីក្នុងអគារ ចំនួន១៥នាក់, ការផ្សារអគ្គិសនី ១៥នាក់, ការថែទាំ និងជួសជុលម៉ូតូ ៣០នាក់ និងសេវាកម្មកុំព្យូទ័រ ៣០នាក់ ។ ការសិក្សាមានរយៈពេលខ្លីគិតចាប់ពីថ្ងៃទី២០ ខែមិថុនា ឆ្នាំ២០២២ ដល់ថ្ងៃទី២០ខែតុលា ឆ្នាំ២០២២ ។

អាហារូបករណ៍នេះផ្ដល់ជូនសម្រាប់ យុវជន យុវនារីដែលមានអាយុចាប់ពី១៥ឆ្នាំឡើង កម្មករ កម្មការិនី ដែលបាត់បងការងារ ដោយមានអាយុចាប់ពី១៥ឆ្នាំ ដល់៤០ឆ្នាំ ។ ជាពិសេសគ្រួសារអតីតយុវជន និងបងប្អូនជនជាតិដើមភាគតិច សិស្សបោះបង់ការសិក្សា ស្ត្រីមេម៉ាយ និងក្មេងកំព្រាជាដើម ។

បងប្អូនដែលមានចំណាប់អារម្មណ៍អាចទៅទទួលពាក្យសុំចូលរៀននៅទីតាំងនៃមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ដែលមានអាស័យដ្ឋានភូមិជ្រៃសែន សង្កាត់សែនមនោរម្យ ក្រុងសែនមនោរម្យ ខេត្តមណ្ឌលគិរី រៀងរាល់ម៉ោងធ្វើការ ចាប់ពីថ្ងៃច័ន្ទ ដល់ថ្ងៃសុក្រ ។

សម្រាប់ព័ត៌មានបន្ថែមអាចទាក់ទងទៅលេខទូរស័ព្ទ ០៨៨ ៦២៤ ០៦ ២២ / ០១០ ៥០ ៩៩ ៦២ / ០១២ ៣១ ៣៣ ៦២ / ០៩២ ៣៥ ៥៦ ២៣ / ០៩៧ ៧៩៦ ៦៦ ៥៣ / ០៩៧ ៧២ ៥៩ ៣៥៨ ឬតាមរយៈគេហទំព័រផ្លូវការ Facebook: មជ្ឈមណ្ឌលបណ្ដុះបណ្ដាលវិជ្ជាជិវៈខេត្តមណ្ឌលគិរី ។ ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី២០ ខែមិថុនា ឆ្នាំ២០២២ ៕