ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិវិជ្ជាជីវៈខេត្តបាត់ដំបង បានប្រកាសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលមានបំណងចង់រៀនជំនាញវិជ្ជាជីវៈ ឱ្យប្រញាប់ចុះឈ្មោះចូលរៀន ដោយក្នុងឆ្នាំ២០២៣-២០២៤នេះ វិទ្យាស្ថានជ្រើសរើសសិក្ខាកាមរហូតដល់ ៣៦០នាក់ ឱ្យសិក្សាដោយឥតគិតថ្លៃ សម្រាប់កម្រិតសញ្ញាបត្របច្ចេកទេស និងវិជ្ជាជីវៈ១។
ជំនាញដែលផ្តល់ជូនរួមមាន ៖ ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត, សេវាកម្មរដ្ឋបាល, សេវាកម្មសម្អាងកាយ, ការផ្សារអគ្គិសនី, ការងារកំបោរ, ការដំឡើងបណ្តាញបំពង់ទឹក, ការផលិតនំ, ការដាំ ថែទាំ និងប្រមូលផលដំណាំស្វាយកែវរមៀត, ការចិញ្ចឹម និងថែទាំត្រីប្រា, ការកែច្នៃបន្លែ និងផ្លែឈើ។
លក្ខខណ្ឌចូលរៀន ៖ ក. ក្រុមគោលដៅអាទិភាពទី១ ទទួលបានការបណ្តុះបណ្តាល និងប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយខែ សិក្សាពេញម៉ោង ៖ យុវជនមកពីគ្រួសារក្រីក្រ មានប័ណ្ណក្រ១, ក្រ២, យុវជនមកពីគ្រួសារងាយរងហានិភ័យមាន បណ្ណសំគាល់គ្រួសារងាយរងហានិភ័យ។ ខ. ក្រុមគោលដៅអាទិភាពទី២ ទទួលបានការបណ្តុះបណ្តាល តែមិនទទួលបានប្រាក់ឧបត្ថម្ភប្រចាំខែ ៖ យុវជនមកពីគ្រួសារដែលសមាជិកមាន បណ្ណសំគាល់មានពិការភាព, យុវជនមកពីគ្រួសារដែលមានសមាជិកមាន បណ្ណមូលនិធិសមធម៌សុខាភិបាល, យុវជនដែលឧទ្ទេសនាមដោយ រដ្ឋបាលរាជធានី ខេត្ត ក្រុង ស្រុក ខណ្ឌ។
ការចែក និងទទួលពាក្យចាប់ពីថ្ងៃជូនដំណឹងនេះតទៅ ហើយកាលបរិច្ឆេទចូលរៀន នៅថ្ងៃទី១ ខែឧសភា ឆ្នាំ២០២៤។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថានដែលស្ថិតនៅផ្លូវជាតិលេខ៥៧ ភូមិអណ្តូងព្រីង សង្កាត់អូរម៉ាល់ ក្រុងបាត់ដំបង ខេត្តបាត់ដំបង (ខាងលិចរង្វង់មូលនាងរំសាយសក់ចំងាយ ១៥០០ម៉ែត្រ) ឬទំនាក់ទំនងតាមទូរស័ព្ទលេខ 086 403 104 / 012 396 911៕
