ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាជំនាញបច្ចេកទេស និងវិជ្ជាជីវៈដោយឥតគិតថ្លៃនៅវិទ្យាស្ថានពហុបច្ចេកទេសកំពង់ធំ ចំនួន៥១០នាក់ ដល់យុវជន យុវតី សិស្ស និស្សិត និងសាធារណជនដែលមកពីគ្រួសារក្រីក្រ និងគ្រួសារងាយរងហានិភ័យ។
អាហារូបករណ៍ផ្ដល់ជំនាញសិក្សាដូចជា ជំនាញសិក្សាដែលមានរយៈពេល៤ខែ មានវេនសិក្សាច័ន្ទ-សុក្រ (ព្រឹក-ល្ងាច) រួមមាន ៖ ការងារកំបោរ ៣០នាក់, ការដំឡើងបណ្ដាញអគ្គិសនីក្នុងអគារ ៣០នាក់, ការផ្សារអគ្គិសនី (ផ្សារដែក) ៣០នាក់, ការថែទាំ និងជួសជុលរថយន្ត ៣០នាក់, សេវាកម្មបរិក្ខាត្រជាក់ក្នុងគេហដ្ឋាន ៣០នាក់, ការកែច្នៃបន្លែ និងផ្លែឈើ ៣០នាក់, ការដាំ ថែទាំ និងប្រមូលផលស្វាយចន្ទី ៣០នាក់, សេវាកម្មកុំព្យូទ័រ ៣០នាក់, សេវាកម្មម៉ាឃីតធីង (ទីផ្សារ) ៣០នាក់។
សម្រាប់ជំនាញសិក្សាមានរយៈពេល៨ខែដែលមានវេនសិក្សាច័ន្ទ-សុក្រ (ពេលយប់) រួមមាន៖ ការដំឡើងបណ្ដាញអគ្គិសនីក្នុងអគារ ៣០នាក់, ការផ្សារអគ្គិសនី (ផ្សារដែក) ៣០នាក់, ការថែទាំ និងជួសជុលរថយន្ត ៣០នាក់, សេវាកម្មបរិក្ខាត្រជាក់ក្នុងគេហដ្ឋាន ៣០នាក់, ការកែច្នៃបន្លែ និងផ្លែឈើ ៣០នាក់, សេវាកម្មម៉ាឃីតធីង (ទីផ្សារ) ៣០នាក់។ ជាមួយគ្នានេះសម្រាប់ជំនាញសិក្សាមានរយៈពេល១០ខែ ដែលមានវេនសិក្សាសៅរ៍-អាទិត្យ(ព្រឹក-ល្ងាច) រួមមាន៖ ការដំឡើងបណ្ដាញអគ្គិសនីក្នុងអគារ ៣០នាក់ និង ការកែច្នៃបន្លែ និងផ្លែឈើ ៣០នាក់។
លក្ខខណ្ឌបេក្ខជនអាចចូលសិក្សាត្រូវមានអាយុចាប់ពី១៥ឆ្នាំឡើងទៅ មានប័ណ្ណសមធម៌ ឬប័ណ្ណសម្គាល់គ្រួសារងាយរងហានិភ័យ ។ បេក្ខជននឹងទទួលបានអត្ថប្រយោជន៍ពីអាហារូបករណ៍ដូចជា ការសិក្សាដោយឥតគិតថ្លៃ ប្រាក់ឧបត្ថម្ភប្រចាំខែចំនួន២៨ម៉ឺនរៀលក្នុងមួយខែ (សិក្សាពេញម៉ោង) ទទួលបានការផ្ដល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ ទទួលបានកន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន។ ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា លើសពីនេះទទួលបានជំនាញមួយពិតប្រាកដដែលទីផ្សារការងារកំពុងត្រូវការ និងទទួលបានឱកាសការងារធ្វើសមរម្យ និងចំណូលទៀងទាត់។
បេក្ខជនដែលមានចំណាប់អារម្មណ៍សិក្សាអាចធ្វើការដាក់ពាក្យដោយផ្ទាល់នៅវិទ្យាស្ថានបច្ចេកទេសខេត្តកំពង់ធំ ដែលមានទីតាំងទល់វិទ្យាល័យកំពង់ធំ ក្រោយបុរីកុមារកំព្រាខេត្តកំពង់ធំ ឬអាចចុះឈ្មោះតាមរយៈគេហទំព័រ៖ https://scholarship.tvet.gov.kh/home ។ បេក្ខជនក៏អាចទំនាក់ទំនងទៅកាន់លេខ៖ ០១២ ៩២៦ ២៣២/ ០១៥ ៦៦៦ ១៥៥/ ០៣១ ៦៦៦៦ ១៥៥/ ០៩៦ ៩៤៣២ ៧៩៦/ ០១៧ ៩០១ ៦១៦/ ០១២ ២៣៩ ៨៧៦/ ០១៧ ៣២១ ៤៤៤/ ០៩៧ ៩៩៨៨ ៥៦១/ ០៧៦ ៦៦៨៨ ៣៣៣/ ០១២ ៦៣១ ៤០០/ ០៩០ ៧៩៩ ០៩២។
ចាប់ទទួលពាក្យពីថ្ងៃផ្សាយដំណឹងនេះរហូតគ្រប់ចំនួនកំណត់។ ចូលរៀនថ្ងៃទី០១ ខែធ្នូ ឆ្នាំ២០២៣៕
