ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវជន យុវនារី កម្មករ កម្មការិនី ដែលបាត់បង់ឱកាសការងារនៅតាមរោងចក្រ សហគ្រាសនានា និងគ្មានការងារធ្វើ, ពេលនេះ វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាមចំនួន ៩០នាក់ ដើម្បីចូលរៀនជំនាញជួសជុល និងតម្លើងបរិក្ខាត្រជាក់ និងការតម្លើងកាមេរ៉ាសុវត្ថិភាព ដោយឥតគិតថ្លៃ។
បើតាមការបញ្ជាក់របស់វិទ្យាស្ថានពហុបច្ចេកទេសភូមិភាគតេជោសែនស្វាយរៀង សម្រាប់ជំនាញ ជួសជុល និងតម្លើងបរិក្ខាត្រជាក់ ត្រូវការសិក្ខាកាមចំនួន៦០នាក់ ដោយសិក្សារយៈពេល៤ខែ ចាប់ពីថ្ងៃទី២១ ខែសីហា ដល់ថ្ងៃទី២១ ខែធ្នូ ឆ្នាំ២០២៣។ ដោយឡែកជំនាញតម្លើងកាម៉េរ៉ាសុវត្ថិភាព ត្រូវការសិក្ខាកាមចំនួន ៣០នាក់ ដោយធ្វើការសិក្សារយៈពេល៤ខែដូចគ្នា។
សម្រាប់លក្ខខណ្ឌនៃការជ្រើសរើស យុវជន យុវនារី មានអាយុចាប់ពី១៦ឆ្នាំ ដល់៣០ឆ្នាំ, ជាសិស្សក្រីក្រ ក្នុងនោះសិស្សនារីត្រូវបានលើកទឹកចិត្ត។
អត្ថប្រយោជន៍ដែលទទួលបានរួមមាន ៖ កន្លែងស្នាក់នៅ, ផ្តល់ប្រាក់ឧបត្ថម្ភចំនួន ៦០ដុល្លារក្នុងមួយខែ និងជួយស្វែងរកការងារឱ្យនៅពេលបញ្ចប់ការសិក្សា។
កាលបរិច្ឆេទ នៃការទទួលចុះឈ្មោះ គឺចាប់ពីពេលនេះតទៅ ហើយសម្រាប់ព័ត៌មានលម្អិត សូមទំនាក់ទំនងផ្ទាល់ទៅកាន់វិទ្យាស្ថានពហុបច្ចេកទេសភូមិភាគតេជោសែនស្វាយរៀង ដែលមានទីតាំងនៅខាងលិចស្រះវង់ ចម្ងាយ២០ម៉ែត្រ ឬទំនាក់ទំនងតាមទូរស័ព្ទ 089 43 66 93៕
