កញ្ញា សេង ហ្គេកលី ចែករំលែកបទពិសោធន៍ដើម្បីក្លាយជាអ្នកនិពន្ធសៀវភៅ

មនុស្ស​ភាគច្រើន​ពិតជាបានស្គាល់​ កញ្ញា សេង ហ្គេកលី តាមរយៈមាតិកា​នៅ​លើ​បណ្តាញ​សង្គម ដែល​គាត់ធ្វើ​ផ្តោត​អំពី​ការ​លើកទឹកចិត្ត និង​ការ​អភិវឌ្ឍ​សមត្ថភាព​យុវជន ។ តាមពិតទៅ ហ្គេកលី មិន​មែន​ត្រឹម​តែជាអ្នក​ផលិតមាតិកា​នៅ​លើ​បណ្តាញ​សង្គម​នោះ​ទេ នាងក៏​ជាអ្នក​និពន្ធសៀវភៅ​ដែល​ទទួលបានការ​ចាប់អារម្មណ៍​ផងដែរ ដោយ​កន្លងមកស្នាដៃរបស់នាងចំនួន៣ត្រូវ​បាន​បោះពុម្ពផ្សាយ ដូចជា កូនសិស្ស​ជីវិតភាគ១ ភាគ២ និង​ភាគ៣ ហើយ​ពេលនេះ នាង​កំពុង​ត្រៀម​ចេញផ្សាយ​នូវ​ស្នាដៃទី៤ ដែលជា​ប្រភេទសៀវភៅអភិវឌ្ឍខ្លួន។ តើមានមូលហេតុអ្វី បានជា ហ្គេកលី ក្លាយ​ខ្លួន​ជាអ្នក​និពន្ធ?

តាមពិតទៅ កញ្ញា សេង ហ្គេកលី មានស្រុក​កំណើត​នៅ​ខេត្តកំពង់ចាម នាងបានបន្តការ​សិក្សា​នៅទីក្រុង​ភ្នំពេញក្នុងឆ្នាំ២០០៨ នៅសាលាប៊ែលធីអន្តរជាតិ។ នៅឆ្នាំ២០១៥ នាងបានបញ្ចប់ថ្នាក់មធ្យមសិក្សាទុតិយភូមិ ហើយ​ក៏​បន្តរៀនជំនាញគណនេយ្យ និងធ្វើការក្រៅម៉ោងជាជំនួយការគណនេយ្យ ។ ប៉ុន្តែក្រោយ​មក​នាងក៏​បាន​ឈប់រៀនជំនាញគណនេយ្យ ហើយក៏បានប្រឡងចូលរៀន​ជំនាញគីមីចំណីអាហារនៅវិទ្យាស្ថានបច្ចេកវិទ្យាកម្ពុជា ឬសាលាតិចណូវិញ ព្រោះតែគិតថា នាងពូកែគីមីតាំងពីក្មេងមក និងគិតថា ការរៀន​ជំនាញ​មួយ​នវនឹងទទួលបានលទ្ធផលល្អ ។ ប៉ុន្តែយ៉ាងណាក៏ដោយ នាង​បានបោះបង់​ជំនាញគីមីចំណីអាហារ​នោះចោល ហើយ​ចាប់ផ្តើម​ធ្វើ​ជាអ្នក​និពន្ធសៀវភៅវិញ ក្រោយ​ដឹងថា នេះជាអ្វីដែលនាងចូលចិត្ត ហើយពេលនេះ នាង​កំពុង​បន្ត​ការ​សិក្សាថ្នាក់បរិញ្ញាបត្រ​ផ្នែកចិត្វវិទ្យាផងដែរ។

កញ្ញា សេង ហ្គេកលី

“បទពិសោធន៍ជ្រើសរើសអ្វីមួយ មិនបានស្វែងយល់ឱ្យច្បាស់ បណ្តាលឱ្យខ្ញុំ ចាប់ផ្ដើមបាត់បង់ភាពជាខ្លួនឯង ដោយសារអ្វីដែលកំពុងធ្វើ មិនមែនជាអ្វីដែលខ្លួនឯងស្រលាញ់។ ប៉ុន្តែ ក្រោយពីការឈប់រៀន ខ្ញុំព្យាយាមចំណាយពេលចូលសិក្ខាសាលាស្ដាប់គេចែករំលែកបទពិសោធន៍ និងចំណាយពេលអានឱ្យច្រើនជាងមុន”

កត្តាដែលជំរុញឱ្យ កញ្ញា សេង ហ្គេកលី ក្លាយជាអ្នកនិពន្ធ ដំបូងឡើយគឺនាងគ្រាន់តែគិតថា ប្រហែលជាមានយុវជនផ្សេងៗទៀត មានបញ្ហាដូចជានាងដែរ ហើយមិនដឹងថា គួរទៅនិយាយប្រាប់នរណា។ ហ្គេកលី សង្ឃឹមថា បើប្រិយមិត្តបានអានសៀវភៅដែលនាងសរសេរ វាអាចជាកត្តាធ្វើឱ្យពួកគាត់បានធូរស្រាលនៅក្នុងចិត្ត។ ទាំងនេះហើយជាគោលបំណងដែលនាងសរសេរកន្លងមក។ កញ្ញា ហ្គេកលី បានយកគោលគំនិតមកសរសេរទុក រៀងរាល់ពេលដែលមិនសប្បាយចិត្ត បន្ទាប់មកក៏យកខ្លឹមសារដែលបានសរសេរ យកមកអានម្តងទៀត ។

កញ្ញា សេង ហ្គេកលី

“ខ្ញុំចាប់ផ្ដើមសរសេរជាកំណត់ហេតុ ដើម្បីលើកទឹកចិត្តខ្លួនឯង និងចែករំលែកឱ្យអ្នកផ្សេងទៀតបានអាន។ ប៉ុន្តែអ្នកដែលបានអានក៏ចាប់អារម្មណ៍ និងជំរុញទឹកចិត្តឱ្យបោះពុម្ពផ្សាយជាស្នាដៃសៀវភៅ”

អ្នកនិពន្ធរូបនេះបន្ថែមថា ការចាប់អាជីពជាអ្នកនិពន្ធនៅគ្រាដំបូង នាងមិនទទួលបានការគាំទ្រពីអ្នកជុំវិញខ្លួននោះទេ ជាពិសេស សមាជិកគ្រួសារនាងផ្ទាល់តែម្តង ដោយហេតុពួកគាត់យល់ថា ការងារនេះ វាពុំអាចផ្គត់ផ្គង់ជីវភាពក្នុងការរស់នៅបានល្អទេ ព្រោះវាពុំមានចំណូលទៀងទាត់។ ប៉ុន្តែ ហ្គេកលី នៅតែបន្តដើរតាមក្ដីស្រមៃរបស់នាង ថែមទាំងបង្ហាញឱ្យឃើញថា អ្វីដែលពួកគាត់បានហាមប្រាម មិនអាចឆ្លុះបញ្ចាំងពីការពិតបានទាំងស្រុងនោះទេ ។ កញ្ញា ហ្គេកលី នៅតែមានគំនិតសុទិដ្ឋិនិយមថា ទោះជាការងារតែងនិពន្ធក្ដី ឬការផលិតវីដេអូក្ដី គឺគង់តែអាចផ្តល់នូវចំណូលមួយ ដែលអាចផ្គត់ផ្គង់ខ្លួនឯងបាន ឱ្យតែយើងមានចិត្តស្រឡាញ់វាពិតប្រាកដ។

កញ្ញា សេង ហ្គេកលី

“ខ្ញុំសប្បាយចិត្ត នៅពេលអ្វីដែលខ្ញុំស្រឡាញ់ចូលចិត្ត ខ្ញុំធ្វើទៅហើយបានជួយអ្នកដទៃ ព្រោះខ្ញុំទទួលបានសារ មិនថា តាមរយៈគេហទំព័រ ឬក៏ជួបផ្ទាល់ទេគឺពួកគាត់តែងតែអរគុណដែលបានធ្វើវីដេអូ ឬក៏សៀវភៅ ហើយថែមទាំងបានជួយផ្លាស់ប្តូរជីវិត ហើយវីដអូរបស់ខ្ញុំបានជួយលើកទឹកចិត្តទៅកាន់ពួកគាត់”

កញ្ញា សេង ហ្គេកលី រំលេចបន្ថែមថា យោងតាមបទពិសោធន៍នាង ដើម្បីអាចចាប់ផ្តើមការនិពន្ធបាន គឺទាល់តែយើង គឺជាអ្នកអានជាមុនសិន ព្រោះបើយើងមិនអានទេ នោះយើងក៏គ្មានគោលគំនិតក្នុងការសរសេរដែរ ។ សម្រាប់ការតែងនិពន្ធវាទាមទារ ឱ្យយើងមានចំណេះដឹងច្រើន និងព្យាយាមស្វែងរកអត្តសញ្ញាណរបស់ខ្លួនឯង ដូចជារកឱ្យឃើញថា តើមានអ្វីខ្លះដែលយើងចង់ប្រាប់ទៅកាន់អ្នកអាន? សម្រាប់កញ្ញា ហ្គេកលី គឺតែងតែលើកយករឿងពិត ដើម្បីយកមកសរសេរជាឧទារហណ៍មកភ្ជាប់ ដែលធ្វើឱ្យអ្នកអានសៀវភៅងាយយល់ និងជក់ចិត្តក្នុងការអាន ដែលទាំងនេះហើយជាវិធីផ្ទាល់ខ្លួនរបស់នាង និងជាអត្ដសញ្ញាណរបស់ផងដែរ។

កញ្ញា សេង ហ្គេកលី

“ដើម្បីឱ្យចេះសរសេរ ខ្ញុំគិតថា គួរតែអានបណ្តើរ ហើយចំណាយពេលសរសេរបណ្តើរ មិនថាបានសរសេរតិចក្ដី ឬច្រើនក្ដី គឺគួរតែចាប់ផ្តើមសរសេរបណ្តើរៗ”

កញ្ញា សេង ហ្គេកលី ប្រាប់ថា នៅថ្ងៃអនាគត អ្វីដែលកញ្ញាគ្រោងនឹងធ្វើ មានដូចចជា ផតខាស (Podcast) និងទីតាំងបណ្តុះបណ្តាលផ្ទាល់ខ្លួនដែលទាក់ទងនឹងការស្គាល់ខ្លួនឯងជាដើម។ មូលហេតុដែលអ្នកនិពន្ធមានគម្រោងបែបនេះ ព្រោះតាមរយៈការចូលរួមកម្មវិធីកន្លងមក នាងសង្កេតឃើញថា មានយុវជនជាច្រើនតែងសួរអំពីការស្គាល់ខ្លួនឯង។ មិនតែប៉ុណ្ណោះទេ ក៏មានប្រធានបទពាក់ព័ន្ធផ្សេងៗទៀតដែលគ្រោងនឹងយកមកនិយាយដែរ មានដូចជា ការផ្តោតអារម្មណ៍ ការរៀបចំពេលវេលា ការកំណត់គោលដៅ និងការសមាធិជាដើម៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អគ្គនាយកដ្ឋាន​យុវជន ជ្រើសរើស​ប្រតិភូ​កុមារ​តំណាង​ប្រទេស​កម្ពុជា​៤រូប ចូលរួម​សន្និសីទ​កុមារ​អាស៊ី-ប៉ាស៊ីហ្វិក (APCC) នៅ​ប្រទេស​ជប៉ុន

ព័ត៌មានអាហារូបករណ៍, ព្រឹត្តិការណ៍

• 03/01/2025

អគ្គនាយកដ្ឋាន​យុវជន នៃ​ក្រសួង​អប់រំ​ យុវជន និងកីឡា បាន​ប្រកាស​ជ្រើសរើស​ប្រតិភូ​កុមារ​តំណាង​ប្រទេស​កម្ពុជា​ចំនួន៤រូប ចូលរួម​ក្នុង​សន្និសីទ​កុមារ​អាស៊ី-ប៉ាស៊ីហ្វិក (APCC) ដែលនឹង​ធ្វើឡើង​ចាប់ពី​ថ្ងៃទី១១ ដល់ថ្ងៃទី២២ ខែ​កក្កដា ឆ្នាំ២០២៥ ខាងមុខ...

ឱកាសសិក្សានៅសាកលវិទ្យាល័យល្បីៗចំនួន៤ក្នុង​ប្រទេស​សិង្ហបុរី ពីអាហារូបករណ៍ Dr.GOH KENG SWEE

ព័ត៌មានអាហារូបករណ៍, ព្រឹត្តិការណ៍

• 11/01/2023

កម្មវិធីអាហារូបករណ៍ Dr. GOH KENG SWEE ឬហៅកាត់ថា GKS Scholarship ប្រកាស​ផ្ដល់អាហារូបករណ៍ថ្នាក់បរិញ្ញាបត្រដល់និស្សិតបរទេសឆ្នើម...

ឱ​កាស​យុវជន​កម្ពុជា​បង្ហាញ​សមត្ថភាព​ផ្នែក​បច្ចេកវិទ្យា ​តាមរយៈ​ការ​ប្រកួត​សរសេរ​កូដ​បញ្ជា​រ៉ូបូត​នៅលើ​ស្ថានីយ​លំហ​អាកាស​អន្តរជាតិ​

ព័ត៌មានអាហារូបករណ៍, ព្រឹត្តិការណ៍

• 24/07/2026

​ដើម្បី​លើកកម្ពស់​ការ​សិក្សា​ ​និង​ការ​អភិវឌ្ឍ​ជំនាញ​ផ្នែក​វិទ្យាសាស្រ្ត​ ​បច្ចេកវិទ្យា​ឌីជីថល ​វិស្វកម្ម​ ​រូបវិទ្យា​ ​និង​គណិតវិទ្យា​ ​ព្រមទាំង​បង្កើន​កិច្ចសហប្រតិបត្តិការ​អន្តរជាតិ​ផ្នែក​លំហ​អាកាស...

អាហារូបករណ៍ ស សុខា ១០០កន្លែងនៅសាកលវិទ្យាល័យអាយអាយស៊ី នៃបច្ចេកទេស ឆ្នាំ២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

ឱកាសទទួលបានអាហារូបករណ៍សម្រាប់​សិក្សាថ្នាក់បរិញ្ញាបត្រនៅសាកលវិទ្យាល័យអាយអាយស៊ី នៃបច្ចេកទេស ចំនួន១០០កន្លែង សម្រាប់ឆ្នាំសិក្សា២០២២-២០២៣...

អាហារូបករណ៍រដ្ឋាភិបាល​សហព័ន្ធរុស្ស៊ី​ចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 11/12/2024

សម្រាប់ឆ្នាំ​សិក្សា​២០២៥-២០២៦ រដ្ឋាភិបាល នៃសហព័ន្ធ​រុស្ស៊ី ផ្តល់​អាហារូបករណ៍​ចំនួន ៤០កន្លែង ដល់​សិស្ស និស្សិត និង​មន្រ្តីរាជការ​កម្ពុជា ដើម្បី​ទៅបន្ត​ការ​សិក្សា​ថ្នាក់បរិញ្ញាបត្រ បរិញ្ញាបត្រ​ជាន់ខ្ពស់ បណ្ឌិត និងថ្នាក់​ឯកទេស (Specialist) នៅ​សហព័ន្ធរុស្ស៊ី។

ឱកាសអាហារូបករណ៍ចំនួន១០០កន្លែង ៖ អាហារូបករណ៍ ចេន ហ្ស៊ី (Chen Zhi) ចាប់ផ្តើមបើកទទួលពាក្យហើយ

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្នុងរយៈពេលប្រាំពីរឆ្នាំកម្មវិធីរបស់ ព្រីនស៍ ហូលឌីង គ្រុប នឹងគាំទ្រដល់និស្សិតកម្ពុជាចំនួន ៤០០នាក់ ជាមួយនឹងការបរិច្ចាគដែលមានតម្លៃជាទឹកប្រាក់សរុបប្រមាណ ២ លានដុល្លារសហរដ្ឋអាមេរិក...

ឱកាសសិក្សា​ជំនាញវិជ្ជាជីវៈ​នៅវិទ្យាស្ថាន​ពហុបច្ចេកទេស​ភូមិភាគ​តេជោសែន​សៀមរាប ចំនួន ១៧៥០កន្លែង

ព័ត៌មានអាហារូបករណ៍, ព្រឹត្តិការណ៍

• 21/11/2024

វិទ្យាស្ថាន​ពហុបច្ចេកទេស​ភូមិភាគ​តេជោសែន​សៀមរាប​ប្រកាស​ជ្រើសរើស​សិស្សានុសិស្ស​ឱ្យ​ចូលសិក្សា​ជំនាញវិជ្ជាជីវៈ​ជាច្រើន​កន្លែង​សម្រាប់​ឆ្នាំសិក្សា​២០២៤-២០២៥។

អាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថាន Chulabhorn Graduate ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 02/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានChulabhorn Graduate Institute (CGI) ពីកម្មវិធីអាហារូបករណ៍ Chulabhorn ...

អាហារូបករណ៍ថ្នាក់បណ្ឌិតនៅសាកលវិទ្យាល័យ Victoria ប្រទេសនូវែលសេឡង់ចំនួន១១០កន្លែង

ព័ត៌មានអាហារូបករណ៍, ព្រឹត្តិការណ៍

• 04/07/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Victoria នៅប្រទេសនូវែលសេឡង់ក្រោមកម្មវិធីអាហារូបករណ៍ Wellington Doctoral Scholarship។ ...