ភ្នំពេញ – កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សិក្សានៅសហរដ្ឋអាមេរិក ។

អាហារូបករណ៍លើកទឹកចិត្តដល់និស្សិតដើម្បីដាក់ពាក្យសិក្សាក្នុងវិស័យថាមពល ទឹក កសិកម្ម សុខភាព ការអប់រំ បរិស្ថាន និងការបម្រែបម្រួលអាកាសធាតុ លើកលែងតែឱសថស្ថានឱសថសាស្ត្រ ។ បេក្ខជនដែលមានបំណងចង់ដាក់ពាក្យសិក្សា ត្រូវមានប្រវត្តិការសិក្សាល្អ សម្រាប់និស្សិតស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ ឬមានប្រវត្តិការសិក្សា១៦ឆ្នាំ(រាប់តាំងពីរៀនថ្នាក់ដំបូង) ។ សម្រាប់បេក្ខជនថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ ឬមានប្រវត្តិការសិក្សា១៨ឆ្នាំ(រាប់តាំងពីរៀនថ្នាក់ដំបូង) ដែលមានការទទួលស្គាល់ពីគ្រឹះស្ថានសិក្សាទទួលស្គាល់ពីក្រសួងអប់រំ ។

លក្ខខណ្ឌសម្រាប់បេក្ខជនដែលមិនអាចស្នើពាក្យបានដូចជា មានគ្រួសារឬមានសញ្ជាតិអាមេរិក និងរស់នៅសហរដ្ឋអាមេរិក ជាបុគ្គលិក នៃ Fulbright Organization, ឬធ្វើការនៅក្រសួងការបរទេសសហរដ្ឋអាមេរិក ឬ USAID ឬអ្នកដែលធ្លាប់បានសិក្សានៅសហរដ្ឋអាមេរិក ។ អាហារូបករណ៍នឹងបិទទទួលពាក្យទៅតាមប្រទេសនីមួយៗដូចនេះសូមចូលទៅកាន់គេហទំព័រផ្ទាល់របស់អាហារូបករណ៍ Fulbright៖ https://foreign.fulbrightonline.org/about/foreign-student-program ។

និស្សិតដាក់ពាក្យត្រូវមានពាក្យសុំចូលរៀនមួយច្បាប់ លិខិតយោងពីសាស្ត្រាចារ្យចំនួន ៣ រួច Scan transcripts និងរបាយការណ៍ផ្ទាល់ខ្លួន ។ បេក្ខជនដែលទទួលបានអាហារូបករណ៍នឹងទទួលបានការគាំទ្រពីអាហារូបករណ៍ដូចជា ថ្លៃសិក្សាឥតគិតថ្លៃ ថ្លៃស្នាក់នៅនិងកន្លែងស្នាក់នៅ ថ្លៃទិដ្ឋាការរស់នៅ ថ្លៃសំបុត្រយន្តហោះ ប្រាក់ខែប្រចាំខែ និងថ្លៃធ្វើការសិក្សាស្រាវជ្រាវ ដែលទទួលបានពីរដ្ឋាភិបាលសហរដ្ឋអាមេរិក ។

សម្រាប់ព័ត៌មានបន្ថែមសូមចូលទៅកាន់តំណភ្ជាប់ https://b4unew.com/fulbright-usa-scholarship-program-fully-funded-american-idol-success/ ។ ចាប់ទទួលពាក្យពីថ្ងៃផ្សាយដំណឹងរហូតដល់ចុងខែកុម្ភៈឆ្នាំ២០២៣ ៕