ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អាហារូបករណ៍អូស្ដ្រាលីសម្រាប់ឆ្នាំសិក្សា២០២៤កំពុងបើកទទួលពាក្យ សម្រាប់ការស្នើសុំអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសអូស្រ្តាលី ។ អាហារូបករណ៍ផ្ដល់សម្រាប់និស្សិត និងសាធារណជនគ្រប់មជ្ឈដ្ឋាន ជាពិសេសលើកទឹកចិត្តជាពិសេសសម្រាប់ស្ត្រី ជនជាតិដើមភាគតិច និងជនមានពិការភាពដើម្បីស្នើពាក្យអាហារូបករណ៍ ។
លក្ខខណ្ឌក្នុងការដាក់ពាក្យ បេក្ខជនត្រូវមានលំនៅដ្ឋានបច្ចុប្បន្នក្នុងប្រទេសកម្ពុជាយ៉ាងតិច២ឆ្នាំចុងក្រោយ មានបទពិសោធន៍ធ្វើការងាររយៈពេល២ឆ្នាំ(ពេញម៉ោង) សម្រាប់បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ត្រូវសញ្ញាបត្របរិញ្ញាបត្រ និងលិខិតបញ្ជក់ភាសាអង់គ្លេស IELTS យ៉ាងតិច ៦.០ ។ សម្រាប់ថ្នាក់បណ្ឌិតត្រូវសញ្ញាបត្របរិញ្ញាបត្រជាន់ខ្ពស់ និងលិខិតបញ្ជក់ភាសាអង់គ្លេស IELTS យ៉ាងតិច ៦.៥ ។
ជាមួយគ្នានេះ បេក្ខជនត្រូវអាចស្នើពាក្យសិក្សាជំនាញជាច្រើនមុខលើកលែងតែជំនាញ គ្រប់គ្រងទូទៅ និងជំនាញគ្រប់គ្រងពាណិជ្ជកម្ម ។ បេក្ខភាពអាហារូបករណ៍នឹងទទួលបានការគាំទ្រសម្រាប់សិក្សាដូចជា ថ្លៃធ្វើដំណើរ ការសិក្សាឥតគិតថ្លៃ ថ្លៃស្នាក់នៅ កម្មវិធីបណ្ដុះបណ្ដាលភាសាអង់គ្លេស ធានារ៉ាប់រងសុខភាព ជំនួយផ្នែកសិក្សា និងប្រាក់ឧបត្ថបន្ថែមសម្រាប់និស្សិតស្រាវជ្រាវ ។
ឯកសារចាំបាច់ដែលបេក្ខជនស្នើពាក្យសុំអាហារូបករណ៍ត្រូវភ្ជាប់ជាមួយរួមមាន ៖ សញ្ញាបត្របញ្ជាក់ការសិក្សាដែលមានបងប្រែជាភាសាអង់គ្លេស ព្រឹត្តិបត្តិពិន្ទុបកប្រែជាភាសាអង់គ្លេស សំបុត្របញ្ជាក់កំណើតបកប្រែជាភាសាអង់គ្លេស លិខិតបញ្ជាក់ការងារបកប្រែជាភាសាអង់គ្លេស ប្រវត្តិរូបសង្ខេបនៃកម្មវិធីសិក្សា (មានគំរូនៅក្នុងពាក្យទាញយក) ។
សម្រាប់ព័ត៌មានបន្ថែមអាចចូលទៅកាន់ https://www.australiaawardscambodia.org/scholarships/ និងដាក់ពាក្យតាមរយៈ https://oasis.dfat.gov.au ។ ចាប់ពាក្យទទួលពីថ្ងៃផ្សាយដំណឹងរហូតដល់ថ្ងៃទី០១ ខែឧសភា ឆ្នាំ២០២៣ ៕
