ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមរបាយការណ៍ដែលចេញផ្សាយដោយវេទិកាសេដ្ឋកិច្ចពិភពលោក (WE Forum) ដែលមានឈ្មោះថា អនាគតនៃទីផ្សារការងារ បានព្យាករណ៍ថា ចាប់ពីពេលនេះ រហូតដល់ឆ្នាំ២០២៧ អ្នកជំនាញចំនួន ៤៤ភាគរយ នឹងត្រូវជួបឧបសគ្គក្នុងអាជីពរបស់ខ្លួន ដោយសារវត្តមាននៃបច្ចេកវិទ្យាថ្មីៗ ។ ទន្ទឹមនឹងនេះ តាមរបាយការណ៍បានបង្ហាញឱ្យដឹងពីជំនាញចំនួន ១០ដែលមានសារៈសំខាន់បំផុតសម្រាប់បុគ្គលិកក្នុងឆ្នាំ២០២៣នេះ។
ជំនាញបែបគិតវិភាគ (Analytical thinking) ត្រូវបានចាត់គេទុកថាជាជំនាញស្នូលដែលក្រុមហ៊ុនត្រូវការបំផុត ដោយជាមធ្យមមានចំនួន ៩,១ ភាគរយ។ ដោយឡែក ជំនាញការគិតបែបច្នៃប្រឌិត ស្ថិតនៅលំដាប់ទី ២, ជំនាញអត់ធ្មត់ បត់បែន និងរហ័សរហួន លំដាប់ទី៣, ជំនាញលើកទឹកចិត្ត និងយល់ពីខ្លួនឯង លំដាប់ទី៤, និងជំនាញចង់ដឹងចង់ឮ និងការសិក្សាពេញមួយជីវិត លំដាប់ទី៥ ដែលជំនាញទាំងនេះ ជាជំនាញសំខាន់ដែលបុគ្គលិកទាំងអស់ ត្រូវមានដើម្បីសម្របខ្លួននៅកន្លែងធ្វើការ។
លោកស្រី Saadia Zahidi នាយកគ្រប់គ្រង WE Forum បានលើកឡើងថា មនុស្សដែលមានជំនាញផ្នែកគិតបែបវិភាគ ហើយសម្បូរគំនិតច្នៃប្រឌិត ត្រូវបានគេចាប់អារម្មណ៍ច្រើនជាងមនុស្សទូទៅ ប៉ុន្តែការមានជំនាញភាពជាអ្នកដឹកនាំ និងទំនាក់ទំនងសង្គម ក៏មានសារៈសំខាន់ខ្លាំងណាស់ដែរ។ ចរិតលក្ខណៈបុគ្គលដែលមានជំនាញទាំងនេះ នាំឱ្យពួកគេ មានទំនាក់ទំនងល្អជាមួយមនុស្សជុំវិញខ្លួន មានគំនិតបង្កើតថ្មី ព្រមទាំងអាចសម្រេចការងារប្រកបដោយប្រសិទ្ធភាព។
ជាមួយគ្នានេះ របាយការណ៍ក៏បានបង្ហាញអំពីអនាគតជំនាញ១០ ដែលមានសារៈសំខាន់នាពេលអនាគតផងដែរ។ ដោយជំនាញគិតបែបវិភាគ នៅតែមានសារៈសំខាន់ខ្លាំងជាងគេដដែល។ លើសពីនេះ ក្នុងរយៈពេលដ៏ខ្លីខាងមុខ ក្រុមហ៊ុនត្រូវទទួលស្គាល់នូវសារៈសំខាន់នៃការផ្ដល់ឱកាសឱ្យបុគ្គលិករៀនជំនាញថ្មី (Reskill) និងពង្រឹងសមត្ថភាពលើជំនាញដែលមានស្រាប់ (Upskill) ខណៈបច្ចុប្បន្ន មានក្រុមហ៊ុនចំនួន ៨២ភាគរយរួចទៅហើយ ដែលមានគម្រោងវិនិយោគក្នុងការសិក្សា និងបណ្ដុះបណ្ដាលជំនាញដល់បុគ្គលិក។
ដោយឡែក ជំនាញបញ្ញាសិប្បនិម្មិត និងទិន្នន័យធំ ស្ថិតនៅចំណាត់ថ្នាក់ទី៧ ក្នុងជំនាញដែលមានសារៈសំខាន់ខ្លាំងបំផុត ត្រូវបានគេព្យាករណ៍ថា នឹងមានកំណើនតម្រូវការ ៦០ភាគរយនៅឆ្នាំ២០២៧។ អ្វីដែលកាន់តែពិសេសនោះ គឺការរីកចម្រើនដ៏ឆាប់រហ័សនៃបច្ចេកវិទ្យា, ខ្សែសង្វាក់តម្លៃរៀបចំឡើងវិញ (restructured value chains), និងការចាប់ផ្ដើមនៃបច្ចេកវិទ្យាបៃតង នឹងបង្កើតឱកាសកាន់តែច្រើនសម្រាប់អាជីវកម្ម និងសេដ្ឋកិច្ច។ យ៉ាងណាមិញ ការអភិវឌ្ឍមូលធនមនុស្ស ត្រូវតែផលិតកម្លាំងពលកម្មដែលត្រៀមខ្លួនរួចរាល់សម្រាប់ការមកដល់ នៃ Generation AI និងបដិវត្តន៍នៃការរៀនជំនាញថ្មី (Reskill Revolution)៕
