ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីសិក្សាផ្នែកច្បាប់របស់ World Bank នៅរដ្ឋធានីវ៉ាស៊ីនតោន ប្រកាសផ្ដល់ឱកាសសិក្សាដល់និស្សិតអន្តរជាតិជុំវិញពិភពលោកសម្រាប់ឆ្នាំសិក្សា២០២៣-២០២៤ ។ អាហារូបករណ៍នឹងផ្ដល់ជូនសម្រាប់និស្សិតសិក្សានៅទីស្នាក់ការធនាគារពិភពលោក នៃរដ្ឋធានីវ៉ាស៊ីនតោន សហរដ្ឋអាមេរិក ។
រយៈពេលកម្មសិក្សាត្រូវបែងចែកជា៣រដូវកាល Fall Internship, Summer Internship និង Spring Internship ដែលក្នុងមួយវគ្គសិក្សាមានរយៈពេល៣ខែ ។ ជាមួយគ្នានេះ បេក្ខជននឹងទទួលបានអត្ថប្រយោជន៍កំឡុងពេលសិក្សាដូចជា ប្រាក់ឧបត្ថម្ភប្រចាំខែ មានឱកាសជួបជាមួយបេក្ខជនអន្តរជាតិនិងបង្កើនចំណេះដឹងថ្មីៗ ឱកាសកំសាន្តនៅសហរដ្ឋអាមេរិក និងឱកាសធ្វើការជាមួយអ្នកជំនាញផងដែរ ។
ក្នុងកំឡុងពេលកម្មសិក្សា បេក្ខជននឹងមានឱកាសស្វែងយល់ពីបញ្ហា ការងារ និងរៀនពីបញ្ហាដែលទាក់ទង ។ ឱកាសរៀនសូត្រជាមួយអ្នកកាន់គម្រោងការងារ ចូលរួមក្នុងការរៀបចំសន្និសីទ និងការប្រជុំនានា និងឱកាសពិសេសផ្សេងៗជាច្រើន ។
បេក្ខជនដែលមានចំណាប់អារម្មណ៍ក្នងការដាក់សូមភ្ជាប់ជាមួយឯកសារចាំបាច់ដូចជា ប្រវត្តិរូបសង្ខេប សេចក្តីថ្លែងការណ៍នៃការចាប់អារម្មណ៍ឬលិខិតលើកទឹកចិត្ត, Evidence of enrollment at university for a law degree, ប្រតិចារិកសិក្សាទាំងអស់, អត្ថបទខ្លីអំពីការឆ្លើយសំណួរស្រាវជ្រាវដោយអនុប្រធានផ្នែកច្បាប់, អត្តសញ្ញាណប័ណ្ណ និងលិខិតបញ្ជាក់មិនធ្លាប់មានប្រវត្តិឧក្រិដ្ឋកម្ម (លិខិតថ្កោលទោស)។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://www.worldbank.org/en/about/careers/programs-and-internships/Legal-Internship-Program ។ ផុតកំណត់ទទួលពាក្យថ្ងៃទី៣០ ខែមេសា ឆ្នាំ២០២៣ ៕
